اليوم سويت على العشاء بيبي كفته وطلعت شئ خفيفه ولذيذه .... أهم شئ انها سريعه
ترا بالعاده مااسوي عشاء >> بشري امك خخخ
يمدحون النواشف وساندوتشات الجبن والبيض زي مايقول ولدي
ماما من كثر مااكل ساندوتش بيض قربت ابييييض خخخخخخخ فرحمته اليوم سويت هذا البرقر
>>ماتعطى وجه نهائي راعيه خررررط
المهم بعد المقدمه الجميله :27:
نبدا بالمقادير ....
لحم مفروم الكميه اللي تبغينها انا حطيت نص صحن لاني استخدم المبرد
بصله
فص ثوم واحد
بقدونس اذا حبيتي انا هنا ماحطيت
رشه كمون
ملح
فلفل احمر
عجينه بف باستري
كاتشب
مايونيز
اول شئ قطعت البصل والثوم ارباع وحطيتهم بالفرامه وحطيت عليهم اللحم المفروم وفرمتهم سواء بعدين طلعت الخليط وحطيت عليه ملح وفلفل وكمون وكورتهم وجبت مقلاة تيفال وحطيت عليها شوي زيت وحطيت كور اللحمه عليها وخليهم دقيقه وبعدين قلبيهم لان اذا قلبتيهم على طول تتفكك في هذي الاثناء قطعت مجموعه شرائح البف باستري الى 4 قطع ووزعتهم بصينيه وحطيتهم بالفرن
معليش ماصورت هذي الخطوه ...
يكون اللحم خلص مايأخذ وقت بالكثير 10 دقائق ...ولما تتحمر البف باستري طلعيها ودهني كل حبه مايونيز لاتكثرين شوي وحطي كوره اللحمه وعليها كاتشب وبعدين قطعه بف باستري ثانيه وهكذا لما تخلص الكميه .....
ممكن تقطعين خس شرائح وتحطينه على اللحمه او شرائح خيار او شريحه جبنه زي ماتحبين وتغطينهم بطبقه بف باستري ثانيه انا ماحطيت غير الكاتشب والمايونيز لاني كنت مستعجله ....
هذا بصحن التقديم
ثبتهم بعود اسنان فيه اعواد بلاستيكيه ملونه وعليها اشكال حلوووه مره بس للاسف ماكانت عندي واستخدمت هذي الاعواد
هذي صوره اقرب
هذا صحن زوجي مع مشروبه المفضل :cook:
للامانه .... ترا هذي الطبخه العجيبه ليست من تأليف ولكن شفتها بالتي في وطبقتها ...
طبقوها ان شاءالله تعجبكم ...وياليت لو تحمسوني شوي عشان كل يوم اسوي عشاء :35:
وترا هذي اول مره انزل طبخه بهالقسم ...