هذا الله يسلمكن حبيت اكتب لكم يومياتنا بعالم حواء اللي اتوقع الكثير من العضوات يحس باللي احسة تجاة هالعالم انه كننا في بيت واحد
وكالعادة طفشششششانة و رحت دخلت عالمي اللي ماستغني عنه عالم حواء على قولت امي الله يطول بعمرها خوياتك خخخخخخخ ياحياتي تحسبهن مجموعة ماتدري انهن ماشاااء الله تبارك الرحمن كثيرات
المهم بالبداية تعرفون الحريم يموتن على الاخبار وانطلق سيييدة على قسم العام واقرى في هالاخباراللي فيها اللي يسر ويونس وفيها اللي يضيق الخلق الله يعين على هالدنيا
بعدين رحت لمجالس الايمان اتزود منه لاخرتي والقى البنات الله يجزاهم خير منزلين ادعية وسور القران للتحميل استفدت منه كثيررررر الله يجزاهن الجنة يااارب
بعدين حسيت بالجوووع ورحت للقسم اللي اتوقع نص بنات حواء يجونه قسم الاطباق
والله مير واروح لهن والقى البنات الله يعطيهم العافية مجهزات السفرة
وكلن تقول الزود عندي واللي مسوية لنا حلى والي عصير واللي ريحة قهوتها ماشاء توصلك وانتي في قسم السياحة والسفر خخخخخخجلست عندهم وتقهويت وتغديت بعدين رحت للقسم حياة اسرية سعيدة والله اني اتمنى انه نفس الاسم من شي اشوفه بهالقسم الله يعينا على هالدنيا فيه الاخوات والله اني دايم ادعي لهن اللي تشكي خيانة زوجها واللي زوجها تزوج عليها واللي محرومة من الضنا مثلي الله يرزقنا يااارب ياكريم واللي حمولتها مو مخلينها بحالها واللي عياله اشقياء ومبهذلينها
و اشياء تشيب بالراس وووو والله يعين بس بعدين صراحة اطلع مكتئبة من اللي قريت اروح سيييدة على قسم الاناقه و الجمال ابغير جو وادخله والقى البنات ماشاء الله اللي تستشور شعرها واللي تحط مكياج
واللي جايبة اغراضها من السوق تفرجنا وش شرت 
حووووسة الله يعين كلن يبي الزين والكشخة خخخخخ
وبعدها اخطف رجلي على قولة اخوان المصريين على قسم التجارب والحلول المنزلية وبيني وبينكم لاجيته ما اطول اخاف تطلع لي وحدة من الخوات تقول ساعديني والاشي وانا عاجزة لانظف بيتي خخخخخخخخخ بس الله يعينهن مشتطات اللي تغسل
واللي تتنظف
ماتشمين الاريحة المطهرات والديتول والعملاق الاخضر عاد هذا مشهور بالقسم هناك بس الله يعطيهن العافية من جد استفدنا منهن كثير بعدها اروح لقسم الحمل والامومة والتغذية والصحة الله يرزق كل محرومة يااارب ويشفي كل مريضة واطلع من عنده واناحالتي بدون تعليق:icon33:
بعدين اروح للقسم الممتع صراحة قسم الواحة السياحية واشوف البنات ماشاء الله اللي جاية من ماليزيا واللي رايحة تركيا
الله يهنيهم يارب واللي مجهزين شناطهم وجالسين بالمطار خخخخخخخخختقريبا هاذي الاقسام اللي ادخلها كل يوووم
شفتوا يابنات احنا بيت واحد كبييييير اسمة عالم حواء
عالم كبير جمعنا من كل دولة ومدينة وقرية تجمعنا نساند بعض ونواسي بعض ونساعد بعض بالخبرات والتجارب
الله لايفرقنا يااارب ويجمعنا في جنات الخلد يااارب
هذه بعض من يومياتي حبيت افضفض فيها لكم يبنات عالمي الذي اخذ كثير من وقتي
اتمنى تتقبلونها بصدر رحب
واتمنى اللي مايعجبها الموضوع
ماتجرح بالرد لانه بالفترة الاخيرة
صارت المواضيع كلها ردود جارحة