حبيباتي بنات حواء السلام عليكم
كيفكم ان شاء اللله بخير
اليوم اشتهوا عيالي بيتزاء وزنوا على راسي ياماما نبغى تسوينها والله واقولهم هو صدق طلبتوا مني شي تاكلونه وانقز وارفع اكمامي وادخل المطبخ واعجن العجينه وقلت يا بنت فرصه صوري وصورت
مقادير العجينه حطي اللي انتي متعوده عليها
هذي العجينه بعد ماتخمرت قسمتها نصين ووزنتها عشان احطها في صينيتين
هذي الصلصه مجهزتها عندي من قبل وسهله جدا وحلوه ومقاديرها:
حطي في الخلاط الكاس حبتين طماط كبار+بصله متوسطه+نص بياله زيت زيتون افضل+ملعقتين صلصة الطماط+فص او فصين ثوم+فلفل بارد اخضر او احمر صغير+حبة ماجي +ملح+فلفل اسود+بهارات+ايجيناموتو+مقدار غطا الخل خل ابيض+شطه حاره حسب الرغبه كلها في الخلاط وبعدين حطيها في القدر وخليها تتسبك على نار هاديه
زيتون شرائح وفلفل اخضر بارد مقطع شرائح صغار ونقانق بالدجاج متبل وحار مقطع حلقات رفيعه
جبن برايد انا خلط نوعين منها العادي والشيدر تغيير بس النوعيه هذي من الجبن احسن شي جربته
فردت العجينه وغزيتها بالشوكه من كل الجهات عشات تستوي بسرعه وعشان ماابيها تنتفش كثير نحبها رقيقه شوي وانتي وذوقك
حطيت المكونات عليها والجبن اخر شي ودخلتها الفرن على درجة 180 لمدة ربع ساعه وطلعت ولا احلى
وهنا بعد ما طلعتها من الفرن شوفو كيف الجبن سايح وشكله يجنن والله يا بنات حتى ما امداني اصورها بعد ما قطعتها العيال وابوهم قضوا عيها عليهم بالعافيه زين اللي بقالي قطعه منها واكلتها
اتمنى تعجبكم البيتزاء واي استفسار انا حاضره:26::26: