يوم الربوع الي فات عزمتني ام حياتي جوري في مطعم
في عزيز مول اسمه بيتزا كعبور مدري كمبون او كومبوني قريب من كذا الي قدام هايبر بنده اللمهم وكان معي ولدي
فواز فديته اللمهم طلبت لنا عشي يكفي قبيله طبعا مكرونه فيوتشيني مسلوقه في مويه
واصابع ناكلها مع فريقه مدري صوص ابيض يشبه الفريقه حقت الغمد
وبيتزا باذنجان وكوبين ببسي بغيت اغرق فيه من كبره وبصل دوائر اللمهم
اعجبتني بيتزتهم وعشيت زوجي من دياتي وهذا عشاي وش رايكم
العجينه عجينة البيتزا الي تسون
مقاديرها
فنجان زيت دقيق الكويت
خميره فوريه ذرة ملح شوي سكر
4ملاعق حليب بودره تعجن وتترك لتخمر ساعه
تفرد ونسوي الصلصه
وانا اطحن طماط واقطع بصل واحط بهارات وشوي زيت وتنحط على النار لين تثقل
ونفرد العجين ونحط الخليط وتنحط بالفرن بعد ماتستوي نضيف الفلفل الحلو
والباذنجان المقلي والزيتون والجبن المزريلا والكرافت المبشوره
وتنحط بالفرن لين تسيح الجبن شوي بس ماتطول
وباقي العجين سويت
فطاير لولدي الصغير فديته
وهذى عشاي
وهذا عشانا وش رايكن طبعا اول مره اسويها بالباذنجان وبو العيال الله يسلمه قام يلقط الباذنجان يحسبه ايدام مدري وش شايفه وصرخت مسكين قطع الخلف من الخرعه فديته قلت هذي بيتزا ماهي رز ودجاج خخخخخخخخخخخ
ومن ناحيه ثانيه ام حياتي جوري بتهزئني ليش تصويرك كذا كن احد لاحقك وليش وليش الله يعيني عليها بس اصبر
مدام بتعزمني انا وولدي كل يوم في مطعم انثبر واسكت اهم شي
اكل وانا مرتاحه من زن جوري حكاياتها المدرسيه الي لازم ارد ببتسامه ولازم اتفاعل وياويلي
لو ماعطيتها ملخص عن حكايتها مآسي من جد
يسلمووو ويعطيك العافيه