سلام عليكم يا بنات يا طباخات
عندي وصفة شفتها في منتديات من كم يوم في منتدى وفي نفس اليوم طبقتها وصارت لذيذة جدااااااا
وهي وصفة سهله وسريعة وقت العشا.. وفي نفس الوقت حلوة
المقادير
بطاطس ( العدد حسب الرغبة والكمية الي تبينها) انا سويت 3 بطاطسايات متوسطات
بيضتان او على حسب البطاطس الي سويتيه
مايونيز
جبن كاسات
صلصة البيتزا الجاهزة او تسويها بالبيت .. انا اذا ماعندي الجاهزة اسوي كاتشب مع فلفل اسود ويصير طعمها حلووو
خضار حسب الرغبة(طماطم\زيتون\فطر\فلفل بارد\ واي شي تحبي تحطيه على البيتزا)
جبن موتزاريلا او تشيدر
الطريقة
1.تقشري البطاطس وتغسليه وتخليه يجف بعدها تقلينه في زيت حار ولما تشيلينه تملحينه وتصفينه في بايركس او صينية فرن حسب عدد البطاطس الي سويتيه او حسب عائلتك..
2. تخلطي البيض مع المايونيز مع الجبن السائل (انا حطيت شوية خل وفلفل اسود علشان مايبين البيض زفر.. واضفت له جبن مبشور بعد).. وتصبي الخلطة فوق البطاطس المقلية..
3.تضعين صلصة البيتزا الجاهزة فوق الخلطة والبطاطس ( انا هنا اعتمدت الكاتشب مع الفلفل الاسود وحطيته فوقه)
4. تصفين الخضار على حسب الرغبة( انا كنت حاطة شرائح طماطم وفطر بس) وتبشرين عليها الجبن او تضعين جبن الموتزاريلا..
تدخلينها الفرن ربع ساعه من تحت وبعدها تشعلي فوق علشان يذوب الجبن او يتحمر ( انا ماخليته يتحمر علشان لا يصير خشن لما يبرد لاني ماكنت ادري زوجي متى بيرجع وخفت تبرد وتخترب)
وهذي لما طلعتها من الفرن
وهذي قطعة لكل وحدة تدخل الموضوع:)
مو تشوفو الشرح طويل تقولون صعبة
تراها كلللش سهلة وحلوة
تحياتي للجميع
كل وحده تدخل تدعي الله يثبت لي حملي ويرزقني الذرية الصالحة :)
ثلج ونار @thlg_onar
عضوة فعالة
يلزم عليك تسجيل الدخول أولًا لكتابة تعليق.
solafah :شكلها لذيذة وسهله تسلم يدينك الله يثبت حملك ويرزقك بالولد الصالحشكلها لذيذة وسهله تسلم يدينك الله يثبت حملك ويرزقك بالولد الصالح
الله يعطيكي العافية باين عليها لذيذة...ان شاء الله اسويها:26:
الشموس90
•
الله يعطيك الصحة والعافية ويثبت حملك ان شاء الله
بس الطريقة فعلاً سريعة وشكلها لذيذة مررررره
بس الطريقة فعلاً سريعة وشكلها لذيذة مررررره
الصفحة الأخيرة
وأدعيلي أن الله يهديلي عيــــــــــــالي قولي آمين