المقادير حقت العجينة:.
٢ كاس دقيق - ملعقة كبيره سكر - رشة ملح- ملعقه كبيره حليب بودره- ملعقه صغيره بكنج بودر- ملعقة صغيرة خميرة فوريه - ملعقتين زيت زيتون- مويه حسب العجينه وخليها زي عجينة الفطاير وكذا ..وبس ترتاح تقريبا نص ساعه او ٤٥ وابدي فيها لأننا بنفردها في الصينية كذا باليد بدون فراده.. وهذي شكل العجينه في الصاج سميكه بس مو مره عشان حطي في بالك بتنفش خليها بالسمك اللي تحبين..
بعدها نكون قد جهزنا الكشنه من قبل وتكون بارده اللي هيه قطعت بصل وحمرته لين ذبل وحطيت طماطم مقطعه صغار وحطيت البهارات والكركم وخليتها لين تذبل بعدها حطيت الجزر المبشور وطفيت النار وحطيت التونه بعد ماصفيتها من الزيت وقلبتها مع الكشنه والبطاطس سلقته في مويه ٣ دقايق بعدها حمرته في الفرن مع زيت زيتون كأني بسوي بطاطس عادي وطلعته قطعته وحطيته مع التونه ورشة بقدونس أخضر وخلاص بكذا جاهزه شوفوا شكلها...
بعدين ياطويلات العمر حطيت الكشنه على العجينه بس في ذي المرحله يكون كل شيء جاهز وتمام عشان ما طول على العجينه وتنفش أكثر من اللازم بسرعه ادخلها فرن حامي .. وزيني باللي تحبين انا ماكان عندي جبنه حطيت فلفل رومي وزيت زيتون 
وهذي شكلها بعد مانجحت وطلعتها 
وهنا حطيتها في الحافظه وصبيت شوي مايونيز 😄
وبس بالعافيه علينا وعليكم 💕