السلام عليكم بنات اليوم اعطيكم طريقتي في البيتزا زي حق المطاعم
العجينه تسوي شويه ماء دافي وملعقه خميره فوريه وملعقه سكر ونص ملعقه ملح ونص كوب دافي لبن المراعي مثلا وثلاث اكواب عصير دقيق احب الدقيق الكويتي وربع ملعقه ثوم مطحون وتعجني وتضيفي كوب قهوه زيت بعدما تخمر مديها عالصحن وتكوني قد كشنتي الكشنه طريقتي اقطع بصله واحمرها على فصين ثوم واقطع طماطتين واحيان اخلط الطماطتين بالخلاط واضيفهم للبصل وارش للكشنه قليل من الفلفل الاحمر وقليل من الزعتر واحيان اضع بالكشنه نقانق مقطعه .... بعد كذه تنتظري لما تدفي الكشنه لاتحطيها حاره بعدما تحطي الكشنه تضيفي الخضار وهي فلفل بارد والزيتون الاسود واحيان اضيف بصل وطماط مقطعه واحيان ما اضيفهم واحطها بالفرن ثم اخرجها واضيف جبنه موزاريلا اسمها بريدل هذه احسن جبنه موزاريلا صراحه لايعلى عليها تمتط وتكون مثل المطاعم بس الي بالصوره هي جبنه فرسانا لكن بريدل افضل بكثير تنباع بالكيلو يعني الصحن تستخدمي له ربع كيلو موزاريلا بريدل وتدخليها لما تشوفي الجبنه ذابت وحمرت خلاص خرجيها وقطعيها .
ملاحظه ممكن تعملي نقانق وممكن دجاج او مفروم او خصار فقط او لانشون
بيتزا الدجاج نفس الطريقه بس أنه نقطع الدجاج شرائح ونشوحهم مع بصل وثوم وفلفل بارد وتقلب الدجاج ونضيف بهارات و زعتر وملعقة خل وملعقة زيت زيتون ونقلب الدجاج ونغطيه وكل شوي
نقلبه الين ينضج بعدما ماتمدي العجينه وتحطي الكشنه حطي الدجاج والفلفل البارد والزيتون ودخليها أ لقرن من تحت ثم فوق خرجيها وحطي الموزاريلا لما تتحمر خرجيها لو تلاحظوا نص البيتزا طرفها فيه كرات زادت عليا العجينه واضطريت احشي الكرات دجاج موزاريلا و دجاج وحطيت الكرات عطرف البيتزا بس الكرات كانت قليله ماكفوا للبيتزا كامل
