مقادير العجينه
ثلاث أكواب دقيق . ربع كوب لبن أو نص علبه زبادي . ملعقتين حليب مجفف . ملعقه سكر .نص ملعقه ملح . ملعقه خميره فوريه . شوي ماء دافي . نص ملعقه ثوم بودره. ملعقه زيت زيتون . ربع كوب زيت ذره
الكشنه تكشني بطريقتك المعتاده وتضيفي للكشنه زعتر . وفلفل أحمر
طريقه الدجاج
تجيبي صدور دجاج تغسليهم وتقطعيهم شرائح وتجيبي الصاج تشوحي فيه بصله وثلاث فصوص ثوم لما يحمروا قليل أضيفي شرائح الدجاج وبهارات وملح وقلبيهم واضيفي نص فلفل بارد وملعقه زيت زيتون وملعقه خل وقلبي وغطيهم وكل شوي تفقديهم قلبيهم وغطيهم الين ينضجوا
طريقه العجن
تحطي الماء الدافي والملعقه السكر وملعقه خميره فوريه تخليهم عشر دقايق أو أقل ثم تضيفي الملح واللبن والدقيق والثوم البودره وتعجني وتضيفي الزيت وتعجني وتخليها تخمر
تمدي العجينه بالصحن والكشنه وقطع الدجاج والفلفل البارد والبصل والزيتون الاسود وتدخليها فرن حار من تحت ثم فوق ثم تخرجيها رشي الموزاريلا ودخليها الفرن أقل من دقيقه الين تذوب الجبنه
