غبت عنكم فترة ورجعتلكم بهالطبق اللذيذ والسهل بنفس الوقت :)
اول شي بالنسبة للعجينة النوع اللي تفضلينه أو اذا تحبين تسوين عجينتنا المعتمده من سنين :)
مقادير العجينة :
=========
- كيس طحين ( المطاحن ) .
- 6 ملاعق كبيرة سكر .
- 6 ملاعق كبيرة حليب بودرة .
- 2 ملعقة كبيرة خميرة .
- 1 ملعقة كبيرة ملح .
- كوب زيت ذرة .
- كوبين ونص ماء فاتر .
اولاً : نقوم بخلط المقادير الناشفة مع بعض ثم نقوم بالعجن بالماء والزيت جيداً ونغطي العجينة ونضعها في مكان دافئ حتى تتخمر.
ثانيا : بعد ما تتخمر العجينة نقوم بتكويرها على شكل كور ( شاهدي الصور ) .
ثالثا: نقوم برش السط بالطحين ثوم نقوم بفرد العجينة على شكل دائرة رقيقة نوعا ما .
رابعاً والمهم المهم تقصصين بصل صغار وتحمسينه بالدهن الحار لما يشقر بعدين تضفين بهاراتج المفضلة وتحطين السبانخ وتحمسين واخر شي تضيفين الليمون والسماق .
تفردين العجينة على شكل دائرة بس بشرط تكون خفيفه بعدين تحطين السبانخ وترشينه بجبن المبشورة وتشبين الفرن من تحت وتخلينه لحد ما تتحمر العجينة وبعدين من فوق عشان تسيح الجبنة وبالعافية على قلوبكم .
ملاحظة : فكرة الوالدة الله يحفظها ويطول بعمرها لانه اسهل لها من عمل الفطاير واسرع ادعولها وادعولي اذا اعجبتكم . :)
وتفضلوا الصورة ولا تنسون حبايبي تعطوني رايكم ؟؟؟
اختكم : دموع الكويت :26: