كيفكم يالغاليات
اليوم جايبتلكم بيتزا بس مهب بيتزا عاديه لا بيتزا مراوح الى الطريقه على طوووووووووووول
أولا :
سوي عجينة البيتزا العاديه اللي تسوينها
بعدين لما تخمر أفرديها وقطعيها مربعات زي الصوره تماماً
بعدين بالسكين أو رول التقطيع قصي جوانب المربع شوفي الصوره
أدهني المربع بالكتشب ثم حطي حشوة دجاج اللي هي ( صدور دجاج قطعيها صغار بعدين شوحيها في زيت أضيفي بصل صغير عليها ومكعب ماجي وبهارات ) لاتطنشون هالحشوه تراها هي سر الطعم اللذيذ للبيتزا
بعدين حطي شرائح بصل وشرائح طماطم وزيتون شرائح ومكعبات صغيره فلفل بارد وفطر أخر شي حطي جبن موزيرلا مخلوط مع جبن شيدر يطلع ألذ بعدين نبدأ باللف شوفوا الصوره بعدين أشرحلكم
شفتوا طريقة اللف زاويه تلف وزاويه لا تخلينها زي ماهي وأنا موضحتلكم بالإشارات والله كله علشان عيونكم :)
تطلع كذا
وهذي لما طلعت من الفرن
وسلامتكم ولاتنسوني من صالح دعائكن (بنتظار ردودكم)
