بيتزا ام لولا مفيش اسرع من كده

السلام عليكم دى اسرع طريقة لعمل البيتزا
المقادير:
2 كوب دقيق او طحين
نصف ملعقة ملح
نصف ملعقة سكر
ربع ملعقة بيكنج بودر
بيضة
خميرة سريعة
ماء دافىء للعجن+ لبن( وممكن لبن دافى فقط و كده احلى)
نخلط المكونات مع بعض و نعجنهم( لحد متصبح ايديكى نضيفة تماما من العجين و بقت العجينة حتة واحدة ده بيكون عن طريق اضافة دقيق كل شوية اثناء العجن)
نغطيها و نتركها فى مكان دافىء و لتكن فى الشمس لمدة نصف ساعة او ساعة
ونجيب صوانى مدهونة زيت و امسحى على ايديكى بالزيت و افرديها باديكى و بططيها لحد متتفرد و صبى على صلصة البيتزا و كل المكونات الى انتى عايزاها وحطيها فى فرن سخن حرارته عالية نوعا لمدة تلت ساعة او نص ساعة الا خمس دقائق و اختبريها بسكينة لما تحطيها فى البيتزا تطلع نظيفة

صلصة البيزا:
معجون الصلصة الجاهزة العادية
قرفة
ملح
فلفل
خل
سكر (قليل)
زعتر
شوية مية

الاضافات:
طماطم _ بصل_ (عصاج+ بيضة نية)_ سجق _ بسطرمة_ همبرجر_ لحمة _ فراخ_ اى حاجة انتى عايزاها و بالهنا و الشفا ومتنسيش تدعيلى انا و لولا



(من قال لا اله الا الله دخل الجنة) صدق رسول الله صلى الله عليه و سلم