http://forum.hawaaworld.com/showthread.php?t=1304742
السلام عليكم ورحمة الله وبركاته
اليوم سويت بيتزا وحبيت اصورها الكم لان صارلي هوايه ممشاركه بأكله
نبدي بمقادير العجينه
طبعا عجينتي تخبل وكلش هشه وما اغيرها
3 كوب طحين
3 م ك حليب باودر
1 و1/2 م ك خميره فوريه
1 و 1/2 م ك سكر
1 م ك بيكنك باودر
رشه ملح
3 م ك زبد
وماء دافي للعجن
اول شي نخلي نص كلاص مي دافي وبيه الخمره والسكر ونتركها 10 دقايق
ونخلط المكونات الجافه مع الزبد
واكو نقطه مهمه انه نفرك الزبد بيدنا ويه الطحين ونبدي نضيف خليط الخمره ومي لحد متصير العجينه طريه ومتلزك ونتركها ساعه بمكان دافي تتخمر على راحتها
وهاي صورتها قبل التخمير
وبعد
نفرشها على ورق الزبد او بصينيه مدهونه ونفتحها بالشيبك على شكل دائري
واني سويت صلصه للبيتزا كلش طيبه
بصله مفرومه كلش ناعم وفص ثوم او اكثر مهروس
ومعجون طماطه وكاتشب واذا تحبين طماطه مقشره ومقطعه مكعبات اني مخليت
وملح وفلفل اسود وشويه حامض وحمس عالنار ومن تبرد نمسح بيها العجينه
وسويت حشوتين نص دجاج مسلوك ونص لحم مثروم ومستوي
وبعدين طبقه جبن مبشور وصوصج وفطر
وطبقه ثانيه جبن مبشور وطماطه وفلفل مكعبات ما اخليها شرايح لان يشيلوها بس هيج ياكلوها ههههه
وصارت جاهزه ندخلها فرن درجه 200 نص ساعه او من تشوفيها تحمصت
وهاي القطعه لاول وحده تنور موضوعي
صح هي شكلها جان مو كلش بس والله طعمها خرافي
ان شاء الله تعجبكم وتجربوها وخاصه العجينه
تحيــــــــــاتي
منقول لعيونكم