السلام عليكم و رحمة الله و بركاته
الصلاة و السلام على رسول الله و على آله و صحبه أجمعين ,,
صبايا اليوم عملت بيتزا بعجينة العشر دقايق
وحدة بيتزا عادية و التانية بالسلامي بس معلش صورتهم قبل التحمير عشان بخليه اخر شي لما يادن المغرب عشان ناكلهم سخنين
للي ما بتعرف عجينة العشر دقايق
تقسم لمجموعتين
اول مجموعة : كوبين مي فاترة \ كوبين طحين منخول \ معلقتين كبار خميرة فورية \ فنجان قهوة سكر \ 3 معالق كبار حليب بودرة \ رشة ملح
بنخلطهم بالمعلقة او الخفاقة اليدوية منيح منيح
بعدين بنغطيهم و بنسيبهم عشر دقايق
بهالأثناء بنحضر المجموعة التانية : تلات كبايات طحين منخول \ نص كاسة زيت نباتي
بعد العشر دقايق بنضيف الطحين و الزيت للمجموعة الأولى بالتدريج و بنعجن منيح منيح
عشان تطلع العجينة هشة و طرية
انا بتركها ترتاح بعد العجن من نص ساعة ل 40 دقيقة
و صحتين و عوافي على ألبكم يا رب
دمتم في حفظ الرحمن...