وش أخباركم؟؟
أنا شفت صور هالبتيزا بمنتدى ثاني وقمت طبقتها
بس طريقة العجينة والخلطة من عندي يعني مو منقولة
وجربتها لما كانوا بيجون عندي صديقاتي
وزوجي لما شافها استغرب شكلها وعجبته حييييل
والكل انبهر بشكلها وطعمها
مقادير العجينه:
كوبين دقيق
ربع كوب زيت
3 ملاعق حليب
قليل سكر وملح
ملعقه خميره
كوب ونص ماء
الطريقة:
اخلطي المقادير الجافة مع بعض وبعدين حطي عليها الزيت والمويه واعجنيها زين
واتركيها تتخمر..
إذا طلعت خفيفة زيدي شوي دقيق علشان يسهل عليك الفرد بعدين..
طريقة الخلطة:
المقادير:
بصلة مقطعة قطع صغيرة
2 طماطم مقطعه
4 ملاعق صلصة
بهارات (فلفل أسود وكمون)
فلفل حار وبادر مقطع
ملح
علبة تونه ((اختياري))
الطريقة:
كشني البصل والفلفل مع بعض وبعدين حطي عليهم باقي المقادير
واتركيها شوي على النار..
((طبعاً كل وحده عندها الخلطة إللي تحبها بس أنا كتبت هذي لأني جربتها هي))
*************************
الخطوة الأولى: نفرد العجينه
الخطوة الثانية: نضع العجينه بالصينيه ونفردها عدل
الخطوة الثالثة: نعمل علامه مثل إللي بالصورة
الخطوة الرابعة: نضيف 4 خطوط بهذا الشكل
*************************
الخطوة الخامسة: تدهنينها بقليل من صلصة البتزا الجاهزة أو الكاتشب
الخطوة السادسة: نضع مقادير الخلطة إللي سويناها
الخطوة السابعة: ناخد كل طرف قطعناه ونلزقه مثل الصورة
الخطوة الثامنة: بعد الانتهاء من كل الاطراف ندهنها بالبيض ونرص
شوي سمسم وحبة البركه
*************************
وهـــــــــذا شكلها النهائي
ترى كلامي كثير بس هي سهلة يابناااااااااااات
جربوها صدقوني مارح تندمو واكشخوا فيها قدام ضيوفكم
لأنها تبيض الوجه ((وبتقولون دلع زوجها قالت:42: ))
بنات إللي تعجبها البيتزا تدعي لي إن الله يحقق إللي في بالي أنا وزوجي
محبتكم،، دلع زوجها
ماشاء الله روواعه البيزا .. تسلم ايدج الغاليه
يارب يحققلج كل اللي في بالج
ويجعلج من كل آمر فرجا ومخرجا
آآمين يارب العالمين انك على كل شي قدير
أختج : نايمه