لا تفوتكم البيتزا هذي تراها شييييييي وبامكانك تسوينها ميني بيتزا
حسب ماترغبين بس الاسهل في الصينيه كامله مره وحده
واخليكم مع الطريقه المصوره
اول شي في الخلاط :
{ كاس لبن * فنجال سكر * ذرة ملح * بيالة زيت * كاس الاربع مويه * ملعقة خميره }
وفي الزبديه :
{ ملعقة بكنج بودر * وكاسين دقيق } انخلهم سوا زي ماتشوفون
وبعد مانخلط مكونات الخلاط جيدا نظيفهم للدقيق والبكنج بودر ونعجن لين تتماسك العجينه
ونخليها مدة عشر دقايق لانها تتخمر بسرعه ماتحتاج وقت كثير
هذي الصوره بعد العجن على طول قبل ماتتخمر نسيت اصورها بعد ماتخمرت للاسف
وبعد التخمير السريع نفرد العجينه في الصينيه ونخرمها بالشوكه عشان ماتتفخ اثناء الخبز
وتصير مرتبه لان الشقوق اللي فيها تسمح للبخار يطلع ولا يخرب شكل العجين
وهذا شكلها
وادخلها الفرن فن تحت بس يعني خبز للعجين فقط
واجهز الحشوه اللي هي { جبن سايل * فلفل بارد * زيتون * شرائح فطر * كشنة طماطم
مكعبات بصل ابيض * شرائح طماطم * بهارات بيتزا من شركة اسناد احلى شي وهي عباره عن ريحان
واوريقانو وزعتر بري بس اسناد مجمعتها سوا ومكتوب عليها بهارات بيتزا تخلي البيتزا لذيييييييذه
واخيرا جبن موتزريلا }
وكشنة الطماطم عباره عن بصل مقطع صغير ومكشن بالزيت ونحط له معجون طماطم
وبعدها طماطم مقطعه صغار لين تتسبك واتبلها بالملح والفلفل الاسود
وبعد مانخبز العجين ندهنها بجبن سايل تقريبا ملعقتين كبار للصينيه اللي في الصوره
واضيف كشنة الطماطم وبعدها الزيتون والفطر والفلفل البارد والبصل وشرائح الطماطم
وارش عليهم جبن الموتزريلا واخيرا ذرة بهارات للنكهه اللذيذه
وادخلها في الفرن من فوق بس تتشقر ويسيح الجبن وانتبهو تراها تستوي بسرعه
وهذا شكلها النهائي
واي استفسار على الرابط هذا في الملف
http://forum.hawaaworld.com/showthread.php?t=1123919
اتمنى تعجبكم وتقررون تجربونها
عليكم بالف صحه وعافيه
والقادم احلى واحلى باذن الله
:cook::39::cook: