هذي اول مره اشارك فيها بهالقسم وان شاء الله مشاركتي تعجبكم
المهم هذي بيتزتي كلمه عجيبه شوي عليها واتحدا فيها فعلا اطلق بيتزا ووصلت لها بعد عدة تجارب واختبارات >>>>>خخخخخ خفي علينا
المهم للامانه الصور من النت لان تلفوني خربان وقاعده اكتب من اللاب
نبتدي على بركه الله
أول شي :
طول عمري احسب البيتزا عباره عن مكونات سريه لو وصلت لها خلاص وصلت للبيتزا المثاليه بينما هي تكنيك او طريقه طهي وعجن معينه
نبتدي بمكونات العجينه:
نضع في كاسه ملعقتين خميره فوريه وملعقتين سكر ونتركهم يتخمرون بمويه دافيه على مانكمل باقي المكونات
نحط في صحن العجن :
3كاسات طحين انا استخدم الكويتي ولا اغيره ابد
ملعقه صغيره: بيكنج بودر- ملح
3ملاعق صغيره حليب بودره
3ملاعق كبيره او بالغطا زيت
مهم ججدا طريقه العجن :
نخلط كل المكونات الجافه مع بعضها ويوم الخميره تخمر شويه نحطها فوق الطحين ونضيف لهم بالغطا زيت مرة وحده ونزيد المويه شوي نلم الطحين بيدنا شويه ونشوف ان كان يبي مويه زياده ولا لا
ونزيد كمان غطا زيت ونعجن لازم العجينه تكون تلصق باليد شويه حاجه بسيطه وهنا نحط الغطا الثالثه حقت الزيت ونستمر بالعجن يمكن 5 دقايق الين تمسك معنا العجينه كويس
نتركها تتخمر براحتها
نجي للصلصه:
نحط كاتشاب وشويه صلصه طماطم تقريبا راح تكون ربع كميه الكاتشاب ونضيف توابل حسب الرغبه وملح لاتنسون بدون مانضيف الزعتر حق البيتزا
ونتركها لحين الحاجه
نجي الحين للتوبيك اللي ينحط عالوجه انا بصراحه اكثر شي اعتمد هالنوعين وطعمهم خرافه
نجي للاولى غريبه ودسمه بس لذيذة لاتقولون غريبه ومادري وين جربوها الاول وطبعا سارقه الفكره من بيتزاهت
نحتاج كيس شاورما مبرد احسن نوعيه الوطنيه او نقطع صدور دجاج ونتبلها ونشويها بالفرن
ونجيب بطاطس صغيره نغسلها ونقشرها ونقطعها اصابع وسط لا سميكه ولا رفيعه ونتبلها ونشيف لها زيت ونشويها بالبفرن
النوع الثاني : اما دجاج مفروم او لحم مفروم نحمس في التاوة بصل بعدين نضيف له عصير طماطم ونتركه الين ينطبخ شوي ثم نضيف اللحم او الدجاج ونتركه الين تنشف مويته تماما ونضيف له التوابل اللي نحب
الحين التوبك جاهز نبتدي التنفيذ: نجيب قطعه من العجينه بس ماتكون كبيره عشان نبيها تكون رقيقه تمام
اول شي واهم شي لازم نشغل الفرن مسبقا ونحط الصينيه فيه عشان لازم تكون حاره لما تسخن الصينيه حطي فيها قطعه صغيره زبده او زيت وادهنيها بمنديل او فرشا زنفرد العجينه فيها ولاتخافون خلي العجينه رقيقه
نحط الصلصه فوق العجينه
نجي للتوبيك الاول
نفرد الجبن فوق الصلصه ( نصيحه او معلومه : الجبن اللي ينباع بالكيلو وانت تبرشينه فالبيت الذ من الجاهز بكثير ) المهم بعيونك قطعي البيتزا لمثلثات وتخيلي انك بتحطين فوق كل مثلث من فوق شويه شاورما وتحتها على طول قطعه بطاطس متبله لاتفردين الشاورما بكل الصينيه كذا الذ احسه وحطي الخضار اللي تبين فلفل بصل زيتون براحتك الحين هالخطوه تفرق كثير
اذا عندك زعتر البيتزا رشيه اخر شي وادعيلي
نجي للتوبيك الثاني نفس الخطوات وهالمره نحط فوق الجبن الدجاج او اللحم ولكم هنا الحريه يا تحطونها بنفس الطريقه ياتوعزنها على كل الصينيه بس على طول انا بطبعي اتخيل اني قسمت الصينيه لمثلثات واحط فوق كل قطعه شويه من فوق ونفس الشي الزعتر اخر شي
نجي الحين لاخر نقطه وبعد ماتقل اهميه عن النقاط الي قبل وبتعمل فرق معكم بتلاحظونه وبتشكروني عليه بعدين .. احم احم الفرن يكون على اعلى درجه عندك ومن تحت فقط لاغير انا اعلى شي عندي 220 واحطها في الوسط 7 دقايق بالضبط وهي جاهزة
ممنوع ممنوع ممنوع ممنوع تشعلين الفرن من فوق ابد اتركي الجبن يسيح عالحراره واستمتعي بطعمه
العجينه راح تحتفظ بطراويتها والجبن بقوامه ولذته يالبى قلبه ولبى شرحي حاسه نفسي دكتوره لغه عربيه ههههههههههه
ونطلعه وننتظر شوي يبرد والف ترليون تزليون عافيه على قلوبكم
يلا شجعوني اذا شجعتوني قريب بنزلكم السينابون اللي تحديت فيه المطاعم واللي اهل زوجي قالولي نفس اللي نجيبه من بره ولا بعد يبقى طري لثاني يوم