بيتك ضيق اثاثك قديم وابو الشباب مومهتم وراتبكم ضعيف الحل عندي ***** الله

حبيباتي / ماابغى اطول عليكم بدخل في الموضوع ع طول

كنت طفشانه من بيتي ضيق وغير كذا الاثاث من سبع سنين وكلما دورنا ع بيت وسيع ماحصلنا يايكون قديم يسد النفس او غالي علينا من غير دفعه سته شهور:06: المهم قررت ما استسلم :44:وابتدت رحلتي في التغيير جبت عامل وصبغت الصاله عده الوان متناسقه وحلوه وكلفتني 500 ريال :06::06::06:طبعاً الطلبات وشغل اليد وبعدها قلت لا للخساير وغيرت تفكيري وصرت اشوف الالوان المناسبه واشتري واصبغ بيدي هنا كلفتني الصبغه 75 ريال للعلبه تخيلو كل غرفه علبتين لا وفي الشهر كمان يعني كل شهر غرفه بدون مانظغط ع انفسنا بتقولون بنطول بقول لكم بتمر الشهور بسرعه وتخلصون افضل من تمر سنين والبيت زي ماهو يسد النفس على الاقل النفسيه تتغير وتحسون بالتجديد المهم شلت الفرش حق الصاله والمقلط و غرفه النوم وفرشت مشمع لون عودي بالف واربع ميه لاني خذت فرنسي وطلع البيت احسن من اول ماشاء الله تبارك الله وحسيت انه توسع لاني شلت الاغراض اللي مالها داعي وع الجمعيه والتالف ع الزباله تكرمون وبانت النظافه لله الحمد والشكر بدل ماكنت اكرف واغسل الفرش بيدي وحالتي حاله الآن امسح بدون عناء بس مشكلته تخافين انه يتمزق من العيال والالعاب فقلت لهم الاسكوترات ممنوعه والدراجات والاشياء الثقيله المهم ناويه اجيب في المقلط قطعه زل حرير ملونه لكن من راتب الشهر الجاي علشان ماطفش ابو الشباب وجبت للعيال مفرشين من هوم سنتر مخفض عليها وحطيتها ع جنب حتى اصبغ غرفتهم وابو الشباب انبسط ع التغيير بدل ماكنت اطلبه نأثث وهو يرفض بحجه ان البيت اجار و الراتب مايكفي بس بالحيله جبته وهذي اهم نقطه في الموضوع حاولو تستفيدون منها يعني اذا بغيتي تغيرين شي لاتقولين مباشره غير هذا ماله داعي ولا تقولين شف العالم تغير واحنا ع حالنا لان المقارنه مايحبونها الرجال ابدًا ابداًقلي حبيبي مع الراتب محتاجه المبلغ الفلاني ولا تكثرين وغيري حاجه ابدأي بالمهم والحاجات التالفه بعدين قوليله حياتي وش رايك تعطيني كل شهر المبلغ اللي تقدر عليه ونصلح كل شهر حاجه بدون مااضغط عليك ياعمري وفي الوقت نفسه نغير من نظامنا شوي هوني عليه الامور انا صار زوجي بعد ماشاف انجازاتي وتبسيطي للامور يسال وش اللي باقي ووش خطتك للشهر الجاااااي بعد ماكان يرفض لانه كان يتوقع خساير وضياع فلوس الحمد لله وفيه حيله ثانيه حاولي تغيرين نفسيتك للأحسن وتكون معنوياتك عاليه وخليه يلاحظ علشان تقولين ارتحت نفسيا مع التغيير وهوه عاد بينبسط معك ويصير يعطيك بلا تردد:35:طبعا غيري نظامك كلياً يعني العيال ينامو بدري ويصحو بدري ولازم يفرشون اسنانهم ويخذون دش وعند النوم لازم بجايم خاصه بالنوم واذا صحيو لبسيهم شورتات وملابس مريحه وعند الخروج الجنوز والملابس الكشخه ولاتنسين اذا عندك بنات تفنني كل يوم بتسريحه خفيفه والباس نعومه وخليها مرتبه طول اليوم طبعاً ممنوع تكون السروال من ديره والفنيله من ديره:hahaha:احس اللي تسوي كذا مهمله وبقوه حتى لو كانت نظيفه المنظر مقزز ومابتوضح فيهم العنايه ابداً وجهزي لابو الشباب كل يم تغييره وعطريها وحطيها في سله حلوه بدل مايكركب عليك الدولاب وهو يدور ولا تنسين نفسك بعد ماتسوين الغدا رحي غيري ملابسك وتشيكي واستقبليه بروح مرحه تنسيه التعب والشقا



بعض الافكار اللي تساعدك في التغيير
كل مره اشتري حاجه بدال ماتحطين فلوسك في اسواق الملابس والاشياء اللي تاخذ مكان في البيت وانتي مو بحاجتها يعني لوحات جميله او فازات ورد او مفارش لدواليب المطبخ كل هذي الاشياء تزيد من جمال بيتك وخذي سفرتين حلوه وفناجيل للشاي والقهوه كشخه واباريق شاي او ترامس حلوه وخليها في درج ع جنب للضيوف علشان ماتنحرجين اذا جاك احد
كمان حاولي تحطين ملابس البرد في صناديق حلوه بعد ماتعطرينها وحطيها في اسفل دولاب التعليق وطلعي ملابس الصيف ورتبيها في الادراج هذا اذا كانت مقاساتها تمام وماقصرت عليهم اما اذا قصيره وديها للجمعيه لاتقولين بخبيها للمولود الجاي ماتدرين تعيشين واللا تموتين خلي الفقرا يفرحون فيها بدل ما تخزنينها ورزق المولود بيجي معه اهم شي ماتظيقين ع نفسك بالملابس واشتري لهم بجايم صيفيه وملابس للطلعه واخرى للبيت ولا تكثرين خلي الدولاب مرتب وحلو اذا كان دولاب اطفالك صغير انصحك تاخذين كبير حتى لوماعندك الا طفلين تدرين ليش اولا خصصي واحد من ادراج التعليق لصناديق الملابس بدل ماتحطينها في اكياس ويكون منظرها غبي ومقزز(اقصد ملابس الشتاء اوالصيف حسب الاجواء) وتحطين فوق الصناديق مفارش الاسره النظيفه والمكيسه حتى تكون جاهزه للاستعمال وتغيرين بينها وبين اللي ع السرير كلما اتسخت يعني الدرج هذا بيصير مستودع صغير يشيل الزوائد من الغرفه لالا لوضع الاشياء تحت الاسره او فوق الدولاب وبعدها خذي المفاتيح كلهاعلشان ماتتعبين في الترتيب وتضل غرفتهم مافيها الا الاسره والمفارش يرتبونها لما يصحون
نسيت اقول ظعي العابهم في صندوق اخر وظعيه في درج تعليق الملابس الثاني يعني تحت الملابس المعلقه ومتى ماشفتي الوقت المناسب طلعيها يلعبون بعدين رجعيها وهكذا

ان شاء الله استفدتو من اسراري في بيتي والله اني قلت الاسرار اللي كلما دخلت وحده بيتي وسألتني عنها بالتفصيل وغير كذا تعبت وانا اكتب اتمنى تقدرون مافيه وحده تبغى اسرارها تطلع بس انا قلت احتسب الاجر والقالي كم دعوه من اخواتي في ظهر الغيب وان شاء الله انكم تستاهلون على فكره فيه افكار حلوه اذا شجعتوني بنزلها وان شاء الله تودعون شي اسمه كركبه وظيق البيت خاصه اللي ماعندهم مستودعات الله الله في الردود واللي تنقل الموضوع تذكر اسمي والمنتدى امانه ؟؟؟؟؟؟؟؟؟؟اتمنى يتثبت موضوعي ليستفيد الجميع تحياتي ريما وللموضوع بقيه