الله يعين وربي ماني ملحقه وماعندي الاولد واحد
الشغل ماينتهي وولدي الله يصلحه يحوس الدنيا بالذات السيراميك وادراج المطبخ
زوجي رافض فكرة الشغاله نهائي افكر ببممسحة سراميك بخاريه وغساله مع نشاف حراري وغسالة مواعين والله يعين
التسبيح قبل النوم يسهل بمشيئة الله شغل البيت
يسلمو ياعسل
انا اول كان حلمي يكون عندي شغاله تساعدني بس شفت مقاطع باليوتيوب عن جرايم الشغالات خفت وتبت منهن والحمدلله مرتاحه ولو تجيني شغاله بالمجااان ماابيها الله لايحوجني لهن خصوصا مع تطور الاجهزه ارتحت من غسيل الملابس والمواعين
بيت دورين وعندي بنوته وزوجي دايم يسوي سهرات وجمعات فالبيت انام والبيت نظيف عندي غسالة اتوماتيك ****لله الله يرزقني جلاية صحون نفسي فيها مشكلتي بطبع زوجي يحوس الدنيا وبعد تعاليلة جلي وكنس وتعطير وشطف الله يعين واحاول انظم نومي لانه اساس التنظيم بس زوجي مايعجه انام بدري يبي يسهر ويتعشى متأخر البيت دايما مرتب بس لايجيت اطلع مشوار اسوي حوسه بخزانتي ياريت تنصحوني شو العمل مع زوجي حبيبي وكيف اقدر اهتم فية وفبنتي وشكلي
الصفحة الأخيرة
والحمد لله صار لي خمس سنوات بدون خدم وعن قناعه والحمد لله
لان ماحد مرتاح اذا جبتي خادمه راح تخافين منها ولازم تعامل بما يرضي ربي وتعطيها حقوقها كامله وكمان ممكن تسوي جريمه او بلوه بالبيت غير مراقبتها ليل ونهار
انا عيالي الكبيرة بالجامعه والصغير بثالث وارتحت كبروا
اقولك اهم شي التنظيم التنظيم يعني خليك منظمه بمواعيد الاكل والشغل وعيالك دربيهم على النظام والاكل بمكان واحد ولاتأجلي شغلك ابدا
انا مطبخي اول باول ماترك فيه شي والصاله والدرج يوم ورا يوم ..والطابق الثاني والغرف مره بالاسبوع تنظيف من كنس ومسح ..لكن الترتيب يوميا ارتبها
دورات المياه الله يكرمك البنات يغسلو حمامهم ؛؛وحقي وحق الاولاد مرتين بالاسبوع بس تنظيف عميق ويكفي الحمد لله تحت حمام الضيوف كل اسبوعين مع المجالس ،،،واحيانا المجالس اخليها شهر خصوصا اذا وقت مافيه غبار
الغسيل عندي اتوماتيك ونشاف سهل الحمد لله مايتعب الكوي زوجي يودي ثيابه متعاون معي
والاكل الغدا سلطه رئيسي ونوعين اكل،،،لكن كل يوم اغير يوم رز وايدام يوم انواع المكرونات يوم طبخه شعبيه يوم سليق اوخضار اوكباب لان عيالي مايحبو غدا اليوم زي امس
العشا سهل سندويتشات و فول او شكشوكه او اي حاجه مايتعب
اسوي كيك وبعض الحلى اذا كنت رايقه ممكن مره بالاسبوع
صدقيني هي مسالة قناعه انتي مقتنعه ماعندك شغاله راح تنجحين مااقتنعت راح تشوفي الشي كبير وضغط ونفسيه