بيتنا كله قلق ومواصل وسهران ليه؟؟

البيت كله بما فيه ابوي وامي واخوي وانا واخواتي كلللللللللللللللللللللللللنا قلقانين وسهرانين ..بكرة ولد اخوي اللي ماجا الا بعد 6 سنوات من العلاج ولا جا احد بعده وهو وحيد امه وابوه
بكره اول يوم دراسي لولد اخوي اللي عمره 8 سنوات اول مره احس اني ضعيفة موعارفه ايش اسوي الام مصره ولدها يروح المدرسة لانها تربوية وحريصة على بعض المباديء في تربية الطفل ووقايته من الخوف من اي شيء كان رغم انها قلقانة مسكينة امس تفرفر في الصيدليات والسوبر ماركات كل شي للنظافة جابته .. واخوي يقول ولدي لا يدرس بروح اجيب كتبه ويروح اخر السنة يختبر وخلاص,,المشكلة ولد اخوي في مدرسة تطبق الادفانس سكول يعني المناهج ثلثينه بالانجليش واحنا كلنا موذاك الزود بالانجليش ولا عرفين نساعد زوجة اخوي ونوقف معاها ضد اخوي وكلامها صح؟؟ ولا منطق اخوي صح؟؟ ولو فرضنا وداوم الولد بكره لانها متشفق اسم الله عليه على اصدقائه لان ماعنده اخوان ومعارفنا قليل في سنه فيشبع حاجاته الاجتماعية مع اصدقاء المدرسة..

للعلم المدرسة نظييييييييييييييييييييفة جدا وراقية جدا جدا ومن ارقى المدارس في الرياض

ايش تنصحونا فيه عجزنا ننام كل شوي واحد طالع من غرفته يا اما للمطبخ ولا للصالة!!
وكل تفكيرنا كيف نقوي مناعة الطفل ضد الوباء المنتشر؟؟