زمردة 100
بأذن الله راح اقرا البقره واخليها مشغله طوال اليوم
والكتاب ابشرك الحمد لله بحثت عنه بالانترنت وحملته وراح ابدافيه بأذن الله من بكرا



ايثار@
جانا مره شيخ وقرا علينا انا واخواني بس ماستمر لانه مو من ديرتنا
اما بيتنا ملك فصعبه جدا ان حنا نغيره ابوي موبسهوله يقتنع بهالشئ

واسال الله عزوجل ان يرزق كل من ردت علي او دعت لي بظهر الغيب بالتوفيق بالدنيا والاخره

واضح ان الوضع مو طبيعي حنا زيكم مره وحده تقرب لي (كانها حاسدتنا فحسبي الله عليها)
مره سئلتني عن اخواني قالت شلون علاقتهم مع بعض وانا بحسن نيه علمت بالاكو والماكو
بيعدها بكم يوم تهاوشوا اخواني انا كنت نايمه فوق بغرفتي ورب الكعبه هم تحت بالصاله وصلني صراخهم وامي بينهم تفككهم ماقدرت طقوا بعض طق جلسوا ايام تعبانين من الطق ماندري وش فيهم وش السبب تااافه كله عشان اتصال يقول ليش مارديت على فلان !!
ونفس هالانسانه مره قالت يازين ذا اللمبات وربي طلعت من عندنا احترقت كلها واليوم اللي بعده جبنا عامل يزينها والى يومك هذا ولنباتنا تخرب ماتجلس شهر يقول العامل البلا في الاسلاك اللي من جوا بالسقف !!
حسبي الله ونعم الوكيل على كل من طالنا شره واذاه
شغلنا سورة البقرة بالبيت بس مانستمر
ورش المويه والملح ماادري اخاف صراحه لان مو زين تأذين بسم الله
ولاتستهينيين بالحسد تراه زيه زي السحر ويمكن اقوى اعوذ بالله
وصدقيني مهما كان اللي فيكم قوي القران اقوى باضعاف اضعاف اضعاافه
اللي عليك تسوينه الحين تشغلين سورة البقرة يوميا بالبيت بصوت مسموع يعني فوق مسجل وتحت مسجل
واذا احد فيكم حاس بتعب بنفسه ( غير المشاكل اللي بينكم ) يقرا على نفسه سورة البقرة مع المحافظه على الاذكار
وجيبوا زيت زيتون واقروا فيه وكلوا منه ودهنوا فيه
وترا تقدرون تاخذون زيت ومويه مقري فيها من الشيخ السدحان توزع مجانا كلمي واحد من اخوانك تحسينه شقردي ويعتمد عليه خليه يجيب لكم او يكلم لكم شيخ يرقيكم لاتسكتين شدي على نفسك ترا كلنا نعاني والشكوى على الله
شوفي هالرابط



نسيت اقول البيت حاولوا قد ماتقدرون يكون نظيف وريحته حلوه حتى الحمامات احرصوا على نظافتها
واحنا برضو الشغالات مايقعدون عندنا اببببد طقاق دايم معهم ويرفضن الشغل 3 كلهم نفس التصرفات يسوونها يخربون اثاث البيت والملابس او تنحاش او تقول بسافر

ونسيت اقولك والله راحمتك انا ولاني اعاني زيك حاسه فيك احنا حتى حالنا واقف ماعمرنا انخطبنا مع ان كثير يمدحونا
بس سبحان الله
اسمعي اذا بديتي ترقين نفسك ان شاء الله
قراءة سورة البقره + المحافظه على اذكار الصباح والمساء + الاكثار من التكبير والتسبيح والتهليل والاستغفار طول اليوم وبصوت عاالي عشان تنفر الشياطييين
+ استخدام زيت مقري فيه اشربي منه ودهني منه
حاولي اي مويه تشربينها يكون مقري فيها ( انتي لما تقرين سورة البقرة خلي جنبك المويه والزيت وانفثي على صدرك وعليها ) واشربي منها وكل مانقص شي منهم زيدي عليهم عادي حتى تكفيك طول اليوم لانك اليوم الثاني برجعين تقرين ان شاء الله
اشتري خلطة الرومي من عند العطار ملح وشبه وسدر استخدميها 7 ايام تتسبحين فيها ولا تشربينها ابد
وتقدرين تستخدمينها زياده عادي اساسا ترا السدر يستخدمونه البنات لانه يفتح البشره والاولين كانوا يستخدمونه لانه ينظف
استخدمي هالاشياء واستمري اهم شي الاستمرار وتوكلي على الله لاتقولين ماادري وش فيني احس اني اتعب لا صدقيني مااحد نافعك ترا انفعي نفسك واهلك واكسبي الاجر والعافيه
وترا والله ماخدعتك بكلمه وابحثي عن الاشياء اللي قلتها لك وتعرفين اني صادقه
ومابي الا دعوات بالشفاء والزواج

اخت واختها
الله يجزاك كل خير ويوسع لك دنيا واخره ويشفيك واهلك وكل مسلم من جميع الاسقام ويرزقك بالزوج اللي يسعدك ويعزك ويشرفك انتي واهلك اميييييييييييين يارب العالمين
وان شاء الله باضيف كل اللي قلتيه ببرنامجي حق الرقيه والله يكتب لي ولوالدي واخواني واخواتي وجميع المسلمين الشفاء