بيتها مو نظيف والناس يتكلمون فيها وانا زعلانه عليها

السلام عليكم ورحمة الله وبركاته


انسانه غاليه على قلبي مهمله بيتها ودايما طالعه ولا تشرف على الخدامات وتنبّهم على التنظيف والترتيب والله اني لما اجلس عالكنب وبعدها اقوم الاقي لبسي غبار
رخامهم مغبر
دولاب العبايات لما افتحه عشان اعلق عبايتي من تحت مليان غبار
بيتها كله تراب ما ينكنس ولا يتمسح
دولاب الصاله وسخ
طاوله الاكل مبهذله
القراطيس مجدعه بكل جهه
ملابسهم في كل مكان
تخيلوا بنات مره بغسل يديني في المغاسل وجمبي طبعا الحمام والباب مفتوح والله انه ريحة البول الله يكرمكم فايحه اشمها وانا برا الحمام الله يكرمكم
دواليب المواعين في المطبخ مغبره
زوليتهم مبقعه وهي مالها الا سنه
مره انا وبناتها نزلنا القبو بنجيب منه اغراض والله لايوريكم كراكيب واصله للسقف لو يقولون لي هذا القبو ما تنظف من 30 سنه اصدقهم
مع انها وهي بناتها قمة في النظافه اقصد اشكالهم وقمة في الشياكه ولا تشمين فيهم الا ريحة البخور والعطورات
و الناس يتكلمون فيها ويقولون فلانه وسخه فلانه مهمله فلانه مدري شلون زوجها متحملها واللي تقول انا لما اروح لهم ما اشتهي اكل من عندهم لان ما اظمن نظافة اكلهم واللي واللي ... الخ لاني فعلا هذا اللي لاحظته انهم في ناس ماياكلون من طبخهم ويتعذرون بالريجيم بينما لو كانت جايبه العشا من برا ياكلون
انا طبعا هالعائله متعوده عليهم وقريبه منهم وعلاقتي فيهم قويه بس ما اتجرأ انصحها وبنفس الوقت حاز بخاطري كلام الناس فيها
مع العلم انها عندهم ثلاث خدامات وخداماتها مسيبات ولا يهتمون بشي قاعدين بالمطبخ سواليف وكركره
والله يابنات ان بيتهم خاسرين عليه ملايين واللي يشوفه من برا يقول وش هالبيت الخيالي لكن الواقع عكسه تماما
مره قلت خليني ألمح لهم وبالفعل لمحت لكن مافي فايده
امي تقول ماعليك منها خلاص هي متعوده على هالشي بس ماش ارحمها اذا شفت حش الناس فيها وهي ياغافلين لكم الله :44:
ساعدوني ابي انقذها من اللي هي فيه ابيها تنتبه :icon33: