مين فينا مبتحلمش ان يبقى بيتها فلة شمعة منورة اكيد كلنا
اكلمكوا عن نفسى شوية
انا ربة منزل وعندى بنوتين بس ايه مجننى مبيخلوش حاجة فمكانهاوطبعا دة بيتعبلى اعصابى المهم لانى بموت فالنظام والنظافة عملت جداول انظم بيها شغل البيت عشان اخلص مالتوتر وشدة الاعصاب
بصوا بقى عاوزين عايزين نستغل قعدتنا الحلوه دى استغلال صح عشان الوقت ميضيعش مننا على الفاضى عاوزين نبدا في الشغل سوى...وننتهي سوى نتعب سوى وبعدين نرتاح سوى ونشارك بعض ونتعلم من بعض
يعنى نيجى يوميا نصبح ونقول ورانا ايه ونقوم جرى نشتغل ونرجع كل ساعه نريح شويه صغنيين ونقوم
نكمل الى ورانا وبكده مش هنكوم علينا شغل وهنستغل قعدتنا على حواءافضل استغلال
وهنساعد بعض بافكار جديده ووصفات للاكل مختلفه واى نصايح للتوفير وهنساعد بعض فى المذاكره
لولادنا واهتمامنا بنفسنا
ايه رايكم باه حد هيشترك معايا ولا ايه
واقسامنا
العبادات
تنظيم وتنظيف البيت
العناىة الشخصية
اهتمامنا باولادنا
الاكل
اولا العبادات
اول ما نصحى نشغل سورة البقرة
الصلاه فى مواعيدها ممنوع ناخرها الا لاصعب الظروف
الاستغفار على اد ما نقدر
الاذكار
صلاه الضحى ركعتين
قراءه صفحه من المصحف
وكل يوم هانزود طاعه ونحاول نلتزم جميعا
يارب تتفاعلو معايا ونشجع بعض
ثانيا تنظيم وتنظيف البيت
هنبدا نظامنا بالمقلوب ازاى بقى
يعنى كل ليله قبل ماننام لازم نشيك على المطبخ يعنى مش عايزين نسيب لاطبق ولا معلقه ولا الهوا فى الحوض اوكى
ونمسح الرخامه
نلف على الشقه قبل النوم لو ورقه ولادك رامينها كده ولا كده شيليها على طول لو لعبه او اى حاجه ولادك مبهدلينها لازم قبل متنامى
كل حاجه ترجع مكانها ودايما متخليش ولادك لما ييجوا يلعبوا ينتشروا فى الشقه كلها لا فى اوضه مخصصه للعب اللى هى اوضتهم طبعا وعوديهم بعد ميخلصوا يلموا العابهم فى مكانها ويفضل لو عملتى لهم باسكت شكله جميل كده
كده ياحلوه انتى لفيتى فى الشقه كلها قبل متنامى خلاص روحى نامى بقى وانتى نفسيتك مستريحه
طيب اول متصحى بقى وانتى على السرير مش هتبقى شايله هم تصحى عشان المطبخ مكركب او الشقه شكلها يسد النفس
فهتلاقى نفسك قايمه نفسك مفتوحه قومى بقى حضرى الفطار ولو ليكى بيبى صغير عايز يفطر فطريه
وهاتى شايك او نسكافيهك وتعالى اشربيهم معانا على حواء ونشوف ورانا ايه ونقوم جرى نخلصوا
وانا عملت جداول ننطم بيها شغلنا
الجدول اليومى