بسم الله الرحمن الرحيم
كيفكم ياحوائيات
هذه اول طبق انزله بعالم حواء عندي من شهرين جاهز الموضوع لاكن تسمعون بالكسل :)
اول شي البيتيفور وطريقته جداً سهله وكل اللي جربوه عندي ياخذون طريقته وهو كالآتي
المقادير
1-كاسه زبدة تكون ذايبة يعني تطلعينه من الفريزير وتخلينه الين يسيح ومع هالحر ماياخذ ربع ساعه
واذا مستعجلة حطية بالشباك :42:
2- كاس سكر
3- كاسين دقيق ابيض
4- ربع ملعقة خميرة B.B
الطريقة
نجيب الزبدة والسكر ونخفقهم سوى الين يصير زي العجين ابيض وحلوو
نحط الــ B.B ونضيف الدقيق شوي شوي الين نخلص
اذا تبين بالشوكلاته نضيف ملعقتين كاكاو بودرة واذا سادة نكتفي بكذا
الان نشكلة زي مانبي ثم نضيف الزينه
انا استعملت فستق مجروش ولوز مجروش وقطع شوكلاته صغيرة للزينه
نحطة بفرن حامي لمدة 10 دقائق او 15 بالكثير ولمن نطلعه نخلية بالصينية الين يبرد
عشان مايفت وانت تنقلين :(
بالاخير نرص ببرطمانه او حافظة خاصة ونقدمة مع القهوه
شكلة بعد ماطلع من الفرن
:26:
خلية النحل
المقادير
1-3 كاسات دقيق ابيض
2- فنجان شاي زيت
3- ذرة ملح وذره سكر
4- ملعقة كبيرة خميرة فورية
5- 8 ملاعق حليب بودرة وممكن تستغنين عنه :)
6- تعجن بالماء
الطريقة
اضع جميع المقادير وابداء بفرك الزيت ليتجانس مع الدقيق
ثم اضيف الماء واعجن الي ان تتكون عجيبنه متماسكة
اتركها تتخمر ساعه او اكثر كل ماتتخمر تطلع احلى
نشكلها كرات ونحشيها بالجبن كيري ونرصها بالصينيه
تدخل الفرن الي ان تستوي
تخرج بعد التحمير ونصب عليها الشيرة الحاره
وبالعافية
مع فنجان قهوه
بالاخير ادعو لي ربي يخليلي اولادي وزوجي ويحفظهم ونخلص بيتنا ونسكن واحنا طيين يااارب
وربي يوفق اخوي ويتم زواجه على خير ويعينه يااارب ويحفظه لامي وابوي