بيتي

السلام عليكم ورحمة الله وبركاته
انا عضوه جديده صح في اشتراكي بالمنتدى بس للامانه انا عضوة قديمه بدون تسجيل
واعتبر نفسي بين خواتي وصديقاتي واحس اني امون عليكم بعد بس بصراحه مدري ليش او صحيح ))المحبه من الله))
اسفه طولت اعذروني احب السوالف
انا عندي مشكله يمكن عند غيري عاديه ويمكن لا
يا بنات انا عندي بيت صغير ناعم على قدي انا وغالييييييييييييييييني وصراحه يابنات انا بيتي عادي واثاثي بعد عادي وعندي طموحات مثل غيري في بيت حلو ولكن انا مقتنعه في بيتي ولله الحمد وراضيه مو هذا موضوعي
موضوعي انا وعائلتي الغاليه كنا مسافرين وفي ليلة اصبحنا واصبح الملك لله الا زوجي يقول هذا جارنا متصل متاخر وطبعنا الصراحه مانتصل على بعض بعد العشر قلت لزوجي يمكن صاير شي طبعا اتصال الجار كان الفجر
كلمه زوجي الصباح الا قاله سمعنا صياح في بيتكم وقال زوجي والله حنا مو في البيت وكلمتني جارتي وهي متروعه من الصياح وجارتي ثقيله ماتقولين بتسوي زحمه وتهول المره دقري ومن قالو لي عن البيت وانا متروعه حتى الصلاه والله اني اصلي واخاف شي يجيني وماعاد صرت مرتاحه وبعد مرور اسابيع خربتها خدامة امي وقالت انها تسمع اصوات وماهي متاكده وتقول يمكن عند الجيران .
بختصار يالحبيبات هذي سالفتي ماانكر صرت اخاف من بيتي مع العلم ماقد سمعت شي وجعلني اموت مااسمع شي يرعبني ولله الحمد ماني من النوع اللي يحط او يسمع اغاني او حتى ارقص عليها ولله الحمد احب احط القران في بيتي بس ياخواتي مدري وش السالفه ابيكم تنصجوني وش اسوي اخاف على نفسي وعيالي من كل شي
ومشكورني للي قروء رسالتي الى هنا واسفه على اني طولة عليكم وابي مساعدتكم ودمتم,,,,,,