بيتي احترق فيني غصة واسوني تكفون

:44::44::44:


السلام عليكم شلونكم يالغاليات والله اني اكتب وحلقي فيه غصة ابي ابكي


امس كنت بيت اهلي تفطرت عندهم وناوية اتسحر قبل لا يقربون السحور دقيت اصحي زوجي كان نايم في البيت عشان يتسحر المهم وقعدت اساعدهم

جلست على السحور لسا ما اكلت حتى ولا يتصل زوجي يقول العماره اللي حنا ساكنين فيها فيها حريق بروح اشوف السالفة وادق عليك

قفلت وكملت اكل شوي ويتصل وصوته مخنوق يقول بيتنا اللي احترق انا انجنيت ولا عرفت ايش اقول طبعا غرفة النوم انعدمت بس لوحدها

غرفة النوم فيها ذهبي فيها فلوسي وفلوس زوجي كان ساحبها هو بالعاده مايسحبها بس قدر فيها عقد زواجنا وكرت العايله واوراقنا المهمة فيها

شاشة البلازما والرسيفر فيها الابتوب فيها ملابسنا وفيها مقاضي العيد من ملابس لي ولزوجي وولدي فيها الهدايا اللي كنت بعطي امي وابوي وخواتي بمناسبة العيد

فيها ذكرياتنا من يوم زواجنا فيها حياتي وكلللللل دنيتي اللهم اجرني في مصيبتي واخلفلي خيرا منها الحمدلله على كل حال طبعا باقي الغرف ما احترقت بس انعدمت رماد ورذاذ حق الحريق

امي تقول تعالو عندي لين تلقون شقة وهي مسكينه عندها كل خواتي المتزوجات وحده ولاده والثانية حامل ومريضة والثالثة جاية من الغربه اجي كمان انا قلت لا

عمتي ام زوجي تقول تعالو عندي وانتو تعرفون احبهم ولا ارضى فيهم بس سكن لا ولا شوي قلت لزوجي انا بقعد عند اهلي وانت عند اهلك ويوم تجي عندي

ومره تجيلي عندكم الين ربي يفرجها قال انا بحاجتك في هالوقت ولا انا عارفة ايش اسوي والله فيني هم مايعلم فيه الا الله اللهم اجرني في مصيبتي واخلفلي خيرا منها