فتاة سوريه لو عندك المكنسه اللي تشفط المااااااااء ممتازه وبعدين شغلي المروحه وخليه يتهوا الله يعينك الا العفن اكررررررررررررررررره شئ

ياأختي هذا شغل صاحب البيت المفروض تكلميه وهو يجي يصلح البيت من جيبه هذا قانون بأمريكا..
وأحنا دائماً يحصل هكذا ونكلم صاحب البيت وأذا ماجاء نتصل نسوي عليه مخالفه..
وصدقيني بأسرع وقت كلموه لآنه السقف ممكن يوقع بعيد الشر لآنها حصلت من قبل.

الله يعينج على بيوت الامريكان
ويردج لديرتج سالمة غانمة.......

الله يعينك كله الا الرطوبة

شوفي شكل صحاب البيت تبعكم نفس اللي عندي ,, بدهم قوة عين وان يضل الواحد يزن عليهم لا ييجوا و يصلحوا الشغلة

هالتسريب حبيبتي من سوء الصيانة تبعتهم ,, و هادي مشكلتهم مو مشكلتك يعني اتصلي فيهم اليوم قبل بكرة و قوليلهم يصلحوها فورا,,, بعدين حبيبتي ليه ساكتة لهلأ على الشباك المكسور المفروض من اول ما انكسر اجو يصلحوه

اللي متل هالناس بدك تخوفيهم شوي ,, متل ما عملنا مع اصحاب البيت ,,

بالاول كنا ازا طلبنا تصليح شي يقعدوا يومين ثلاث يماطلوا و يأجلوا ,, لحد ما مرة فقعت مع جوزي و راحلهم و قلهم على سوء الخدمة عندهم و انه غلط لما جدد العقد معهم و عم بيدور على بيت تاني
فصاروا بعدها لما نطلب منهم الشغلة ,, بمجرد ما يطلع جوزي من مكتبهم نص ساعة بالكتير و بتشوفي المينتينانس مان واقف عالباب جاي يصلح العطلان

المهم حبيبتي لا تسكتي خصوصي مع هالبرد بتخافي تزيد الرطوبة و يخرب الخشب كله

*******

ست الحسن ,,

انا بطلب من اصحاب البيت يعطوني بعلبة صغيرة من نفس دهان البيت و بخليه عندي كل ما ابني خربش عالحيطان بدهن مطرحه

شكرا لكم جميعا عى ارد اخواتي

اعذروني ان ما رديت عى كل وحدة لكن والله مصدعة وتعبانة من الاولاد الله يحميهم

بالنسبة للشباك عندكم حق بس اقصة صار لها زمان كتير صارت وقت الاعصار ريتا وكنا مشغولين وما فضينا له اصلا كنا متوقعين نرجع ما نلاقي اشباك كله المهم علشان الاعصار حطوا على الشباك هذا اشي الي بيحطوه للحماية ولما رجعنا بعد الاعصار ما طلبنا من صاحب ابيت يشيوه وهو ما شالوه

انا عجبني ان نوعه بدخل الضوء وانا بقدر اشوف شوي برا بس الي برا لا يمكن يشوف الي جوا فعجبني علشان الاولاد لما يفتحوا البرادي انا ما ابين لان بيتي على اشارع لذلك تركناه محطوط يعني من ناحية السرقة او ان حدا يدخل البيت صعبة وبعيدة ان شاء الله لكن من ناحية البرد فاكيد بدخل برد والصراحة نحن نسيناه او اتناسيناه وما اتذكرنا غير لما صار برد شديد

يووو طوت عليكم القصة المهم انا كلمت زوجي وان شاء الله يكلمهم اول ما بيقدر لان حاليا ماعنا ولا تلفون بس هي قصة تانية بحكيها بموضوع تاني

شكرا عى الردود و الله يعطيكم العافية