الواثقة من نفسك..اسم على مسمى ..لو ما وثقت من عمق كلامك ما كنتي تحديتي و طلبتي رد..الله يديم هذه الشخصية النقية والمتكاملة..وعسانا نقتدي بك في ذلك..لك كل الحب و الإعجاب..
اسلام فور إيفر اعطيني بس وقت الى الليل حتى أسأل أبو نواف وأرد عليك وانشالله ما يصير خاطرك الا طيب..واسمحي لي و اعذري جهلي بهذه الأمور..

حبيبة لودي..إن كنت أكن لك الاحترام فانا اليوم أكن لك الاحترام والحب و التقريب لما قلتي..بل و سأكون طماعة أكثر وأطلب منك المكوث حتى تري باقي البيت و تعطيني ملاحظاتك التي أحتاجها و بشدة..كل ما قلتي صحيح و أزيدك من الشعر بيت الكنبات عمرها أكثر من 15 سنة يعني من قبل ما يتزوجني أبو نواف..بس لأن البناء خذ كل فلوسنا قلنا نسوي تنجيد الى أن تتحسن الظروف و الحمد لله الفرج قريب(تورطتي حكيت لك قصة حياتي )..أما الفرشة الحمرا فمسوية لي عقدة نفسية و أوعدك يوم أشتري غيرها أرميها من الشباك..وأبرد حرتي لأنها ثقيلة وأتعب في تنظيفها ..وكذلك موديلها قديم..
أختي الغالية ..لا تبتعدي وكوني كما اليوم صريحة و شفافة فتلك صفات أعشقها ..ولك مني كل الاحترام..

اختي وحبيبتي سارة انا مو طبعي المدح قبل ان اقول رايي الحقيقي في اي شيء وممكن تعتبريني مهندسة ديكور بالفطرة لحبي الشديد في الديكورات والبيوت والتصاميم ولاني عشت فترة طوييله الخارج وعاصرت بشر يقدرون التصامم والديكورات والتنسيق شوفي وبدون زعل بلييز اولا ابتعدي عن الزينه الرخيصه في بيتك من مزهريات واشجار واكسوسريس ابتعدي عن الكلافه في الزينه يعني مافي داعي على التلفزيون ويمه وتحته تحطين زينه خليه كذا بروحه بيطلع احلى واشيك كثرة المرايات ووضع اوراق تلفها موضه جدا قديمه ولا داعي لها

ماعليه اعتبريني اخت لكي والله يشهد ابغالك الخير خاصه انه تصميم بيتك رووعه والحديقه حلوة تينن طيب حمام الضيوف علبة الكلينكس هذي جدا قديمه ومالها اي داعي حاولي ما تلمي اي اكسسوار وتحطييه لمجرد انك تضيفي شيء جديد وبعديت الطاولات اللي بمجلس العرب جدا صغار ما تتلاءم ويا المجلس وبعدين الغصنين الطوال اللي حاطتهم في مجلس الحريم بصراحه هل تشوفين مكانهم مناسبين اتوقع لو تشيلينهم وتخلينهم بزاويه بيطلع اشيك واضبط حاولي يا حبيبتي تروحي السيتي بلازا وتشوفي اشلون التنسييق ييصير وصدقيني الديكورات والزينه حلاتها مش بالكثره حلاتها في فخامتها وقلتها يعنيي لو اشتريتي حاجه وحده عليه القيمه وتخلينها كذي بروحها تعطيش منظر يغنيش عن ميت اكسوسري من بيت بو ريال ولا تستعجلي ابد خذي وقتش في تزيين بيتك صديقتي تمت ست سسنوات تأثث والنتيجه روووعه كانت. واهم شيءاشتري مجلات تهتم بدكورات المنزل صدقيني تعطيش افكاروايده وجديده انا الحين ابني بيتي بالعذيبه عندكم واول ما تخلص راح ارويك شلون صاير سامحيني واتمنى تتقبلي كلامي بصدر رحب

يا مليون هلا يا بنت النور..أولا انت ما قلتي شي يدعو للزعل والمسلم يحسن النصيحة لأخيه المسلم وأنت خير مثال على ذلك..ملاحظات أختنا حبيبة لودي فتحت عيناي على الكثير وملاحظاتك انت وضحت لي الكثير ..كلامك صدق و أنا فعلا سأبدأ التجديد تدريجيا ..لكن لا تستثقلي إذا لجأت اليك في نصائح كثيرة..أنت ساعدتني على معرفة موضع الخطأ..وأنا مدينة لك بالشكر الجزيل ..أما عن الأذواق فالجمال يفرض نفسه مهما اختلفنا ذوقا وقولا ..ومثل ما قلتي بعض الأشياء الثمينة تغني عن تكديس الأكسسوارات الرخيصة والمستهلكة.. وأنا لا أعتبرك أخت بل انك أختا عزيزة فرضت احترامك بصراحتك وخالص نصيحتك ..لك كل الشكر يالغالية..(على فكرة أنا ما من العذيبة ..أنا من الشرقية )