اسمعيني شوي @asmaayny_shoy

عضوة فعالة

بيتي المتواضع (مافيه غيره ) بس ابغى احطه جنه ..كيف ؟

حبيباتي انا زوجي اشتري بيت ديبلوكس متواضع فيه مجلس رجال كبير ومقلط للطعام وحمام اكرمكم الله

بعدين صاله كبيره للحريم وعليها مطبخ مفتوح ........

وفوق غرفتي صغيره شوي وبلكون وغرفه ملابس *2 وغرفه بناتي بحمامها

والاولاد غرفتين بحمامها وصاله صغيره فوق بين ذا الغرف .

وملحق فوق

افكر احط الحمامات كلها ابيض لاني باغيرها لانها قديمه

ايش رايكم

الدربزين اغيره ....

واحط على الجدار حق الدرابزين طوب اللي اشوفه بالصور

الغرفه اللي قدام غرفه الاولاد فوق احطها مقلط

والله ما ادري ماهو عاجبني بس ويش السواه ريحه ابو على ولا عدمه

بس ابي اسويه بطريقه اقدر احبه

يلزم عليك تسجيل الدخول أولًا لكتابة تعليق.

تسجيل دخول

برنسيسه 2008 • 15 سنة

هلا اختي انا كمان اشتريت فيلا وهيه جديده بس ماعجبني التشطيب النهائي وغيرت كل شي الاسقف الجبسيه وبلاط الحمامات وانتي بكرامه والربزين والله فلبناه من فوق لتحت رغم انه جديد وباقيلي البويات وحنى الحين بنبيض البيت ونختار البويات والله السافه صعبه انك بس هذا بيت العمر لازم نبدع فيه على ذوقنا والله يوفقنا وياكم ونسكن على خير

LIPS9 • 15 سنة

ماشاء الله تبارك الله

اهم شي انه مللك

تسوين فيه الي تبينه

شوي شوي لاتستعجلين بين فتره والثانيه اثثي شي في البيت على رواااقه

ومبين مساحته حلوه

بس قهر مافيه جلسه تحت

مو مشكله مثل ماقلتي سوي وحده من الغرف الي فوق جلسه لكم

اختاري ابعد غرفه عن غرفتك علشان الصوت

رنا 2009 • 15 سنة

المقلط يكون بالدور الثاني مع غرف النوم .!

أحس بيكون مكانه غلط ..

vdhq1 • 15 سنة

لا تحطين الحمامات ابيض

نصيحة بذهب

والله اكبر ندمة ان حمامات اولادي بضاء

ماتنضف ابدا

تخيلي .. غسيل طول اليوم .. وكل من دخل الحمام رجع مبقع

والف مبروك المنزل

إحســــاسي؟ • 15 سنة

الله يهنيكم