بيتي انسرق....تعالوا اقولكم كيف انسرق...وتستفيدوا من اللي صار لي

حسبنا الله ونعم الوكيل...(اللهم انا نجعلك في نحورهم ونعوذ بك من شرورهم)
بسم الله الرحمن الرحيم
بيتي انسرق اقولكم القصه اللي صارت عشان تنتبهوا لبيوتكم
اولا انا كنت مسافره الشرقيه انا وزوجي الاربعاء سافرنا ورجعنا يوم السبت في الليل ...وصلنا تقريبا الساعه 10:30

جاء ابو الشباب يفتح الباب بالمفتاح لقا الباب مفتوح مايحتاج للمفتاح وانا كنت في السياره اشيل الاغراض وشوي جاء زوجي في عيونه نظرة غريبه ما ادري خوف او تعجب ماادري ايش السالفه شوي قال اطلعي السيار ه وقفلي الباب ...ايش السالفه ..قال البيت مسروق استعجلي...عاد وقتها انا ماادري ايش اسوي ابكي وارتجف من الخوف وولدي في يدي وماني قادره امسكه من الفجعه(انفجعت بالمره وخفت الله يفجعهم ويشتتهم وين ما راحوا) المهم اللحين صرت افكر كيف دخلوا البيت ...انا بيتي شقه صغيره وحنا طالعين قفلنا الباب بالمفتاح ...طبعا حاجه اساسيه يسوسها الواحد اذا طلع من بيته...بس كيف اولاد الحرام دخلوا البيت؟قعدت اسال نفسي...المهم بلغنا ودخلنا البيت نشوف وش اللي راح منه ...ماانسرق والله من البيت الا الذهب حقي كله والذهب حقي كثير والشبكه حقت الملكه كل شي راح ماخلوا من الذهب حاجه...فقط والله هذا اللي سرقوه بس الله لايوريكم كيف حاسوا البيت وغرفتي بعض الادراج تكسرت ولاوراق حقت زوجي في شنطه لوحدها حاسوها ورموها على الارض الحمدلله انهم ما اخذوا شي منها لانها كلها ضروريه....وحاجه ثانيه اخذوها(دهن عود معتق )غريبه انهم اخذوه ماخذوا اشياء اثمن من العود كان في البيت حاسب وجوالات تلفزيونات واشياء كثيره ثمينه لكن ما اخذوا الا الذهب والدهن المعتق .....المهم جات الشرطه واخذوا البصمات بس اتوقع ما لقوا لهم اثر غير الدخان حقهم .......المهم..السؤال هنا كيف دخلوا البيت وحنا مقفلين بالمفتاح هذا السؤال محيرني الى الان انا وزوجي ...حتى الباب مافيه لا كسر ولاحاجه ...

ولان عرفت اني لو كنت في البيت ومقفله بالمفتاح وحاطه مفتاحي داخل الباب ومقفله بالزرفيلا ماكان قدر يدخل لو يطلع في راسه نخله ما حايقدر يفتح والشبابيك عليها حديد من برا مستحيل يقدر يدخل الشقه لاكنه عرف وكان مراقبنا وحنا طالعين وعرف ان فتح الباب اسهل ......


المهم انا الان انصحكم نصيحه لوجه الله ما ابغا غير الدعوه الصادقه النابعه من قلوبكم ...وهي اذا كنت في البيت اقفلي الابواب بالمفتاح وخلي المفتاح في الباب عشان اذا فكر احد يفتح عليكي الباب مايقدر يدخل اللي معه من مفتاح او اي شي ثاني (من غير شر ان شاء الله يلحقكم) واذا عندك زرفيلا بعد احسن
ونصيحه ثانيه :حتى لو كان زوجك عندك في البيت قفلي بابكم زين لانهم الله لايقدر يدخلوا عليكم ومعاهم اسلحه ووقتها ما تقدروا تسووا شي
زي الحلقه اللي جات في طاش ماطاش حقت الحراميه يوم دخلواا عليه هو وبناته في البيت وماقدر يسوي شي (كنت اتوقع انها تمثيل لاكن والله انها حقيقه ........اولاد الحرام ماخلوا احد في حاله ...
والان انا رجعت بيتي بس والله ما اعرف اسم الراحه (حسبنا الله ونعم الوكيل فيهم) ماقدرت انسى ولاافكر في شي غير الموضوع اللي صار لنا

ونسيت اقولكم في نفس اليوم اللي انسرق في بيتنا قال لنا الشرطي الحي هذ خلال اليوم جانا 6 بلاغات سرقه وكلها سرقة ذهب ...هما عصابه جات الحي وسرقوا والله اعلم ...المباحث يقولوا عرفوهم لكن يبغوا يمسكوهم متلبسين بالجريمه (الله يستر علينا وعلى اخواننا المسلمين )

طولت عليكم بس والله حابه انكم تستفيدوا والله العظيم وتتنتبهوا لبيوتكم ولاتخلوا اي شي تخافوا عليه في البيت والله ماعاد في امان مثل اول الله يستر ولما تخرجوا من البيت قولوا (استودعت الله في بيتي وكل ما املك) واستودعي الله في نفسك واولادك وزوجك وسيارتكم وكل شي


اسال الله العلي الكريم انه يحفظنا ويبعد عنا المصائب والفتن ويبعد الله عنا شرورهم... ،