البنات ماقصروا وكمان حاولي ترتبي اول باول اول ماتاكلي بصحن غسليه والكاسات كمان اول باول لاتجمعي الاواني خليها اول باول اريح والزباله اول مايمتلي الكيس ارميه لاتجمعيه والغرفه المعيشه اول باول الاوراق والقراطيس اي شي يوسخ على طول نظفيه اول باول وخلي نظامك كذا كل شي بوقته لاتجمعينه تتوهقين..

انتي من صجك تتكلمي؟
رحمت هالزوج المسكين :(

ابغى اقولك شي وابشرك مقدما ترى اذا استموريتي كذا الزوج ماله الاحلين ياالطلاق او زواج جديد وحتى لو ضحك ومزح معك ترى بتنقلب ع مخك لاتزعلين يالغلا بس الظاهر انك مالقيتي موجه لك والله اني اشوف الموضوع وادعي لك لانك اخت لنا هنا بس تكفين شدي الهمه وصيري ذربه في بيتك والله حتى زوجك ليشيلك فوق راسه النت لاتفتحينه الاع القسم اقسم لك انك بتتطور حالتك وشوفي ابداعات الحريم بالتنظيم وراح تنفتح نفسك ع الترتيبويااختي اذا بتتحمسين اكثر قولي لازم الساعه الفلانيه اخلص كذا والله الحريم بعد اذا دروا عنك يفضحووووووونك وانا مستعده اساعدك يالغلا ارسلي لي ع الخاص لاني ماارجع للموضوع اسمحي لي

بصراحة الحال من بعضه والله انا متلك بس مرات انظف واصير مرتبه وبعدين اغلب الايام البيت مو نضيف
الفرق اللي بينا انى اطبخ معظم الايام والاواني بال3 ايام تنغسل والله
الله يوفقنا ونصير سنعات متل ما يقولو الخليجيات
انا حطيت جدول وراح ابتدى ان شاء الله

ياعزيزتي

_ ياما بنات تطلقوا ورجعوا بيوت أهاليهم والسبب الفوضى الرجال تعب ودفع وحط مصاريف عشان يجي أقلها يلقى بيته نظيف
لا تنتظرين مننا إنّا نطبب عليك وندلك وندعي لك بس .. انفضي عنك غبار الكسل .. ولا تبغينه يروح يتزوج عليك والناس تقرف منك
صدقيني اعرف كثير حتى بيوتهم اتقرف من الأرض اللي أمشي عليها عندهم .. فناجين القهوة والشاي قسماً بالله لمّا أشرب عندهم كني أشرب سم من كثر ماني متقرفة نفس الطريقة أكلهم والسبب القرف اللي اشوفه واسمعه عنهم فماأبغاك تكوني مثلهم ..

_ لاتنسين وصية اللنبي صلى الله عليه وسلم لبنته فاطمة .. أظن البنات ذكروها لك :)
_ كل يوم اتعلمي لك طبخة .. واتعلمي لك طرق سهلة في التقديم
_ لا تراكمين الشغل عليك .. ابداي بأهم غرفة لك غرفة النوم رتبي سريرك .. لو كان المفرش وسخ شيليه وغسليه ..وحطي مفرش بديل له .. لاتنتظرين الشغالة لأن ماأحد راح يرتب بيتك مثلك .. شيلي الملابس المرمية بالأرض اقسم النظيف طبقيه من وقته وخليه على جنب .. الوسخ على السلة .. فكي الشباك هوي غرفتك .. وامسحي الغبرة وانفظي .. ولمعي المرايا ..

( خصصي لك يوم تطبقين ملابسك وترتبين الدولاب ) يعني لاتكثرين على نفسك الشغل بيوم واحد

_ اتجهي لحمامك وارمي الزبالة اللي فيه وغسليه وعقميه وامسحي المرايا والمغسلة لا تتركين شيء أبد

_ اتجهي لغرفة المعيشة لمي الأشياء المرمية بالأرض وانفضي ومسحي الطاولات / المكتب / انفضي الجلسة خليها مرتبة

_ بعدها على المطبخ سوي غداك أو فطورك ولا تتركين ملعقة عبي قدر كبير حطي فيه كلوركس وفيري وهات يادعك ياتنظيف وشطف على بال مايجهز اكلك راح تلاحظين كل شيء صار مرتب حطي الفحم على النار .. فحم الشعلة لا تستغنين عنه أبد :)
والبخور نوعي كل مانزلتي السوق اشتري لك علبة علبتين .. اهم شيء الريحة الطيبة


_ اتجهي بعد ماترتاحين لمجالس الضيوف وكنسي ورتبي وامسحي لاتتركين شيء خليك انسانة ثانية .. خلي زوجك ينبهر فيك


أنا أستفدت من البنات اشياء كثيرة .. نصايح أتمنى أن تسوينها عشان ترتاحين على طول
_ لمّا تبدين شغل في البيت خلي الغسالة شغالة وغسلي الملابس .. أول بأول عشان مايتراكم عليك الشغل
_ استمعي لحديث لمحاضرة أثناء شغلك في بيتك ..
_ اتركي النت اذا كان عندك شغل في البيت .. بيتك ورضا زوجك أهم من سوالف النت
_ دائماً حمسي نفسك وشجعي نفسك ..اكتبي بورقة اهم اعمال اليوم لك تنظيف مثلاً المطبخ مسح تلميع الثلاجة وكل ماانجزتي مهمة علمي عليها راح تحسين بشيء حلو ..

_اذا حسيتي بتعب ارتاحي لمدة لاتتجاوز الربع ساعة لأنك لو طولتي راح يغلبك الكسل فأنا ماأبغى لك الإنتكاسة هذه ..

_انقعي الحمام قبل ماتبدأين تنظيفه بمويه وكلوركس وشوية تايد .. واتركيه لمدة 10 دقايق بعدين تعالي افركيه على خفيف
واشطفيه بس ..

_ المطبخ خصصي يوم لتنظيفه تنظيف عميق .. من مسح الشباك والشفاط وتنظيف الثلاجة ومسح الدولايب ..

لاتتركين أي شيء يتراكم عليك لو ملعقة على طول غسليها ..


_ بالنسبة للطبخ تعلمي من أمك كل مرة شيء لين تضبطينه حاولي تبدأين بالأشياء السهلة ..عودي نفسك على النشاط سوي لك كوب قهوة .. أو شاي أو قهوة عربية عودي زوجك يأكل من البيت أكثر شيء ..

أدخلي قسم الطبخ عندنا هنا وشوفي ابداعات البنات أنا استفدت منهم كثير


_دائماً خصصي لك شيء تنظفينه تنظيف عميق .. هنا البنات كانوا مسوين جدول شهري .. شوفي اطلعي عليه
راح تنبهرين .. من البنات لا إله إلا الله وراح تنضمين لنا في القريب العاجل

متعي نفسك بالنظافة لا يروح عمرك هدر .. وتقضين على زواجك بيدك انتبهي الرجال مايستحملون وكثير طلقوا وتزوجوا على زوجاتهم باسباب اهمالهن فانتبهي لعمرك وتوك ببداية شبابك لاتقضين على نفسك وعلى عيالك