شمــــوخ المعالي :

عزيزتي الغاليه.. اسأل الله العظيم رب العرش الكريم ان يعينك ويجعلك من انظف وارقى البنات ببيتها كونك اعترفتي بالخطأ فهذا انجاز .. الخطوة الثانيه ..ابدأي بالشغل حبه حبه اول واهم شي المطبخ حتى لو كارهته بتحبينه بعد ما تنظفينه ابدأي بالمواعين حطي كلوركس وفيري بعلبه او طشت صغير وكثري فيري ثم ابدأي شيلي بقايا من الصحون عالزباله بعدها سمي بالله وابدأي اغسلي المواعين ورتبيها بالسله مو فوق بعض لالالا الصحون مع البعض الاكواب مع بعض والفناجيل مع بعض ..خلصتي المواعين اتركيها تجف تمام التمام ولوعندك مروحه بالمطبخ الافضل تشغيلها بعد كذا انتقلي للفرن فصليه حبه حبه امسكي الحدايد السودا والعيون ثم جيبي طشت كبير وحطي به مويه دافيه وخل وانقعي العيون فيها خليها لين تخلصين شغل المطبخ والحدايد حطي عليها بخاخ جف اسرع واسهل بالتنظيف واشطفيها وخليها تنشف والفرن بيكون فااضي خذي سفنجه وضعي بخاخ جف عالفرن وابدأي افركي زين زين لين تروح الزيوت ثم بمنشفه جففيه واغسليها واعصريها كل ما اتعبت وهكذا لين تخلصين والافضل تستخدمين فنيله قطنيه رائعه في التجفيف.. انتقلي الان الى الدولاب او الرخامه كل المعلبات ضعيها في دولاب خاااص لها وعلب البهارات رتبيها بجنب بعض في زاويه او مكان لحالها حاولي قد مال تقدري يكون الدولاب فاضي شيلي اي معلبات تحتاج ثلاجه مثل(كتشب شطه..الخ) عالثلاجه اي شي يحتاج دولاب ع طوول جوا الدولاب بعد كذا امسكي علبه فيها كلوركس وفيري وشوي مطهر داك ورشي عالدولاب وامسحي بالفوطه وهكذا لين تخلصين الدولاب بتحسي انو صار يلمممع .. انتقلي الان الى الارضيه امسكي المكنسه وابدأي اكنسي من بدايه المجلى لين عند الباب واكنسي من ورا الباب ومن جنب الدولايب يعني كنيس زين زين وبعدها جييبي الممسحه وبلليها بالمويه مع كلوركس وشوي مطهر داك واعصريها مو تقطر اعصريها زين وابداي امسحي من اول المجلى لين عند الباب وخليه يجف زيييين صدقيني بتحسي برااحه نفسيه عجيبه وبيهون باقي البيت .. انتقلي الان الى غرفة المعيشه او مكان جلوسكم ..وهذا ثاني اهميه بعد المطبخ لانكم تقضون وقتكم فيها ..المهم ابدأي بكل شي طايح عالارض وارفعيه لمكانه الصحيح واي شي عالطاوله ماله داعي ارفعيه برضه بمكانه وانثري المخدات وابدأي انفضيها بضربها بيدك ورجعيها مكانها وجيبي المكنسه الكهربه وابدأي اكنسي الكنب طبعا شيلي راسها وبالعامود اكنسي زوايا الكنب عشان الغبار والمقاعد وتحت المخدات والمقاعد شيليها واكنسي تحتها لان هناك يتجمع غبار ووصخ بعد كذا جيبي فوطه مبلوله بتايد وامسحي اي بقعه على سطح الكنب ,,, رجعي كل شي مكانه وابدأي امسحي الطاولات لو عندك بملمع الزجاج والمكتبه واي شي يحتاج مسح بعد كذا شغلي المكنسه الكهرب وابدأي اكنسي من ورا الكنب ومن تحته ومن الزوايا ووسط الجلسه والزوليه يعني كنس زيييين مو بس كنس ظاهر بعد كذا امسكي الممسحه وجيبي طشت به مويه دافيه وغطا خل وغمسي الممسحه واعصريها زييييين وامسحي نفس الشي من الزوايا ومن تحت الكنب ومن كل مكان ...كذا خلصنا غرفة المعيشه جيبي فحم وشعليه وحطي بخور وخليه بالصاله عشان تحسي بالانتعاش والريحه الحلوة وحاولي ما تخلي بمكان جلوسكم قرابيع كثير حاولي الطاولات تكون فاضيه الا من تحفه وفواحه.. انتهينا من غرفة المعيشه ننتقل لغرفة النوووووم وهذي اهم اهم اهم شي لانها مكان راحتكم ابدأي حبيبتي بالسرير شيلي كل شي عليه اللحاف والشرشف والمخدات فكي الغشا وافرشي لحاف جديد ورتبيه عالسرير بعد كذا انتقلي للتسريحه جيبي اي علبه عندك كبيرة لو علبة هدايا عندك بس كبيرة تستوعب وجمعي فيها كوول العطور اللي عالتسريحه والاشياء اللي تستخدميها بشكل يومي مثل مزيل العرق تبعكم والبودرة وواحد لوشن ورتبيها بالعلبه ثم فضي التسريحه من كل شي وجيبي ملمع الخشب واذا مافي ملمع الزجاج بس لو فيه بقع مستعصيه جيبي اسفنجه فيها مويه وفيري وامسحي امسحي زيييييين حت الا دراج من برا وحواف التسريحه وجوانبها وامسحيها بفوطه وجيبي ملمع الزجاج ورشي عالمرايه وامسحي بالجريده عشان تصير تلمع ...ثم حطي العلبه تبع العطور بزاوية التسريحه ووزعي علب صغار تبع الفرش حق المكياج وكم علبة لبان وبخور وكذا اهم شي تكون فاااضيه ومرتبه مو زحمه والادراج قسميها شي للسشوار والمكر ولوازم الشعر ودرج للمكياج والارواج وكل شي يتعلق بالمكياج ودرج للوشنات ومعطرات الجسم والباودر ودرج للبخورات والمخلطات صدقيني راح ترتاحي وتعرفي كل شي بمكانه ...انتقلي لدلاب الملابس نزلي كل شي فيه عالارض وسمي بالله واستغفري كثير عشان تتنشطي..وابدأي نقي الملابس شوفي اللي يحتاج غسيل حطيه على جنب اللي يحتاج تعليق حطيه لحاله واللي يحتاج تطبيق ابدأي طبقيه ورصي طبعا وانتي جالسه عالارض عشان ما تتعبي والملابس الداخيله على جنب ولو فيه من ملابس زوجك افرزيه على جنب ليين تخلصي المجموعه اللي طبقتيها شوفي كل طقم واجمعيه مع بعض ورصي بالدولاب كل الطقوم مع بعض والتيشيرتات مع بعض والبناطيل الجنز مع بعض والبناطيل العادي مع بعض والبديهات مع بعض والملابش الداخليه لفيها رووولز وحطيها بدرج خاص والستيان برضه مع بعض دخليهم ببعض ورصيها بدرج الملابس الداخليه والملابس اللي يبغالها تعليق على طول نزلي العلاقات وعلقي والملابس اللي يبغالها غسيل حطيها بسلة الغسيل وملابس زوجك نفس الشي بي خصصي لها درج خاص لملابسه الداخليه ..كذا انتهينها من الملابس وراح تحسي براحه عجيبه بعد ترتيبها انتقلي للكمودينات اي شي جواتها زايد طلعيه وارميه واي شي مو مكانه حطيه بمكانه امسحيها ةحطي الابجوره وامسحيها ثم جيبي المكنسه واكنسي ولو سيراميك امسحي ومثل ما قلنا كنس زين ومسح زين من كل مكان وزاويه وجيبي الفواحه وشغليها والبخور وقفلي الغرفه ..... خلصنا من غرفة النوم ننتقل للحمام وانتي بكرامه....جيبي الدلو او الكروانه وعبيها مويه دافيه وكلوركس وشوي صابون الغسيل وشوي مطهر داك او منعم ملابس ثم رشي على بانيو الاستحمام والمرحاض والمغسله طبعا بعد ما تفضين الحمام من كل شي وجيبي فرشة الحمام وابدأي افركي المرحاض زيييييين من جوا ومن برا ومن الجوانب وعشان لا يتلصق الصابون على طول اشطفيه وانتقلي للمرحاض جيبي فرشاة ثانيه وافركيه من فووق ومن تحت وافتحي الغطا وافركيه وخذي فرشة المرحاض الدائريه ودخليه فيه وافركيه زيين زيين واشطفيييه بالمويه طبعا عشان اسهل اشطفي بالرشاش اللي تغسلي بيه ..وانتقلي للمغسله برضه بالفرشه تبع البانيو افركيها من فوق ومن تحت ومن جوا ومن العامود والرف واشطفيها وامسحي المرايه بالملمع وجريده وغيري الزباله وغسليها وحطي فيها كيس جديد والغساله لو تحتاج امسحيها بفوطه وااخر شي الارضيه افركيها بالفرشه بلاطه بلاطه وبين البلاط وورا المغسله وورا المرحاض واشطفي بالمويه ثم بالممسحه تبع الحمام ورجعي كل شي مكانه ورتبيه والصابون والكلوركس فوق الرفوف وجيبي الفواحه وحطيها بالحمام وقفلي ........ بكذا خلصنا الجزء الاساسي من التنظيف ..مطبخ+صاله+غرفة نوم+حمام عشان لا تكرهي الشغل ولا تتعبي يوم الاحد .. طبعا من الصباح قومي افطري وسمي بالله وامسكي الغسيل ابدأي بالابيض وغسليه واثناء الغسيل انتي ادخلي المطبخ وفضي الثلاجه وراح تحتاجي حافظات طعام عشان تزوعي الاكل الزايد فيها والخضار ..ثم ابدأي اغسليها من جوا بكلوركس وفيري وبالاسفنجه افركي وامسحي بفوطه ثم ابدأي رتبي العلب جوا الثلاجه وقفليها وامسحي من برا زييين وبعد ما تخلصي جيبي المساحه اللي زي تبع الحمام وبللي فوطه وضعيها عليها وامسحي الجدار من فووق لتحت عشان الغبار ثم امسحي البراده وامسحي اي اله كهرائيه عندك مثل فرامة البصل والخلاط...الخ شيلي كل اللي كان بالسله امس ضعي درج للاكواب وخذيها ورصيها فيه ودرج للملاعق والشوك والسكاكين ودرج للادوات التانيه زي قشارة وقطاعه وبشارة وكذا .. طبعا شيكي بين فترة والثانيه عالغسيل ولا تسيبي شي لين تغسليه وتنشريه ..ثم شيكي عالصاله اكنسيها وبخريها وشيكي على غرفة النوم زبطي اللحاف واي عطر خرج برا العلبه رجعيه واكنسيها لو تحتاج ..وشعلي بخور وبخري البيت خذي استراحه ربع ساعه عشان يتجدد النشاط وعلى 12 ونص ابدأي اطبخي اطبخي شي سهل مو شرط تبدأي بشي صعب مثل رز ابيض وسلطه وايدام ولاحظي اي ملعقه تستخدميها من وقتها اغسليها ورجعيها وبعد ما تحضري الغدا حطي مويه بالقدور لين تخلصو غدا ارفعي وغسلي مواعين الغدا واتركيها تجف ... طبعا بعد الظهر الوقت مفتوح لكي نامي لين العصر او اجلسي عالنت اي شي نفسك فيه سويه ..بعد العصر شيكي عالغسيل لو جف ابدأي طبقيه واكوي لان اليوم يوم غسيل وكوي ودخلي بالدولاب والنشارة قفليها لا تتركي شي عليها ..بكذا بيتنظم شغلك .. طبعا بعد المغرب ما عندك شي فاضيه اتقهوي اعزمي احد روحي عند احد اهتمي ببشرتك اللي تبغي بس لا تستسلمي للكسل والنت .. طبعا بعد العشا لا تتركي المطبخ كذا لا لا لا والف لا لا تنامي الا ومطبخك نظيييييييف رصي المواعين بالادراج اتركي السله فاضيه اكنسي عالسريع وامسحي واخرجي بتنامي براااحه صدقيني ... وراح اديكي جدول مررة مريح ****لله تمشي عليه تمام .. السبت(( تنظيف الطبخ تنظيف عميق +غسيل الحمام +غرفة النوم+الصاله)) الاحد((غسيل الملابس+تنظيف عميق لللمجالس+تمسيح السيراميك+الحمام)) الاثنين((المطبخ+ الحمام+تنظيف عميق لغرفة المعيشه + كنيس سريع للغرف)) الثلاثاء((تمسيح سيراميك+المطبخ+تنظيف عميق للحمامات +كنيس لكل الغرف +غسيل ملابس)) الاربعاء(( المطبخ +الحمام+تنظيف عميق لغرفة النووم+ كنيس للكل الغرف)) ولو مشيتي صح عالنظام راح ترتاحي ويصير بيتك مثل الورده واي حد يجيك فجأه راح تكوني جاهزة بس المهم والمهم والمهم تقومي تسعه الصباح تشوفي شغلك بعدها طوول اليوم راح تكوني فاااضيه ... اتمنى لكي التوفيق واسأل الله لكي الصلاح في دنياك واخرتك تقبليني عزيزتي بصدر رحب

عزيزتي الغاليه.. اسأل الله العظيم رب العرش الكريم ان يعينك ويجعلك من انظف وارقى البنات...

لاريسيا :

لاحول ولا قوة الا بالله شكلك تبين لك ضرة حرام و والله النظاافه من الايمان لاحول ولا قوة الا بالله

لاحول ولا قوة الا بالله شكلك تبين لك ضرة حرام و والله النظاافه من الايمان ...