بيتي شبه مسكون وزوجي رافض النقل؟

السلام عليكم ورحمه الله وبركاته
ياحواااائيييات تكون قولو لي كيف اتصرف مع هالرجال الي طلع في راسي نخله ....لا والله مي نخله الا مزرعة نخيل:angry2::angry2:
انا ساكنه في واحد من بيوت اهلي وسبق وقد انسحرو اهلي في هذا البيت وتركو البيت وراحو في بيت ثاني الله ينصرهم على من سحرهم..
طبعا كنا نشوف اشياء في البيت ونسمع اصوات ولمن نطلع مانلاقي احد وكان اليوم الي ننادي ابوي الله يرحمه علشان يسمع اويشوف تختفي كل الاصوات وعلى هذا الحال
سكنت زوجت اخوي في البيت وماكانت تشوف شي وماتسمع شي بس اخوي كان يسمع وتصير له بعض المواقف بس عرفون الرجال عادي عندهم ..بعدين نقلو في بيتهم الجديد وكانت زوجت اخوي تمدح في البيت وتقول كانت احلى ايام لها فيه..
تزوجت وزوجي في ذيك الفتره مالقى بيت علشان يستاجره الي لقيها كلها قديمه او وسخه وبيت اهلي كان روعه
طلب زوجي من اهلي انهم ياجرو له البيت واهلي وافقو وياليتهم ماوافقو:06::06:
سكنت فيه اول سنه وكانت اموري تمام بس بعد السنتين بدات الاحظ بعض الاشياء تختفي وبعدين تظهر بعد فتره سكتت وتحملت وكنت دائما اشغل سوره البقره والحمدلله ما اسمع اغاني واذاعة القران دائما اشغلها
المهم الفتره الاخيره احس اموري تعقدت وصرت اشوف خيالات واحس احد يمشي وراي واحيانا اشوف حاجه بيضاء تعدي بسرعه ودائما اتعوذ من الشيطان واقول تتوهمين بس الفتره الاخيره بنتي ام 4سنوات الله يحفظها صارت تشوف ::
1المره الاولى شافت في غرفة النوم رجال قصير واصلع ولابس اورنج وبعدين اختفى
2المره الثانيه شافت في نص رمضان بنت طلعت من المروحه وكانت سوداء وشعرها منفوش ولها قرنين وتصرخ وكنت مع بنتي في وقتها وبنتي كانت تسولف فجاه سكتت وصارت تقولي ماما شوفي البنت
تصرخ.ويم سميت وقريت اية الكرسي اختفت
3شافت في الصاله ولد يضحك وكان شكله مثل البنت وبعدين الولد طلع في الصوره المعلقه واختفى
انا هنا ماعاد قدرت اتحمل وصرت اصرخ على زوجي واقوله طلعنا من البيت وهومو راضي يقول انتو تتوهمون وانا مااشوف شي والبيت مافي احلى منه
قلتله السحر الي انحط كان لعائلتنابدليل ان زوجت اخوي ماشافت شي واخوي كان يشوف والبيت استاجر بعد ماطلعت زوجت اخوي وماكانو يشوفو شي وكنا نقولهم ويحلفون ان مافيه شي ولاقد صار لهم فيه شي
وانا الحين اشوف وبنتي ياقلبي عليها صارت تمشي وهي خايفه وتقول بيطلع الولد من الصوره وصارت خوافه من كل شي ما الومها ياقلبي عليها
:arb:وطبعا الاستاد ولا همه شي لي شهر وانا اقنعه اننا ننقل وهو رافض تعرفون ليش ...دائما يتحجج بالاجارات علشان اهلي كانو مخفضين الاجار ومايدفع الا ربع الاجار والحين يقول ما اقدر
مع ان راتبه كويس واحواله الماديه ممتازه
الحين لي يومين وانا اكلمه من طرف خشمي من القهر قلتله اذا انا مرضت اوبنتك جاها شي والله ما اسامحك
وش اصلح فيه وكيف اقنعه اننا نخرجمن البيت
زوجي طبعه مره عنيد ومايصلح الا الي يعجبه وانا بالطقاق
كيف اتصرف معاه
تكفون دلوني ولا تتركوني والله اني في اشد الحاجه لارائكم...
وادعو لي ان ربي يفرج همي ويلين قلب زوجي ويرضى باقيلي شوي ويودوني:11retcher