بيتي في انتضار نصائحكم ( توجد صورة مجسمة للبيت )

هلا اختي..
انا رايي انو غرفتك تكون الغرفة الكبيرة اللي بزاوية اليسار جنب الحمام والضيوف اول غرفة على ايديك اليمين والغرفة المقابلة لها غرفة البنات وغرفة الاولاد اللي جنب المطبخ...
بس ياليت كمان تقولي حجم الغرف تقريبا كم؟؟
وكم بنت وولد عندك؟؟

مشكووورة اختي jojo ما قصرتي

انا عندي بنت وولدين

والغرف والله تقريبا اللي على اليمين متساوين كل وحدة 5 متر على6 متر

واللي عاليسار بعد نفس الشئ متساويات تقريبا 3 متر على 5 متر

ومشكرووة يا الغالية مرة تانية .


في انتضار نصائحكم يا البنات ربي يجزيكم كل خير

شوفي حبيبتي انا تقريبا وضعي نفس وضعكوبصراحه لغيت غرفه الضيوف وعملت غرفه الاولاد والسرر دورين وغرفه نومي وغرفه جلسه ومكتب لزوجي وبس والصراحه غرفه الجلسه باصلحها علشان استقبل فيها الضيوف .....والصاله عندي صغيره مره ماتنفع تصير جلسه

شوفي حبيبتي اذا ضيوفك واجد وباستمرار خلي وحده من الغرف الكبيرة مجلس للضيوف والغرفة الكبيرة الثانية جلسة خاصة لك انتى والاولاد وخلي فيها دولاب كبير يكون مابين مكتبه ودولاب تخزين لانه مبين ان ماعندك مخزن وحطي فيها كنب زاويه على شكل L واذا كان ماعندكم زوار دائمين وكثيرين خلي وحدة من الغرف الصغيرة مجلس للاستقبال والغرفة الصغيرة الثانية خليها لك ولزوجك والكبيرة خليها غرفة نوم للاطفال وحطي فيها دولاب كبير لملابسكم انت واولادك وزوجك حتى ماتكون غرفتك ضيقة والغرفة الثانية الكبيرة خليها جلستكم انتم وخليها مريحة وتكون زي ماقلت كنب زاوية ومكتبة وبنفس الوقت دولاب تخزين للكتب والالعاب ولاغراض المنزل الاخرى تفصلينها بالشكل اللي يناسبك واذا كانت صالتك اللي قدام المطبخ واسعة حطي فيها طاولة سفرة تناسبها
وبما اني اشوف ان مخطط شقتك مافيها مستودع من رأيي انك تستغلين الجدران بكل غرفة وخاصة غرفة الاطفال وغرفة جلستكم العائلية وتحطين خزانات- دواليب- جدارية معلقه فوق على الجدار قريبه للسقف وارفع من روسكم عشان ماتاخذ حيز من الغرفه وممكن تحطين تحتها اضاءات زي اللي بايكيا وتكون تخدمك بالتخزين من دون ماتضايقك والخزانات هذي متوفرة بايكيا واذا مو قريبه منك ايكيا ممكن تفصلينها عند حقين المطابخ الالمنيوم بس تكون الوانها خشبية من دون لمعه او ممكن يفصلها لك النجار وان شاء الله اكون افدتك والله يوفقك.

انا رايي ان المشكله عندك في دورت الميه بس عندك حمام واحد

بنسبه لترتيب البيت

الغرفه الكبيره الي على اليسار لضيوف والغرفه الي امامها غرفت الاولاد

اما غرف النوم فهي الي جنب دورة المياه

وتكون الغرفه الي امامها غرفت البنات

هذا رايي وذا ودكم اصبغ لكم البيت حاضرين

اخوكم صباغ