الله يعين الشغل مايخلص

الله يعينش و يعطيش الصحة والعافية بالنسبة للاجهزه اشتري جهاز كل شهر او شهرين عالاقل 5 الاف ارخص من قيمة خدامة
بالنسبه لبنتش جيبي لها سوني او ايبود صدقيني بتفقدينها وترتاحين وابو سنة حطيه فحباسة كبيره بالعابه فسنتر بوينت كبيره مو الي زي سرير وحطي له قيم بوي ذا الجيل ماينفع لهم الا العاب الكترونية
و الغسالة نزليها قريب منش فحمام او مطبخ
وبالتوفيق
ادعي لي ربي يشفيني من الارق

الله يعنيك ويشيفكي يارب

الله يساعدك ويكون بعونك يارب
نزلي غسالتك من فوق واغسلي كل يوم بيومه
خصصي انتي وزوجك مبلغ كل فترة جيبوا جهاز غسالة ملابس وصحون
إذا قدرتي تجيبي شغالة على الأقل مرتين في الأسبوع من أهلك مره ومن أهل زوجك مره
تغسل لك الحمامات وتكنس وتمسح وتكوي
ولا تنسي الاذكار اليومية

ههههاااااااااي...اهلا وسهلا يازمل..توني سفرت شغالتي انا كمان.. :hahaha:

شوفي انا حسيت نفس احساسك من فترة لماسفرت شغالتي واضيف عليها اني موظفه يعني وقتي محدووووود

وتوني ساكنة جديد يعني كل يوم يطلع لي شغل كثيييييير.. :icon33:

اول شي جبته المجفف فقط.. الغسالة في الخطة الخمسية القادمة ان شاء الله..

طبعا قبل ما ابدا احوس في بيتي الحايس دخلت هنا..اخذت منهم شوي حماس على شوي تشجيع على الكثيير من الافكار النيرة

الله يجزاهم جميعا خير ويفرج همومهم ويضاعف لهم الحسنات..لو ادعي لهم كل يوم ما احس اني شكرتهم كفايه

ثانيا..جبت لي شغالة مؤقته رتبت المطبخ والحوسة الثقيله.. وبعدها بديت شوي شوي

ذكرت في ردود سابقة اهم خطوة للتنظيف والمحافظة على الترتيب.. الا وهي: تخلصي من الاشياء الزائدة

خصصي يوم لغرفة عيالك.. افرزي ملابسهم شتوي صيفي واللي ماعادوا يلبسونها.. خلي الشتوي في الدولاب وشيلي الصيفي

والمقاسات الصغيرة في اكياس تخزين ولو تتصدقين فيهم ترا احسن لك ويوفر لك مكان كبير.. ونفس الشي الالعاب واتصلي عالجمعيه ياخذونهم

يوم ثاني للمطبخ.. اذا في صحون اوشي ماعاد استخدمتيه طلعيه للجمعية.. وهكذا البيت كله صفييييييييه..

استخدمي مقسمات الادراج وعلب التنظيم في الدواليب .. والمفاتيييييييييح.. قفلي الدواليب لايحوسوها الصغار..

علمي عيالك النظافه في الاكل وعلميهم نظام الجلوس عالسفرة وقت الاكل حتى في الوجبات الخفيفة بين الاكل..

لاتسمحين لهم يشربون او ياكلون وهم يمشون.. البنت كبيرة وفي سن ممكن تشكلينها حسب ماتحبين بنظام المدح والثواب والعقاب:heart:

وبكذا تحافظين على اثاثك نظيف وعيالك مايستهلكون ملابس كثيرة طوال اليوم..

المخدات اللي تحب بنتك تشيلها خليها ترجعها وشجعيها لماترجعها ..البنات حلوات وممكن يريحونك لو عرفتي تتفاهمين معاهم

وبالنسبة لبيتك سكري غرف الضيوف والغرف اللي ماتستخدمونها واحصري جلستكم في الصالة والمطبخ وغرف النوم للنوم فقط..وفري وقتك وجهدك :time:

غطي كنباتك وجلساتك بقماش اوشي يحميها عيالك صغار الله يعييييييييييييييينك..

وحطي لك عالارضيه مفرش زي الي ناخذهم بالرحلات اللي من تحت بلاستيك..يحمي لك الموكيت وشكله مو شين..

خصصي جدول مثلا يوم الاثنين او الثلاثاء للغسيل يوم الجمعه تعزيل المطبخ..الخ..المهم لاتخلين شي يتراكم ويحوسك

اخيرا ..في مفتاح ودي اعطيك اياه...

اول ماتبدين شغله ابدأي باسم الله وطول ما انتي تشتغلين رددي لاحول ولاقوة الابالله تتفاجئين بتيسير الشغل و وقتك يتبارك..

وكل ماقلقتي على عيالك رددي استودعتهم الله الذي لاتضيع ودائعه..

وعليك بصلاة الوتر..والدعاء في نهاية كل صلاة بالعفو والعافية والتيسير من رب العالمين والصلاح لك و لعيالك

اتمنى تكون هذرتي الكثيرة فيها فائدة لك ولو يسيرة.. دعواتك الله يغفرلنا ويرحمنا جميعا. :26: