شوفي حساب هيفاء البشر في الانستقرام موظفة وام وتعمل طبخات وصواني سهلة وسريعة ووصفاتها جميلة

انا كنت ادرس و عندي طفل شغل البيت كان بالنص مافي هو يتبطح وانا خدامه طيب ليش؟ وش له زود عني
اما يقعد يتأمر كان دور وحده ثانويه ربه منزل تخدمه 24س

شوفي في الوكيند اكنسي وامسحي ورتبي وغسلي واكوي الملابس
وقطعي بصل وفرزنيهه وطلعي دجاجتك لجيتي تروحين للجامعه ولجيتي مايبي له شي نص ساعه كله انا اعرف وحده تطبخ الدجاجه من بالليل وتخليه بثلاجه ومن بكرا تحمرها وتكب الرز
اما العشا خليه يتعشا ب الاستراحه مع العيال
لجيتي تغدي انتي وياه واجلسي شوي وحوسي لصار 12 نامي احس نومه النهار حقت ابو ساعتين ماتشبع بس تضيع الوقت
لصار عنك اختبارر نامي 9روقومي 3 او 4 ذاكري وبكذا يصير ماعندك شي

الردود الي جتك كثيره و كافية وتوفي !
أولا حطي ببالك ماراح توصلين لدرجه الكمال بـ هالشيء ! ولاترهقين نفسك بـ هذا الشيء ..
ثانيا .. نظمي وقتك ع الاقل تنجزين يوميا لو نص المطلوب .. ورتبي لك جدول يريحك من عناء التفكير .. وعلقيه قدامك ع الثلاجة .
يومك قسمية لـ 4 أقسام . ( بيتك , نفسك , دراستك , زوجك )
ح ابدا 1- بدراستك / حاولي مذاكرتك تكون في الصباح بدري , ذهنك يكون خالي .. يعني قومي قبل دوامك بساعه .. وشوفي وش عندك
وقت البريكات بالجامعه او انتظار المحاضره استغليـــــــــــــــــــــــــــــــــه وحتى بالسيارة الصباح و أنتي راجعة .. يعني حاولي ما ترجعين البيت الا مخلصه أكثر من 60% من دراستك وهذا الي كنت أسويه أيام الجامعه مع أني مو متزوجة

2- بيتك : تعودي قبل تنامين تشيلين الزبايل وانتي بكرامه وتشيلين كل شيء ع الارض وذا ع السريع .. ومسح سريع للأسطح وكنس .. طاولة الاكل وطاولة الجلوس وهالاشياء .. و الاشياء الي بشكل يومي تستخدم واشطفي حمامكم الي تستخدمونه ع السريع .. كله ماياخذ نص ساعة ! هذا بشكل يومي !
بالويكند خوذي خدامة اهلك تنظف لك تنظيف عميق شوي .. كنس وتمسيح وتبعد الكنبات وتمسح وراها والحمامات تنظفها زين ...
نجي لـ غسيل الملابس + الطبخ ..
الويكند يوم الخميس خليه كله لكـ ولزوجك .. الجمعه بعد . . السبت اصحي الصباح بدري شوي .. على 9 تقريبا افطري و غسلي ملابسك قبل الظهر وخلصيهم !
ريحي الظهر ساعه , وقومي ذاكري وشوفي دروسك وحاولي تخلصين حق الاسبوع كله !
العصر أو المغرب روحي تقضي لـ بيتك ! .. بعد التقضي قطعي وفرزني ونظفي كل شيء !
على سبيل المثال الدجاجه تجي كاملة ؟ نظفيها وقطعيها نص وكل نص بكيس ! بس تطلعيها تفك !
صدور الدجاج قطعيها حسب احتياجك شي صغار للمكرونات و كذا وشيء كبير للكودو والساندوشات ..
البصل قصصي حق يومين ثلاثه !
الجزر ابشريه وحطيه بالفريزر , الكشنه فرزنيها بعد و ريحي راسك !
فيه قدر الطبخ عند السيف تحطي فيه الطبخه وتحددي متى وقت تبدا تطبخ جدا عملي و حلو .. اشتريه ووقتيه كل يوم قبل رجعتك بـ نص ساعه ! او ربع ساعه !
لما تطبخي العشا بالليل جهزي معاه حق الغدا ! او العكس لما تطبخي الغدا جهزي العشا
ع سبيل المثال الغدا رز وسلطه والعشاء كودو ؟ طلعي صدور الدجاج حطيها بالثلاجة وانتي تقطعي السلطة قطعي خضار الكودو وحطيها بعلبه وبالثلاجه .. الخس والفلفل البارد والبصل .. بتوفر لك وقت وحتى بدال ما تغسلي لوح التقطيع مرتين يصير مره وحده ..
اليوم الي يصير فيه دوامك طويل جهزي غداك من الليل .. سوي مكرونه باشميل مثلا كاملة وغلفيها دخليها الثلاجة بس ترجعي من الدوام دخليها الفرن ! تغدي و ريحي ساعه !
3- زوجك ! لازم تفهميه انها فتره و تعدي وانك بتعوضيه قد ما تقدرين وانك مقدره له وقفته جنبك ومساندته لك بهالفترة الصعبه وانو لولاه ما تدرين شتسوين ..
المدح والثناء له بتخليه يحس ويقدر خصصي وقت تكونين معه مثل المغرب يوميا .. للعشاء جلسه وسوالف و قهوة .. ونامي معه لاتخلينه ينام لحاله !
4- نفسك .. لاتنسينها .. استغلي وقت طلعه زوجك بس

انت احسن مني، انا تزوجت و كنت موظفة و بنفس الوقت بدرس و حامل
كنت الصبح روح عالشغل و الظهريات فورا من الشغل عالجامعة ارجع عالبيت 7 المغرب و اكون ميتة نعس من الحمل مرات كنت اطبخ شغلات سريعة، بطاطا مقلية، جاج، معكرونة،مجدرة او نطلع برا ناكل و مرات كانت امي تبعت اكل
بعدين بطلت شغل و ساويت دوامي بالجامعة صباحي و تفرغت شوي للبيت
بس الحمدلله انها كانت سنة و بس يعني هلا تخرجت اما انت الله يعينك لسا باقي سنتين ، لازم تعودي زوجك يساعدك حتى لو مو دايما بس مرات بتطلع حلوة.