مسا الخير
كيف الجميع بدون استثناء
ام نور كيفك وكيف الامورات والله
المشاوير بهالشوب صعبة شوي
هيديك اليوم طلعنا مشوار كنا رايحين صوب هولندا نتغدى سمك رجعنا من نص الطريق
بس مخططين كم رحلة قبل رمضان ان الله راد.

يا بنات صدمتوني معقولة ما بتعرفوا اللبن بألمانيا؟
والله ما بيفضى من البراد عندي
والله لهجتنا نحنا اهل بلاد الشام: لبنان وسوريا والاردن وفلسطين
أظبط شيء ههههههههههههه
متل ما قلتي يا ام نور اللبن لبن والحليب حليب
ذكرتيني بأول ما جيت المانيا صرت فلاحة عالآخر
اغلي ليتران حليب وبس يفتروا كنت روبهم بس مش كتير لبن يعني كباية زغيرة لبن تبع الليدل ل2 ليتر
وتاني يوم ارجع حطهم بكيس يصفوا اعملهم لبنة
يومها زوجي قال لي ما ناقص الا جبلك بقرة تحلبي منها الحليب. ههههه
كانت ايام مع انه بعمري ما بعرف هالشغلات لما كنا بلبنان
بعدان لقيت لبن كامل الدسم جامد كتير شغل الاتراك، هلا بشتريه وبصفيه بكيس قماش ليصير لبنة.
butter milch ما حبيته قريب عالعيران.

بنت لبنان صحيح
شو اسمها الزغرورة الله يحميها.

بنات تجمعنا دمج مع موضوع لأخت أنا راسلت المشرفه وإن شاء الله بيشوفوا الخطأ ويرجع التجمع مثل أول

ايش صار التجمع تغير اسمه ولا انا غلطانه؟؟؟

مساء الخير كيفكم جميعا بشوف السيرة مفتوحة عاللبن والحليب ماشاءالله عليكي يا ام نور شطورة بتروبي اللبن في البيت والله انا مليش خلق اعمل هيك شغلات بقول مهو موجود ليش اتعب حالي بس نفسي اعمل اللبنة اللي عندها طريقة مزبوطة تعطيني اياها وبعدين من وين بتجيبوا الكيس اللي بتصفوا فيه المية حابة اعملها قبل رمضان

ربوش كيفك شو على وين مخططين تروحوا بدي اغش منك هههههههههههه احنا ان شاءالله ناويين نروح كم يوم على هولندا وبلجيكا قريبين علينا

الام الحنونة انا فلسطينية والمدينة اللي انا فيها بون

سارة طلعتي بلدياتنا انا كمان من غزة اهلا وسهلا فيكي

موني منورة والكيك بيشهي

ليبية انتي من وين في ليبيا انا اختي هناك

بيهايند وكلارا شو اخباركم وين مش مبينين

جيزانية مزبوط حتى انا فكرت انهم مسكرين التجمع خفت بس ان شاءالله يزبطوه الام الحنونة راسلتهم