صباح الخير
تسلمي ام نور يا عيني على الاحمر ياهيك الالوان يا اما بلا ههههه
صحتين على المتبل انا والله المحمرة ما بشيلها من البراد ودائما بعملها عن كم يوم لانه لازم مع الافطار بس ما بعملها حارة كتير حتى نقدر ناكلها
اهلين احساس والله انا استغربت لانه بعرف عقلهم صعب مشان اجازات المدارس على كل الحمد لله تيسرت وان شاء الله توصلوا بالسلامة
بتعرفي لما شفت مدينتك اجتني الضحكة واتذكرت كلام الالمان كل ما بيشوفو حدا عربي بيفكروا انه بلاده صحراء وانه ما في طبيعة في بلادنا
كيفك بلو طريقة المحاشى شفتها مرة احمد السيد بيعملها وجربتها بس الله لا يرويك الفليفلة والبطاطا ما حدا اكلهم والباذنجان انا انبليت باكله بطلت ساويها صرت احشى اللي بيحبوه وبس حتى ما اتعذب على الفاضي
نحن بسورية بنعمل محشى الجزر بتعملوه شى انتو ( جزر احمر)
كيفك جيزانية ما على قلبك شر طمنينا عنك
باقي الصبايا وين مختفيات ربوش وموني وبيهاند .........

صباح الخير يا صبايا كيفكم
هيني هون يا كلارا كيفك و كيف بنتك هلأ ان شالله احسن
يا بنات يوم الاحد عندي عزومه محتاره شو اعمل اعطوني خيارات ... عازمه عائله مصريه لأول مره و مش عارفه شو ذوقهم بالاكل ... اختي اللي بالسعوديه ما نصحتني بالمنسف !!
بستنى ارائكم و خبرتكم !! عشان ابدا احضر !

تسلمي موني الحمد لله صارت احسن بقي بحة صغيرة بصوتها
ليه ما بتجربي الكبة يمكن المصريين بيحبوا الكبة وبيسمعوا فيها انها طيبة كتير
او نحن عندنا وجبة رئيسية بنعملها سهلة وطيبة رز وفريكة وعليهم فروج ولحمة

السلام عليكم
جيزانية المفروض تكوني مبسوطة علشان قرب سفرك الله يسهلك امورك ان شاءالله

موني كيفك اعملي ورق عنب وشيش طاووق شكله بيكون كثير حلو عالسفرة ودجاج مشوي واحشيه رز او بصل زي ما بتحبي ورز بالخلطة وشوربة وفتوش ومخللات والحلو اعملي كنافة او قطايف ان شاءالله يكون عجبك اقتراحي:)

كلارا عاد انا بحب محشي الباذنجان اكثر من الكوسى وغالبا انا اللي باكله :)ومحشي الجزر بنعمله كثير زاكي بس هان طبعا مش موجود الجزر

ام نور القطايف لازم تحطي عليها سمنة قبل ما تدخليها الفرن يعني على كل حبة قطايف ملعقة سمنة واذا بدك اقليها انا بقليها بتطلع زاكية كثير