صباح الخير
كيف الجميع شو اخباركن
ام نور الله يوفقك بالامتحان يا رب
خبرينا شو بيصير معك.

اليوم حديثكن عن الباتنجان والله انا كمان بحبه كتير
انا بحبه بلحمة منسميه شيخ المحشي
منقطع الباتنجان قطع سميكة وطويلة شوي ومنقليه وبعدان منضيف عليه البهارات ورب البندورة ومنغليهم شوي ومنفلفل حده رز بشعيرية.
وممكن نعمله بلبن مع توم ونعناع.
المسقعة ما بحبا لان بزيت ما بحب أكل الزيت.
صبايا امبارح عملت لحمة بعجين شو طلعوا بيعقدوا
شوفوا الصورة
هيدا لحمة بعجين طرابلسي نحنا الطرابلسيين مشهورين فيه:

امممممممم تسلم ايديكي

صباحو موني كيفك وكيف الاولاد
شوفي طريقة اللحم بعجين كتير سهلة
اشتري باكيت عجينة رقاقات blater teig بتلاقيها بالتلاجات انا بجيبها من Edeka
انا بعملها نظريا رح اعطيكي مقادير تقريبا
حسب ما تحبي البصل كتير او قليل باللحمة
3 بصلات كبار، 300 غرام لحمة مفرومة، بهار حسب الرغبة، ملح، حوالي 4 ملاعق كبار دبس رمان، 5 ملاعق كبار طحينة. بقدونس مفروم (اختياري) حوالي صحن زغير.

افرمي البصل ناعم وقلبيه بحوالي معلقتين السمنة عالنار قبل ما تدبل البصلة بشوي ضيفي البقدونس واللحمة المفرومة وقلبيهم منيح بعدان ضيفي البهار الاسود والطحينة والدبس الرمان وخطليهم منيح.
جيبي العجينة قطعيها مربعات ورقي كل عجينة شوي زغيرة بالطول والعرض حتى تكبر مش كتير وبعدان حطي الخلطة وصفيهم بالصواني. ممكن تضيفي الصنوير مع القلي او ترشي عالوش قبل ما تدخليهم الفرن. حرارة 200 بنص الفرن حوالي 10 دقايق
لازم تراقبيهم بس ياخدو لون خفيف سحبيهم من الفرن.
قدمي معهم نعناع اخضر، حامض، او كبيس.
رح فرجيكي صورة قبل ما دخلوا الفرن:

تسلميلي يا رب رح اعملها اليوم ان شالله
انا الحمد لله تمام والاولاد هيهم بيلعبوا على الكمبيوتر !! انتي شو عامله كيف اولادك هلاء ان شالله صحتهم منيحه صارت

صحتان وهنا ان شاء الله.
اه والله الحمدلله، صاروا احسن.
والله ابني مهووس بالكمبيوتر، مستلمه بيخانقني بس اقعد شوي
اوقات بيشيل شرايط الكهربا كلها حتى ما يلعب كتير.
كيف رمضان معك ان شاء الله ما عاد نزل ضغطك.