rabbouche :

سلامات يا حلوين كيفكن تسلموا يا رب موني وبلو سكاي وليبية ذهبية وكلارا بلو والله كل ما اعجن العجينة بتذكرك الله يجزيكي الخير. موني كيفك الكرابيج قصدك يلي بيحطوا معه ناطف الحلاوة؟؟ ولا مرة مجربته بس كان في كتاب حلويات عند أهلي في وصفة متل يلي رح اعطيكي اياها http://lovely0smile.com/Msg-606.html واليوم كمان بسألك الشيف وبس يكتب الطريقة بعطيكي اياها. اهلا ليبية خدي عجينة القطايف علمتني اياها بلو سكاي: 2 كوب طحين - كوب سميد -- ملعقتين زغار بكينج باودر (back pulver) اسمه بالالماني - فانيليا - ملعقة زغيرة خميرة - شوية سكر - 3 ونص اكواب ماء - اخلطيهم مع بعض كلهم سوا واتركيهم يتخمروا حوالي الساعة وبعدان شغلي عينة الفرن حوالي دقيقتين لتحمى مش تبع الشوي العادي من فوق بعدان حطي المقلة كمان حميها حوالي دقيقتين وبعدان نزلي منهم شوي بالمقلة حسب الحجم يلي بدك فيكي تكبري وتزغري استعملي كفكيرة (مغرفة) ما بعرف شو بتسموها بالليبي. اهلا كلارا كيفك، صحيح الاكلات متشابهة كتير بين لبنان وسوريا بس الا ما تفرق شوي هلآ يمكن بالضيع او الجنوب تكون مشهورة ما بعرف. ليكي عم اسمع كتير عن المحمرة برمضان اكتبيلي الطريقة بالتفصيل الممل نفسي جربها، برمت عليها بالنت بس ما عجبتني أكيد من ايديك غير. كلارا انا قريت تجربتك في تعليم الالمانية عجبتني، اصلا انا بالبداية تقريبا بلشت متلك فوّت الدفتر معي عالمطبخ واقرا بالاخر كسلت بس هلآ كلني حماس، والله اذا ما حكيت اللغة مظبوط بحس حالي وحدة غبية وجاهلة، اذا بدي قيس كيف كنت عايشة بلبنان ووضعي هلآ فرق كبير. قبل ما اتزوج كنت موظفة وعندي سيارة وعايشة حياتي متل ما بيقولوا بالطول والعرض بعدان انخطبت فترة قصيرة وتركت الشغل وجيت عروس عالمانيا دغري. انقلبت حياتي 360 درجة.

سلامات يا حلوين كيفكن تسلموا يا رب موني وبلو سكاي وليبية ذهبية وكلارا بلو والله كل ما اعجن...

rabbouche :

سلامات يا حلوين كيفكن تسلموا يا رب موني وبلو سكاي وليبية ذهبية وكلارا بلو والله كل ما اعجن العجينة بتذكرك الله يجزيكي الخير. موني كيفك الكرابيج قصدك يلي بيحطوا معه ناطف الحلاوة؟؟ ولا مرة مجربته بس كان في كتاب حلويات عند أهلي في وصفة متل يلي رح اعطيكي اياها http://lovely0smile.com/Msg-606.html واليوم كمان بسألك الشيف وبس يكتب الطريقة بعطيكي اياها. اهلا ليبية خدي عجينة القطايف علمتني اياها بلو سكاي: 2 كوب طحين - كوب سميد -- ملعقتين زغار بكينج باودر (back pulver) اسمه بالالماني - فانيليا - ملعقة زغيرة خميرة - شوية سكر - 3 ونص اكواب ماء - اخلطيهم مع بعض كلهم سوا واتركيهم يتخمروا حوالي الساعة وبعدان شغلي عينة الفرن حوالي دقيقتين لتحمى مش تبع الشوي العادي من فوق بعدان حطي المقلة كمان حميها حوالي دقيقتين وبعدان نزلي منهم شوي بالمقلة حسب الحجم يلي بدك فيكي تكبري وتزغري استعملي كفكيرة (مغرفة) ما بعرف شو بتسموها بالليبي. اهلا كلارا كيفك، صحيح الاكلات متشابهة كتير بين لبنان وسوريا بس الا ما تفرق شوي هلآ يمكن بالضيع او الجنوب تكون مشهورة ما بعرف. ليكي عم اسمع كتير عن المحمرة برمضان اكتبيلي الطريقة بالتفصيل الممل نفسي جربها، برمت عليها بالنت بس ما عجبتني أكيد من ايديك غير. كلارا انا قريت تجربتك في تعليم الالمانية عجبتني، اصلا انا بالبداية تقريبا بلشت متلك فوّت الدفتر معي عالمطبخ واقرا بالاخر كسلت بس هلآ كلني حماس، والله اذا ما حكيت اللغة مظبوط بحس حالي وحدة غبية وجاهلة، اذا بدي قيس كيف كنت عايشة بلبنان ووضعي هلآ فرق كبير. قبل ما اتزوج كنت موظفة وعندي سيارة وعايشة حياتي متل ما بيقولوا بالطول والعرض بعدان انخطبت فترة قصيرة وتركت الشغل وجيت عروس عالمانيا دغري. انقلبت حياتي 360 درجة.

سلامات يا حلوين كيفكن تسلموا يا رب موني وبلو سكاي وليبية ذهبية وكلارا بلو والله كل ما اعجن...