السلام عليكم بنات كيفكم وكل عام وانتوا بخير العيد الجمعة في السعودية ومعظم الدول العربية
بيهايند معلش والله هلقيت لسة فتحت كنت مشغولة اليوم عملت كعك وبكرة ناوية اعمل معمول ان شاءالله
شوفي في مطعم اسمه chicken for you الصراحة احسن الموجود بيعمل جاج مشوي زاكي موجود في شارع koblenzer strasse لانه مطعم ابو الحكم هذا مش زاكي رحناله وحرمنا نرجع ثاني والباقي مطاعم صغيرة ما اعتقدش تنفع للعائلة عاد انا بدي اسالك عن مطعم تركي يكون اكله زاكي في كولن لانه يمكن نروح اول يوم العيد نتغذى هناك

اهلين بلو ,مش مشكله هي زوجي راح يجيب اكل من مطعم تركي ,ويابختك بتعملي كعك ,زوجي ومريم كتير بيحبوه بس ماادرت اعمل هدا العيد ,يلا معلش ملحوقه عالعيد الكبير ,مع اني كسوله وباهمل هم تعبوا ,وبالنسبه للمطاعم التركيه في شارع في كولن مشهور كله مطاعم تركيه وهو الي كنت ساكنه فيه اسمه keup straße ومعظم المطاعم الي فيه زي بعض ,بس يجي زوجي باقولك اسم واحد فيهم ,ابل يومين روحنا مطعم فيهم كان مليان مافي ولا كرسي فاضي وعجقه وعالم كتير بس حلو منظهرهم وهما بيفطروا بعض الصيام زكرنا ببلادنا ,وهما اكلهم متشابه وكله مشوي علي الفحم ,وفيه البيتزا التركيه هي زي نظام لحم علي عجين زاكيه بتعجبني ,وانتبهي انوا الكياب الي عندهم بيكون حراق كله فلفل بس برضه زاكي بس بيختلف عن الكباب الي عنا ,عملتلك قصه ودوشتك ,وفي مطعم اسمه السلام فلسطيني حلو وراقي بس مشكلته انه بيبيع خمور وهو اغلي شوي من المطاعم التانيه بس بصراحه ارتب كتير وبيعمل معظنم الاكل اللبناني والسوري والفلسطيني بس ما تطلبي من عنده مشاوي لانها عينات ههههه ,يعتي زي نظام مطاعمنا في غزة بس انه اصغر شويه وفي مطعم لبناني امبارح جبنا منه ماشي حاله وانتي شوفي وين بدك ,ياريت كان بيتنا جاهز كان اجيتي عندي وعيدنا سوا ودوقتك احلي اكل
طيب هلا انا مافهمت انه بكره احنا نعيد ولا كيف

بيهايند تسلمي حبيبتي كفيتي ووفيتي والله حتى انا بدي اقولك اذا جيتوا على بون عالعيد تتفضلوا عنا والله بتشرفونا وعلشان تاكلوا كعك ومعمول كمان
العيد يوم الجمعة ان شاءالله هيك احسن علشان الاجازة تكون جمعة وسبت وأحد وكل عام وانتوا بخير

أم جود والله الحبيبه حتا مشغوله لفوق راسي راجلي معتكف الشغل كله عليا من بنات وشريان وكلشي معليش
شوفي أنتي ممكن من المغرب تقدمي للقنصليه طلب منعرفش سميته سوليهم يعني جمع الزوجين ولا شي حاجه بحال هكدا وزوجك يقدم نفسها هنا في ألمانيا وهل هو كياخد فلس من السوسيال إيلا كان الا قدميه وحاولي إلا أمكن غيروا المحامي لأنهم تيكونوا بعد المرات مشايفينش شغلهم مزيان الله يجمعك مع زوجك يارب قولي ليا راجلك مغربي
البنات كيفكم ياأحلى الكائنات خخخخ شعر مشتاقه لكم كلكم بس والله بعد هالإعتكاف لزوجي خلاني بس وحدي علي كل شي بس الحمد لله ميسره اليوم سويت بسكويت للعيد وكرات البسكويت بتجنن خدتها من منتدى الحلويات سهله جدا والطعم حكايه بحط لكم الروابط ممكن تفيدكم
http://forum.hawaaworld.com/showthread.php?t=2581394

http://forum.hawaaworld.com/showthread.php?t=1601131

الام الحنونة الله يعطيكي العافية وكل عام وانتي بخير شكل كرات البسكويت حلو كثير وطريقتها سهلة ان شاءالله راح اعملها