أهلا بنات بشوف كل وحده فيكم تقول ولادي وهالمجتمع بس الصراحه مين حطهم في هالمواقف إنتم الصراحه كل واحد فينا عنده فرصه يطلع من البلد ديه ويربيهم في مجتمع عربي ديني ماتقولوا والله في بلادنا مافي دين وفيهم وفيهم أقول بصراحه بيظلوا مليون مره أحسن من هنا مثلا الفرقان إنتي من سوريا مو وعندكم الإقامه يعني عادي إنزلي بولادك لبلدك إنتي وزوجك يدور شغل يفتح مشروع المهم تعيشوا مستورين ومنها أولادك في مجتمع مثل مابدك أم نور كمان الأردن حلوه ليش مازوجك كمان يعمل كده أحسن لبناتك ليبيه أنا أسمع القدافي مدلع شعبه يعني مافي داعي بالمره الواحد يجي هنا
والله كانت فيه دموع كنت فاكره من فلسطين بس طلعت من اليمن جايه هنا ومتحملاهم راميينهم في جزيره ووو ليش اليمن مو بلد حرب ولا شي يعني ليش آجي اتشحطط هنا وبلدي عزه الله أعلم بحالها ممكن سبب ثاني بس لو كان بس كده السبب فليش ربووش والباقيين لكم نفس الكلام لنكون واقعيين اللي قاعد هنا بس منشان اليوروبس كلامي هدا بشيل منه الأخوات اللي مبتعثات مع أزواجهم لاتقولو تقدم ولا يحزانوه ماللي في بلادنا كمان عايشين وحبيبتي أمل وطن بما إنك هنا كتير فهدا يعني عندك الجنسيه أو الدايمه فممكن كمان تاخدي ولادك من هنا وروحي أي بلد عربي
تدرون مره زوجي قال لي اهل غزه في نعمه مونقمه كفايه مولودين وشرف الشهاده متاح بس أنا صرخت وقلت لا كيف وهما معذبين ووو بس لما تدينت أكتر فهمت هما كل ماصبروا وإحتسبوا ربنا بيعطيهم أكتر وإنه لو الكل خلى هناك مين بيدافع عنها وو
ماتزعلوا مني هادي الصراحه اللي بشوفها ولو تقولوا لي ماتقولي هالكلام لنفسك قلته والحمد الله الله ييسر لي أنا وزوجي باقي بس شوري ونروح الله يوفقنا

اهلين الام الحنونه ,اكيد كلامك مابيزعل بس ممكن بيدايق وبيفتح جروح علي ناس ,يعني اكيد كل واحده بيدور في عقلها الكلام الي حكتي بس كل وحده فينا عنا اكيد الظرف الي مخليها تاركه بلدها وجايه هون ,يعني انا بعرف ناس كتير خصوصا من مصر سوريا مرحلين من بلادهم ولو رجعوا عليهم احكام ,وفي ناس اكيد مالهم مصدر رزق وقصه مشروع اكيد مش بالسهوله الي انتي حكتيها ,لانه بجد بلادنا العربيه الله يعلم بحالها ,انا بعرف جماعه نزلوا بلدهم من شان يربوا اولادهم وتعالي شوفيهم كيف وضعهم بالويل يعني اقل شي هما هناك وبيصرف عليهم السوسيال امت ,لا وكمان كل مايجي بيصير يقول طعمونا لحمه نسينا طعمها ,طيب هدول باي جو وبيئه بدوا يربي اسرته ,اكيد اللوم مش علي ترك بلاده واكيد اللوم علي الحكومات الي جوعت شعوبها ,وبعدين الارض كلها لله والانسان لازم يسعي لرزقه باي مكان ,وماتنسي انه وجود المسلمين ضروره في بلاد اوروبا ,لانه شوفي كم من وحده اسلمت لانها تعرفت عاي مسلم وتزوجته وبعدين حبت الاسلام وصارت تدعي اخواتها وصحباتها للاسلام ووهدا كله اجا بطريق غير مباشر فما بالك لو كان في مؤسسات هدفها تعرف الاجانب بالاسلام وتعطيهم الصورة الصحيحه عن الاسلام ,
واكيد كل وحده فينا الها هدف او قصه معينه وانا عني هدفي اني اخد الجنسيه واطلع من هالبلد ان شاء الله ,واكيد السبب مش الحرب الي في غزه مع انه اكيد مافي ام بتتمني لاولادها يعيشوا تحت القصف والصواريخ والي مجرب الاشي مش زي الي سامعه ,بس احنا سبب سعينا للجنسيه للاسف برضه حكامنا العرب الي صار السفر علي زمنهم امنيه نتمناها ونطلبها ,ومن غير جنسيه ماتكون فلسطينبه ما بتقدر تتطلع من فلسطين لاي سبب ,وطبعا مافي مراعاه لا لمرض ولا لاي سبب اخر ,فبالله ادا ربنا يسرها الك ,ما تلومينا وادعيلهم جميعا انه الله ييسر لهم ,وبدل ما نشكي الوضع الي وصلنا له الصحيح انه نحاول نتعايش مع الجو الي محيط فينا ونحاول نربي اولادنا التربيه الصحيحه باي مكان ووزمان

حبيبتي الام الحنون طبعا رايك منطقي بس بدي تحكيه بعد ما تروحي مصر بسنه بدنا تفوتي وتحكيلنا نفس الكلام
انتي ان شاء الله ما بتغيري رايك والله الي من فلسطين معذررين طبعا ومجبورين يهجو من بلادهم مش بخاطرهم الله يعينهم
ما حدا بتحمل الي بعانو ه الله ينصرهم ويثبتهم
انا كنت اقول زيك بدي اعوف كل شي هون وروح وافل ببناتي بس لما تروحي بتلاقي الوضع عنا من الناحيه الاخلاقيه بشبه هون كثير او شوي ازفت
بس الفرق هون اجتماعيا افضل وامان اكثر من ناحية اذا الاب مرض او بطل شغل في اربايت لوس غلد او
شوؤن اجتماعيه بضل مش قلقان على اولاده وعيلته مثل عنا يا ما معاقين بشحدو بالشارع
هون لا انا قصدي لو القوانين الي عنا تتبع ما يرضي الله كان برضى الواحد بالي الله قاسمه لكن كله استبداد وظلم
انا من ناحيتي لو صحلي بكرا بروح

الغالية الام الحنون وانت كذلك
صدقتي بكل كلمه قلتها
وصحيح في بلادنا اصبح في امور اصبحت بعيده عن الاسلام وعاداتنا وتقاليدنا ولكن بظل الاغلبيه او التيار معاكس وهم الشواذ والاسلام هو الاصل بعكس في بلاد الغرب تماما فالتيار هو ضد العادات والاسلام
وصدقيني يا غاليه لو اني احمل الجنسيه لعدت الى بلدي ولو عشت انا وزوجي على الخبز والملح
وكما قالت الغاليه مون الجنسيه ضرورة ملحه لنا كفلسطينين لأن الوثيقه التي نحملها عار في بلاد العرب ما بسمحو النا بالدخول الى بعد الف سين وجيم واخر الناس وكأنك مجرم عامل جريمه والحمدلله على كل شي
اولادي الحمدلله اخذو الجنسيه وبنتظر هلا زوجي وانا وان شاء الله يارب قدمنا المعامله ويارب تفرجها علينا دعواتكم واذا الله راد وحصلتها والنيه موجوده اذا مو صيف السنه الجاي السنه الي بعدها على الاكيد اذا شاء المولى
وربنا يفرجها علبنا جميعا ان شاء الله ويحفظ اولادنا من كل سوء

لالا يا الام الحنونة كلامك مو منطقي ابدا وماتوقعت هيك يعني متل ماقالو مين رماك على المر غير الامر
كل وحدة الها ظروف وقاعدة هون حتى لو مشان اليورو متل ماقلتي يعتبرهدف وسعي في تحصيل الرزق اللي ماقدرنا نوفره ببلدنا
وهاد كلو باجر لاتنسي البعد عن الاهل والغربة الها ثواب عند الله
بعدين كانك مابتعرفي دولنا العربية والعيشة فيها ؟؟؟!!!!!
زوجي مهندس مكانيك يعادل ماجستير امريكي ولهلا مالاقى شغل بسوريا ولسى ماقطعنا الامل الواحد بشتغل هون مشان يفتح مشروع ببلده لحالو يعني اقل شي يكون عنده راس مال
بوالنسبة للاولاد ياستي الترباية على صعوبتها هون بس احسن من هيك لاسباب
اولا الالمان نفسهن مادبين ومحترمين بعلموا هالشي بالمدارس فبكبر الولد وبتعلم الاحترام والانصات للي اكبر منو ماعدا مناهج التعليم فيها نشر وعي وبطلع الولد فعلا فهمان دراسته وبحبها مو بكرهها وكمان بتعلم
عدم السخرية من حدا او اقلال من قيمة حدا وماعندهن حقد الا النازيين
اضربلك مثال اديش بتصير خلافات بن الاهل والمعلمات بالمدرسة او الروضة وعادي بتمر عادي لو عنا بسوريا رح تحقد المعلمة على ابنك ليوم الدين وتحط عقلها بعقله جكر باهله وصارت كتير
ولا اذا اختلف شخص مع شخص ايده والضرب والسب والشتم لانو مافي قانون يردع هون بسترجي حدا يضرب حدا .امبارحة كنا بكار شتات اللي على الكاسة حكت جملة زوجي انزعج منها ورد عليها عادي رجعت حكت كلام فعلى صوته شوي ورد عليها فحست انو اخطات والحق عليها من الاول خلصنا حساب وضبت الاغراض وقالت شونس فوخن انده !!! بدك احسن من هيك ادب قارنيه ببلادنا انت !!
تاني شي متل ماقالت الانت بيهاند الواحد يخلي نيته انو يعرف الالمان بالاسلام ولولا وجود المسلمين هون ماكان انتشر الاسلام
فاعذريني كلامك بزعل شوي
بارك الله في غربتنا وجعلها في ميزان حسناتنا