بهايند

خوفتني من جد تسلمي على التوضيح بس هلا في حمل ان شاء الله بعد الولادة
وبالنبسة لابني تعرفي اني رح اخده على غير دكتور اول مرة اخدته على الماني حشاه وتمام ولهلا مافي الم تاني مرة ضرس تاني قلت خليني اجرب العربي وهي شغل العربي بعد يومين رجع الالم مابدي اتهمه يمكن المشكلة بالسن نفسه بس رح ارجع على الالماني ونشوف شو القصة
سبحان الله ماعمدي ثقة بالاطباء العرب هون مافي دكتور عربي او دكتورة عربية الا ويطلع شغلهن ناقص حاولت كتير ارجع الثقة بيني وبينهن بس مازبطت هههههه
طبعا في منهن ماشاء الله فعلا تفتخري انو عرب بس مو كتار قليلين
هاد برجعنا لموضوعنا الاساسي اللي عبنحكي عنو

ربوشة عزيزتي
حسيت من ردك زعلتي شوي
لاتزعلي وكلو نقاش وبنحاول نستفيد من بعض
الله ييسر امورك


امل الوطن
عجبتيني كتير لما رديتي عليه انو صار في صواريخ ههههههه برافوا عليك
هن من غبائهن بس يعرفوا اجنبي بفكروه مابيعرف لغة مارح يرد عليهن فبصيروا يحكو ا اللي بدهن اياه بتفاجاو انو فهمنا وممكن نرد عليهن
وطبعا الالمان معروفين عندهن عنصرية بس ببلادنا رح تعاني منها اكتر
وماحدا يفهم الكلام انو بندافع عنهن لاااااااااااااااا بس نحن زعلانين على الوضع اللي ببلادنا ونتمنى يصير احسن من هون لنقدر نرجع
بس ماعجبتيني لما دعيتي للحكام بمد العمر هههه قولي الله يحسن عملهن ويمد عمرهن


سبقنا قناة المستقلة هههههه
يالله بنات خلونا نغير السيرة اذا مافي مانع لانو موضوع حساس ويطول فيه النقاش
وهي وردة لكل وحدة :26:

الفرقان ,لا ان شاء الله مابيصير معك الا كل خير ,بعدين حبيبتي حتي لو حامل بالعكس المفروض في فتره الحمل اتابعي اكتر لانه انا ماتعبلي اسناني الا الحمل ,والدكتور بيشوف ادا في شي ضروري ممكن يعمله هلا لانه في بنج للحوامل ,او ممكن ياجل لانه هو الي بيقرر ,وانا ماحكتلك الا والله من بعد تجربتي لاني بجد كل شويه الي قصه في اسناني ولسه ابل كم من شهر عمله عمليه تالته بس هالمره بنج كامل وشلت ضروس العقل ,لانه بجد كل مانستني بيزيد الوضع وخصوصا علي الاسنان ,وبالنسبه للاطباء العرب والله الك حق وانا مجرب تنين والاول مابحكي الا الله يسامحه لعب في اسناني ولثتي وعمل عمليتين والله مالهم لازمه بس من شان الفلوس ووالله خربلي لثتي الاماميه شوفتي كيف وما بعرف ادا الوضع ممكن يتحسن لانه شال جزء من اللثه في العمليه حسبي الله ونعم الوكيل في وكتير مدايقه هلا منه ووان شاء بحاول ازبطها بس يتحسن الوضع شوي لانه هان التجميل اكيد بيكلف ,والطبيب التاني ايام العمليه نسي القطنه داخل الجرح اسبوعين وعملي التهاب واعدت اكتر من شهرين اعاني منه ,بس ما بدنا نفقد الامل فيهم اكيد في ناس ثقه فيهم

والله يا مون وفرقان نظريتكم بتأكد نظريتي في الاطباء العرب ربنا يهدي الجميع
ولو تشوفو المقلب الى اكلته على ادين طبيبه عربيه طبيبة نسائيه بعدني لحد هلا مهزوزة
سمعت انه طبيبه نسائيه عربيه محجبه وما الا ذلك حكيت بروح وبضل ابن جنسك افضل من غيره ورحت اول زياره وعملت الي فحص سرطان لعنق الرحم وما اهتميت للموضوع ما بعرف يعني هي ما اعطتني النتيجه وانا مشيت ونسيت بدون ما اسأل
بعد اسبوعين اجت رساله على البيت منها بتحكيلي انه الفحص طلع سلبي ولازم اعيد الفحص والله يا بنات دمي نشف وبتعرفو خيال الواحد بهيك امور لوين بروح وافكر في اولادي والي بدو يصير فيهم من بعدي وحالتي حاله
المهم عملت موعد ورحت اعمل الفحص على اساس المره اخد النتيجه وانا عندي خبرتني انه بعد 10 ايام رح ترسل النتيجه في البريد توقعت ممكن يكون فحص دقيق يعني لهيك بدو يتأخر
وطبعا الانتظار قاتل ومميت
انتظرت اسبوعين ولا نتيحه رجعت حكيت مع السكرتيره حكتلي الدكتوره مشغوله بترجع تحكي معك ويومين وانا انتظرها تحكي ما حكت رجعت حكيت معها ثالث بوم وانا على اعصابي والله اعلم بحالي
بتحكيلي الدكتوره انه العينه طلعت مو كافيه كانت وما بنقدر نتأكد من النتيجه بس النتيجه بعدها سلبيه وحددنا موعد ثالث لأخذ عينه وطبعا انتظار متل المره الي قبلها وبدل ال 10 ايام اكتر من اسبوعين
وفي الاخير الحمدلله يعني حكتلي انه الفحص سليم وبس شوي التهابات
وعلى رايكم كل اللعب بالأعصاب كرمال الفلوس لأنه العياده جديده بعدها وما عندها زبائن فحبت تلعب بأعصابنا شوي
الف سلامه عليك فرقان وانا من رأي ببيهايند انه لازم تروحي الدكتور حتى قبل الولاده وهو بتصرف اكيد بما يناسب وضعك
اما بيهاند والله قصتك حكايه يعني الله يعينك والله الي حاصل الك مو قليل وان شاء الله كله اجر الك

وه ياباكوته جهاد مره وحده الحين بيطبوا علي المخابرات هههه لا والله هو ناوي بس نروح هناك يعمل لنا شي عشان نعيش هناك الله ييسر يارب
أنا ماأنكر هون فيه إيجابيات بس الله ييسر لنا في مكان ثاني
بالنسبه للشباب اللي وده يهاجر ويرمي بنفسه في البحر والله أنا شفت نمادج في الواقع أكترهم يحلم بس أوروبا والفلوس يجي ناس من أوروبا السنه كلها كرف وشغل وفي الصيف ينزله بفلوس وسياره ووو ويتأنتكوا الشباب يشوفهم من هنا يفكروا بيلاقوا الفلوس في الشارع وهما ياللي ماله في دراسه وإلا اللي مافيه شغل وو شباب مثل الورد يرمي نفسه ويحزن ولاديه عشان حلم تافه الله يعين بس
والله ييسر لكل عباده بس والله مازعلت من كلمه كله له رأيه بس لو تريدون أنا الفرقان قالت نقفل النقاش وأخاف عليها دبتنا حامل مانريد لها تعصب
بس الفرقان شوفي موقع بيت هو كويس لزوجك ممكن يقدم فيه

كيفكن يا صبايا
ما لاحظتوا انكم بعدتوا عن الموضوع الاساسي اللي بدينا فيه يعني الفرقان سألت وبيهاند استفسرت وباكوته اقترحت والباقي اعطى اراء والله انها مفيدة وحلوة كتير
طيب وبالاخر سكرتوا الموضوع مع انه كتير كان ممكن نستفيد من اراء بعضنا البعض
لهيك ولاهميه االموضوع فتحت موضوع جديد وحابه اضيف مشاركاتكن فيه اذا سمحتوا واللي حابة تشارك ممكن تعطينا رايها فيه وانا برايي اي رأي هو مهم للغاية لاننا بحاجه اله
انا شخصيا عندي اسئلة كتير وحابة اطرحها وحابة استفيد بحكم وجود اولادي في الغربة
وممكن كمان المغتربات في امكنة تانية يفيدونا برايهم
ولكن مني خالص الشكر



تربية الاولاد في الغربة