أوف أوف ياموني نايمه كده هادي أكيد من بعد أكله دسمه قلتي خليني أرتاح بس أنا واقفه شامخه بس مابينتي ياجيزانيه ولا هداك الوقت كان عندكم وقت الراحه لأنه البطريق أكثر وقته راحه <<خخخخخخ
أم نور لا قصه ولا شي حبيبتي هو بس موضوع للنقاش أنا الصراحه ممكن تقولي من المداومين على الفلوماركت للألعاب للأطفال مثل ماقلتي فاراد أو شاوكلفيرد الحصان المتحرك وسيارات إلا الملابس لا وكمان الألعاب اللي بتكون من ثوب أو صوف يعني بس اللي بلاستيك وكده عشان سهل تعقيمها بس الصراحه أكتره ماركات ونظيفين كمان الأجهزه الكهربائيه مثل مضرب البيض ولا سافته وو لكن بشتري اللي تكون مثلا مولينكس أو تيفال لأنهم جديدين كتير غالي بس من الفلوماركت يعني بس كام يورو بس اللي يصدمني دايما اللي يبيعوا هالأغراض بيكونوا يعني شبه جديده أنا أغراضي بمحاولات وكل شي إلا ماتخرب ولا تتوسخ خخخخخ مافي شي بعد عشر سنين يبقى مثل ماهو كمان لعب الأطفال تلاقي بنتي ترميهم بكل مكان ممكن اللعب يكملوا معاها بس كام شهر خخخخ هو أنا بنتي مو طبيعيه ولا أولادهم اللي مثاليين خخخخ حتى بنت صاحبتي تلعب كإنها تحارب

جيزانية طولي بالك علي شوي الا اجيب صورتك مو انت رئيسة قطيع الدببة لسى مالاقيت صورة تناسبك هههههه
من جد ضحكتينا موني مسيكنة من الدراسة وطلب العلم ماعاد فيها حيل فحبت تريح شوي

ام نور
قولتك الصحة اهم شي بس مابتعرفي هسترت الحامل ههههه
قوليلي كيف صارت بنتك ومالو علاج ولا كيف؟
الله يشفيلك اياها


الام الحنونة
ياستي الفلو ماركت انا بيني وبينو عداوة سبحان الله مابقدر اشتري منو شي مع انو فيو شغلات بسمع انو ممكن تكون شبه جديدة ورخيصة بس عقدتي الوسوسة بالتعقيم فبريح راسي ومابجيب شي
مرة زوجي راح وجاب ماوس للكمبيوتر تعالي شوفي مسكتها ومسح ومسح وحبت المعقم وغلست وراها وخليت زوجي يغسل كمان ههههه مو بايدي هالسوسة زوجي نفسه رح يطق مني المسكين
ادعيلي الله يشفيني من هالسوسة:icon33:
انا بمشي وبشنتني معقم وطول الطريق قرارات لاتمسكوا هي وشيل ايدك وتعال مسح ايدك ولاتحط ايدك عقدت اللي عندي

واللي ببيع هالاغراض مو شرط تكون مطولة عندو متلنا عشر سنين هههه بنشتري الشغلة بتخلد عنا ومابنكبها لنهد حيلها ههههه
هن بكون ولادهن لعبوا فترة وملو فمخهن اقتصادي بروحوا يبيعوا
انا ولادي واحد من كتير مابحافظ على لعبته بقهرني بشتريلوا بلعلب شوي بروح بخبيها وخلص بضل مخباية لحتى اعصب واقله روح طلعاه والعب فيها بس ومابقدر ينام اذا العابة مو مكانها واحيانا ببكي تعالي ساعديني ارجعهن محلهن
اما التاني عكسه تمام مابنام الا يخرب كل العابه ويخربط الدنيا الله يستر التالت كيف رح يطلع
الله يحفظ جميع الاولاد زينة الحياة الدنيا والله لايحرم حدا

السلام عليكم صبايا
كيفكم جميعا

والله يا صبايا انا بخاف احط لولب ,الي متزوجه تقريبا تسع سنوات وماعمري جربته ,خايفه منه من بعيد ,غيرانه بسمع انه في نسبه حمل ممكن تصير حتى لوقليله ,اصله ماما حملت فيه وهي حاطه اللولب ,والحبوب ابدا مش متشجعه اخدها وزوجي كمان ماشجعني وكل شويه بيطلع كم تقرير يقول انها بتجيب امراض ,فانا مريحه راسي وماشيه تنطيم طبيعي بس ياخوفي يصير خربطه ,وقتها بجد ماينفع ندم
اما الصداع فاليوم احسن ,كانه الصداع كان لاني نمت كتير هههه يعني لاني متعوده بس انام سبع ساعات ووقبل يومين نمت بعد مارحوا اولادي المدارس تقريبا للساعه 12 الظهر ويومها برضه نمت من الساعه تمانيه المسا ,مش عارفه من وين اجاني الكسل كله ,فبقول يمكن من شان هيك صار معي صداع ,مره سمعت واحد بيحكي هيك بالتلفزيون ياكتر الي بيتفلسفوا علينا في التلفزيون واحنا بنحتار مين نصدق ومين لأ

المهم انا حابه اسالكم سؤال والي عارفه بس الحكم الشرعي تجاوبني لاني بجد محتاره ومش عارفه ,انا هلا بنتي الصغيره عمرها اربع سنوات ,ومش حايه هلا ابدا اجيب بيبيهات وصغار لاني بجد حاسه حالي مش اد تربايتهم ,فهل حرام اني ااجل لبعدين ,لاني سالت وقالوا في موضوع تنطيم النسل كتير بس ما اقتنعت ,يعني التحديد اكيد حرام ,لكن التنظيم اديش ممكن تطول الفتره ,لانه سمعت انه حمله وفصاله في عامين ,وقال بس هاي الفتره ,يعني سنتين بالكتير سنتين ونص ,طيب متلا الي زي تزوجت صغيره هو مش كتيره صغيره بس انا شايفه انه كنت صغيره ,يعني عشرين سنه ,وماشاء الله مالحقت اتزوج الا حامل علي طول علي شو منكون مستعجلين ,المهم يعني بجد الوحده مابتتهني بحياتها علي طول حمل واطفال وكله تعب ومسئوليه طيب هلا بنتي شويه كبرت وحابه ارتاح شويه واهتم في اولادي اكيد مش غلط ,لكن لما اسال الحكم الشرعي بيصير يحكوا انه لأ هاي الفتره بتكفي ,يعني هلأ انا بكون محاسبه ,وللعلم انا عمري 28 ونص او اكتر شويه ,يعني انه لسه معي فتره للقصص الحمل والميلاد ,بالعكس لو جبت هلا وبعدين اكتفيت وقلت خلص وقتها بيكون حرام صح ,اما ادا اجلت شي خمس سنين وبعدها حملت بيكون الوضع عادي ,والله عني مكتفيه بس من شان قصه تحديد انه حرام فبخاف ,شو طولت عليكم بالحكي واللف ,بس حبيت اشرحلكم راي من الموضوع

اما الفلو ماركت ,انا برضه مارحته ابدا ولا اشتريت منه ,في بيتي الاول اشتريت الاتات من محلات سكندهاند ,بس معظم الاجهزه الكهربائيه باشتريها جديده لانه بتكون معها الجرانتيه ,اما الفلو ماركت فانتي وحظك يعني بتكون بدون جرانتيه والي سمعته كمان انه مابتقدري تجربي الجهاز عنده كمان يعني بتشتري وانتي ونصيبك يابشتغل يا لأ ,واما العاب الاطفال برضه معظمها جديد وطبعا اولادي ايدا ابدا ما بيحافظوا علي العابهم مع انه الالعاب هان وضعها كتير ممتاز يعني صعب لتخرب ,بس برضه دايما الالعاب مرميه ووتتوسخ ,بس احيانا ادا صار في الكندرجارتن عندهم بازار للاطفال ,باشتريلهم العاب وخصوصا البازل .لاني اولادي بيركبوها كم من مره وبعدين كل قطعه في بلد ,فبشتربها رخيصه لحتي مااتدايق لما تضيع من تاني اسبوع

بيهايند
انا متلك لاعمري حطيت لولب ولابفكر احطه بخاف منو لانو بسبب نزيف بالدورة او كم شهر ليتعود الجسم واذا ماتعود رح تنجبري تشيله وانا اصلا دورتي ماساة فبخاف منو وكمان امي حملت وهي حاطتته والحبوب راي من رايك كلها امراض
ضل عندك حلين يا اما تحسبي ايام التبويض وزيدي يومين من عندك اضمن وخاصة اذا دورتك منتظمة فلاتخافي ان شاء الله والحل التاني بتعرفيه

اما سؤالك الشرعي والله الحال من بعضه بضل افكر ليكون حرام وليكون علي اثم وبقول لزوجي الله قال لاتلهكم اولادكم عن ذكر الله وانا اولادي عبتلهيني عن ذكر الله فمشان هيك رح ااجل ... !!! برجع بقرا بالنت بقولوا التاجيل بس اذا في خطر على صحة المراة او صحيا مو قادرة تحمل هلا بس مجرد ما رجعت صحتها ماضل عذر
يعني شي بدوخ الله يعطينا على قد نيتنا والله شي بحير يعني معقول نضل نحمل ونجيب ولاد لتقطعنا الدورة هيك بصير كومة ولاد كيف رح نربي ونصبر عليهن وخاصة هون بالغربة لحالنا
الله يهدينا للصواب يارب
بس انا مابقول انو خلص مابدي بخاف الله يعاقبني بقول الله يكتب اللي فيه الخير
بستغرب من نسوان بقولولك خلص ماعاد بدي اللي عندي وبكفي
في وحدة ربطت الرحم عندها بعد ماجابت 4 ولاد مابعرف شالت الرحم المهم يعني مستحيل تحمل مرة تانية
سبحان الله ولادها ال4 عبقطعوا الشارع ماتوا كلهن ... طبعا على ذمة الراوي هيك سمعت انا والله اعلم
نفس الوقت انت فكري انو ان شاء الله بعد طول عمر وحسن عمل الاحسن يدعولك 2 ويصلك الدعاء والا يدعولك مثلا 6 او اكتر
انا طبعي بحب يكون عندي ولاد كتير مشان لما اعجز ان الله احياينا دايما يكون في حدا حواليي بخاف اضل لحالي ههههههه
نحن ماشاء الله 8 اخوات واخوة هلا ما احلا هيك اذا اختي هي مشغولة بتكون التانية فاضية اذا اخوي مو موجود بكون التان ياو التالت واذا اجتمعنا بتكون جلسة حلوة كتير بقى قولي كيف امهاتنا ربونا وماكان عندهن كل هالتطورات غسالة اتومتيك وجلاية وسيارة وغيرو
دوختك معي صح هههههه
بس هذا مافي جعبتي ننتظر مافي جعبة الاخرين