مسا الورد ربوشه
شكلي طلعت قبل ما اشوف مشاركتك
والله عن جد اشي بوجع اته عرب ومن نفس البلد ولاحتى سلام ... اشي عجيب ...
هو زي ما حكيتي جنه بلا ناس ما بينداس بس وين اذا في اشكال زي اللي بعمارتك ههههههه
صح الصداقه حلوه بس ابدا مش سهله مره قرأت يمكن يمر العمر كله عشان تلاقي الصديق الحقيقي بمعنى الكلمه !!

كلارا عفوا فهمتيني غلط انا مقتنعه لانه المصطلحات اللي وصفتي فيه اشكال الصداقه موجوده .... بس هاي صداقة الدود هلأ لاقتنعت فيها طبعا بعد ما قريت قصتك مرتين عشان افهم هههههههه بس هدا الشكل بصراحه لسه ما مر علي
بس بصراحه انا اللي مر علي الصداقه اللي مخبايه تحت جلد حيه ... بس ما اكتشفتها الا بعد 7 سنيين !!!!

موني مساء الخير كيفك شايفاكي اون لاين
على قولتك هو اكيد صعب انك تضلي بدون اصدقاء في الغربة العلاقات الاجتماعية ضرورية وخصوصا كمان علشان الاولاد بس الاهم تلاقي الناس اللي تتعاملي معهم وانتي مرتاحة ومطمئنة
ربوش كيفك والله عنجد صعبة كيف هيك جيران واهل بلد ويكون هالجفاء بينكم بقولكم العرب في الغربة مش قلب واحد وما بيحبوا الخير لبعض الا من رحم الله ربنا يصلح حالنا

موني كلارا قصدها انه مثلا بتكوني مصاحبة ثنتين وهذول الثنتين ما بيعرفوا بعض وبيتعرفوا على بعض بواسطتك وبعدين بيروحوا يتصاحبوا علشان يكيدوكي :39:

مسا الخير موني
ولا يهمك انا مسميتها صداقة الدود لانه ما بيمشى الحال الا اذا شرب الصديق دوا الدود هههههههههههههه
بس 7 سنين و الله كتير كتير اكيد كانت الصدمة كبيرة ومؤلمة لانه حسب قناعتي بكبر مدة الصداقة بيكون حجم الالم مع لاكتشاف بعدم وجودها
اما ربوش فيا حبيبتي عندي منه
مو نفس العمار ة نفس الشارع ست ولا كل الستات ..ما بتحب حتى ترمي السلام مع انه دينا افشاء السلام
وعندها اولاد من جيل اولادي بيسلمو على الولاد وهي يا لطيف مع انها عربية بس ...