كوبونات الراقية تسجيل الدخول

ام نور واسراء
ام نور واسراء •
صباحكو فل وياسمين
ربوش اذا ما سالنا عن الحلوين عن مين نسال
طبعا الكل حلوين
كلارا الله يخليلك صاحباتك وييسرلك ولاد الحلال بطريقك

بنوته هلا والله حيا الله
حمدلله على سلامتك
ما تخافي حبيبتي على الزغار بيتعلمو اسرع منا
احنا اللي عقولنا مقفله خخخخخخخخخخخخ

سلامي للجميع
rabbouche
rabbouche •
klaraa2 klaraa2 :
صباح الخير صبايا كيفك ربوش له له انت ديما ببالنا لو ما سألنا يالله احكيلنا شو اخبارك ووين غبت؟ كيفك ام نور والام الحنونةوموني يا محلاها الصداقة في الغربة فعلا انه الاصدقاء اهل( رب اخ لم تلده ام) حتى انا لما حملت ببنتي كانت ولادتي صعبة وبقيت اسبوع في المشفى يعني شو احكيلكن رفيقتي اخدت اولادي وخلتهم عندها وكل يوم كان عندهم مدارس وما عدا هيك لما طلعت كمان تطبخ وتبعت ومو لشخص تطبخ لعيلة . الله يديم المحبة لهلأ ما بنسى معروفها وبذكرها بالخير وين ما حضرت وعندي صديقة تانية كل شدة بتوقف معي حتى لما توفى والدي كانت خير العون الحمد لله
صباح الخير صبايا كيفك ربوش له له انت ديما ببالنا لو ما سألنا يالله احكيلنا شو اخبارك ووين...
صباح النور كلارا تسلمي والله بعرف انك بتعزيني بس عم اتدلل شوي عليكن ما بيحقلي؟!!
كيف ولادك طمنينا عنكن.
يا جماعة ما شفت ناس اوفياء خلال 6 سنين غربتي، ما التقيت الا بالناس الكذابة، كنت ساكنة ببناية فيها عرب وأكراد بيحكوا عربي، على اساس طيبين وفي زيارات متبادلة بيناتنا، لما حبلت بابني كان وحامي صعب كتير 3 شهور هلكت فين استفراغ ودوخان كل النهار، قام مرة بالصدفة التقيت فيهم عالسلم كنت جاية من عند الدكتورة شافوني تعبانة حتى زاروني وعرفوا شو بني.
او العيل يلي تعرفت علين وعلى فكرة لبنانيين ومن نفس مدينتي، كانت في زيارات عائلية بين بعض، قالوا لي امانة بس تولدي خبرينا، اجا وقت ولادتي خبرتن، والله لا تلفون عالمستشفى ولا زيارة الا بعد الولادة بحوالي الشهر. بس شاطرين يحملوا الهدايا الفخمة ويجوا من باب التفنيص.
والاحلى من هيك وحدة من هول العيل زعلت مني لحالها وانا كنت اذا شفتا بالصدفة سلم عليها، قام مرة بذكرى المولد النبوي ودت لي مع ابنها خبز ورز بحليب، قام والله أنا قبلتن كرمال الرسول عليه الصلاة والسلام، وقلت بنفسي يا الله يا بنت بما انه هي بادرت بهالمناسبة الكريمة اتصلي فيها وباركي لها ويشهد ربي اتصلت فيها كرامة للرسول. قام بتروح بتحكي عني انه ربوش اتصلت فيني وانا ما بدي نرجع متل ما كنا.
والله من يومها بطلت احكي مع حدا وقلت البعد عن هيك ناس غنيمة..
rabbouche
rabbouche •
ام نور واسراء ام نور واسراء :
صباحكو فل وياسمين ربوش اذا ما سالنا عن الحلوين عن مين نسال طبعا الكل حلوين كلارا الله يخليلك صاحباتك وييسرلك ولاد الحلال بطريقك بنوته هلا والله حيا الله حمدلله على سلامتك ما تخافي حبيبتي على الزغار بيتعلمو اسرع منا احنا اللي عقولنا مقفله خخخخخخخخخخخخ سلامي للجميع
صباحكو فل وياسمين ربوش اذا ما سالنا عن الحلوين عن مين نسال طبعا الكل حلوين كلارا الله يخليلك...
ولك صباحك ورد وفل وغاردينيا يا أحلى ام نور
شفتي بلش البرد والسقعة.
كيف نور بالمدرسة ان شاء الله صارت لغتها أقوى
وكيف هالامورات اسراء وديما، والله هيديك اليوم دانيال واخواته كانو عم يتفرجوا عالصور تبع مونسير، بعدن ذاكرينكن قالوا لي تانت ..... وسمّوا لي اسماء البنات.
rabbouche
rabbouche •
يا جماعة والله الي شفتوا من الالمان أحسن من الناس يلي تعرفت علين، مرة كنت عم اعمل دورة لغة الماني، الدوام بالليل من الساعة 7 للـ8 ونص المسا، فزوجي تأخر عليي حوالي ربع ساعة، كان معي بالصف رفيقة اسيوية متزوجة واحد ألماني، والله بقيوا معي ناطرين ما تركوني حتى اجا زوجي، الله يجزيهم الخير.
ikrammounir
ikrammounir •
عزيزتي ربوش الغربة بتكشف الناس على حقيقتهم الله يصبرنا عل الغربة
انا عندي رفيقة عايشة بعيد عني حاوالي الخمس ساعات بس و الله اطيب منها ما شفت في وقت الشدة بلاقيها و هي كمان نفس الشي و انا مرتحة ما بدي صداقة بيكفيني رفيقة وحدة تفهمني و افهمها و اهم شي انها بتنصحني من قلبها و انا بالمثل الله يبعتلك شي وحدة مثلها