حبيبتي اذا ابو زوجك خلى الشقة وقف من غير مايثبت هالشي
بعد وفاته ممكن الورثة مايرضو
وخاصة لو ذمتهم وسيعة ولا همهم ابوهم ولا رغبته
والمحكمة تاخذ بالأثباتات مو بالكلام
يعني ايوة ممكن اهل زوجك بطلعوكم وخاصة لو يبغو يتقاسمو الورث
اما اذا زوجك حصله شي فالموضوع يكون بيد ابو زوجك
هو يبغى يلم عيال ولده ولا يخليهم للحاجة
فممكن يخليكم بالشقة
ولو ماهمه ممكن يطلعكم
واما بالنسبة للتضامن
مافي شي اسمه تضامن بالأسم
تضامن معناه ياخذو من راتب المتضامنين الاثنين
يعني زوجك ليه نسبة ونصيب من هالبيت
وماظن يقدر زوجك يطلع من هالتضامن الا لما يخلص القرض
واتأكدي من هالموضوع اسألي محامي او شخص يشتغل بالبنك والقروض العقارية
وبالتسبة ليك لو انتي بوظيفة حكومية وراتبك حلو
فاشتري شقة
مالك الا دا الحل
والا لو تستني زوجك حتقعدو محلك سر
ولا تقولي ماابغى شقة وابغى فيلا ومن هالكلام
اشتري شي على قد فلوسكم
لايروح عمرك كله وانتي تسددي ولا يروح اكثر من نص راتبك في اقساط

لازم يكتب انها وقف او يكتبها لولده اللي بيعطيه
لأن المال بعد وفاته للورثه مايقدر يعطي منه

انا قرأت كلامك الأول
وفهمت ان الشقه ما بيعطيها ملك لكم لكن يبيها وقف عن عياله
ممكن اذا توفى مايصلح تسكنوها اساسا لأنها زي صدقه عنكم وبيكون عند زوجك غيرها ممكن من حلال ابوه
وعلى كل حال لاتشغلي نفسك بالتفكير في شى ماصار

دام الموضوع مو بإيدك لا تقولي وقف ولا غيره
خلي زوجك يآخد الدرس لحاله بكره يندم ويعض على أصابعه لما يلاقي حاله ماحصل بيت وكل إخوانه ببيوتهم

إنت إحمدي الله أنك موظفه إشتري شقه لحالك عصفور باليد ولا عشره فوق الشجره راح تكونلك إستثمار وما يروح راتبك وتعبك على الفاضي وتأجريها كمان وتستفادي منها وتكونلك سند إذا بعيد الشر جار عليك الزمن

والباقي وسعي لمخده لا تتحملي المسؤوليه بدال زوجك راح تموتي هم وبس وتقضي حياتك بندم فالعمر واحد عيشيه مرتاحه

وليه القلق هاذا كله وعايشين على منه الناس اشتري بيت انتي وزوجك لان ماتدري بعد عمر طويل يطلعوكم من الشقه او انكم تشتروها من ابوه او يسجلها باسمه مالكم غير هالحل لانها بالاخر للورثه