توته البطوطه :

طبعا يعنى حماتى الله يكرمها وهى جايه جايبه البط الى بتربيه عندها معاها فى كرتونه وجايبه اكله وكل احتياجاته بس يا عينى ناقصه البامبرز النهارده بقه صحيت الصبح الحمد لله لقيتها قاعده فى الانتريه ومخرجه البط من الكرتونه عشان يتهوى على سجادة الانتريه وحطاله المايه والاكل بتاعه على السجاده برده وللى ميعرفش يعنى ايه بط ع السجاده هو طول الوقت بياكل ويعمل بيبى وطبعا السجاده اتملت بيبى واكل من بتاعه والبقع بقه حدث ولا حرج ع السجاده والله شفت المنظر واحتسبت اجر كظم الغيظ وما اتكلمتش وايمان بنتى هى الى بقت متضايقه وتقولها شيلى البط ده يا تيته هيوسخ السجاده ياى دا عمل عليها حمام وماما تعبانه ومش هتقدر تغسلها ولا حياة لمن تنادى محدش يقولى ست كبيره ومش فاهمه ......... هى لا كبيره فى السن ولا مش فاهمه هى فاهمه كل حاجه ودى حاجه اصلا مش محتاجه حد نبغة عشان يفهمها يعنى دخلت اوضة ايمان الى هى كانت نايمه فيها لقيتها برده الظاهر عملت فيها نفس الحركه لانى لقيت السجاده برده عليها اكل من اكل البط لانها بتقول دا البط جاع بالليل فواضح انها قامت سبته يتهوى شويه على السجاده برده المهم يعنى دعواتكم وانا والله الى مصبرنى انى بحتسب الاجر وان كله لوجة الله بس بجد انا ليا طاقه والى بتعمله ده حرام اوى ومحدش يرضى بيه وطول ما هى قاعده بقه تانب فى ايمان وتعلق على تصرفاتها وتزعق لها رغم ان ايمان والله مؤدبه جدا بفضل الله والله المستعان تعالى يا لمياء شوفى الونس ........... هو فيه احلى من كم بطايه يعملولك البيت كله تواليت وانتى تلفى تنظفى وراهم

طبعا يعنى حماتى الله يكرمها وهى جايه جايبه البط الى بتربيه عندها معاها فى كرتونه وجايبه اكله وكل...