بالنسبة بقي ليومياتي عندي صداع فظيع من امبارح والمسكنات مش عاملة حاجة

وقايمة مهدوة خالص وكبسان عليا النوم عملت الاكل وروقت المطبخ وحطيت غسيل

ونشرتة وللاسف مش قادرة اعمل حاجة

عايزة ابداء انا كمان في الانتظام في الرياضة ونفسي امشي لاكن الولاد والحر علي شان نفسي اخس احسن زدت

اليومين دول وبداءت اخفف في الاكل من كام يوم كدة وبشرب شاي اخضر

وكنت جربت قبل كدة كوب ماء وعلية معلقة عسل ومعلقة كمون حب وليمون حسيت انة ساعد في اخفاء البطن

لئني فشلة جدا جدا في تمارين البطن

كيكية قدرة قادر

وحطيت الرابط بتاعها وكيكة الكراميل هي بتبقي فيها طراوة شوية مش هشة زي الكيك العادي نتيجة كمية البن وكمان

الكرميل بتشربة شوية فابتبقي طرية

كنزي سلامتك يا جميل من التعب شكله نغيير الفصول ماثر علي الكل هي ديه الطريقه اللي انا عملتها بيها لكن عموما لا حياة مع الياس هجربها تاني ان شاء الله قوليلي انت عندك ميكسلر ولا بتعمليها في مضرب البيض ولا يه النظام اصلي محدثة حلويات خالص
وايه مش بتدخلي عالمسنجر خالص ولا ايه

الرمال الناعمة
كريم باراشوت بجوز الهند خفيف على الاطفال ومفيد ومش دهنى زى الزيوت وحاولى تغذيها اهم حاجة الغذا ولو حسة اناه مش بتاكل كويس خلى الدكتور يكتبلها فى فيتامين مقو
زى ما قالت ام سوسو من كام مشاركة العلاج يبدأ من الداخل
بالنسبة لشعرك
ده طبيعى عشان الولادة وبترضعى لازم تاخدى فيتامين بس الدكتور يوصفهولك عشان يكون مابينزلش فى اللبن للبيبي انا الدكتورة كانت قايلالى استمر على الكالسيوم والحديد اللى كنت باخدهم فى الحمل 6 شهور بعد الولادة
وحاول تجيبي حماما كريم بالنخاع
وامبولات الصبار لتغذية بصيلات الشعر وربنا معاكى انا بعانى من الموضوع ده برضه مع انى فطمت بنتى بس شعرى متدمر وعمالة اجرب فيه وصفات اهوه


توتة
الحمد لله انها مشيت بس استعدى بقى للى هايتقال لجوزك يا حلوة وجهزىدفاعك من دلوقتى من اللى حكيتة كده والله اعلم مش هاتعديها بالساهل والاحسن انك تسبقى وتحكى اللى حصل فعلا بطريقتك لان ما تضمنيش الموضوع هايتحكى ازاى

ام البنات
مرسي يا فندم على المنصب المشرف ده :) جزاكى الله خيرا

الحمد لله كما ينبغي لجلال وجهك وعظيم سلطانك
ربنا رأف بحالتك يا توته واللهع يابنتي دعيتلك وانا محروق دمي ان ربنا يزيح الغمه ويفرج كربك وطبعا انتي عداكي العيب وازح
ولو زعلت ووصلك كلام وكده خليكي بارده ولا كأنك سمعتي حاجه اصلا اي حد عاقل وبيعرف ربنا هيقولها انها الي غلطانه
يالا الحمد لله اوي علي كده

هدي يا حبيبتي معلش نا الصبح مش كنت ناويه اكتب حاجه بس طبعا حماة توته ربنا يهديها تنطق الحجر موضوع الوزرات فزيييييييييع بس انا حاسه اني مااستاهلش الوزراه دي بجد انا اقل منها بكتير لا بس اختياراتك ما شاء الله كلها في مكانها

ام سوسو الف سلامه عليكي بس انا رأيي انك تروحي للدكتور تطمني احسن

انجي ورشا ورشا ام خالد وام عبدالله منوره وهايا وكنزي ومي وعروس والرمال الناعمه وريهام وايناس وحشتينا وام سهيله وروني ونانسي وزوجه مصريه ونيرفانا وفيميل ولميا وكموري ومني ليه مختفيه وكل البنات بسلم عليكم واحده واحده هروح اخلص الي ورايا وارجع ان شاء الله نتكلم شويه عن الصبر

بس انا كنت عايزه اسألكم انتو ليه مش بتتفاعلو معانا في الكلام عن الاخلاق يعني مافيش غير ام البنات وام سهيله الي اتكلمت عن الموضوع معانا انا كان نفسي حتي لو حد عنده تجربه او كده يقولهالنا عشان حتي الموضوع مش يبقي كلام **** خلاص


سبحان الله والحمد لله عدد ما كان وعدد ما يكون وعدد الانفس والحركات والسكنات وعدد الخلق والمخلوقات