السلام عليكم ورحمه الله
ازيكم جميعا يا بنات
الحمد لله ربنا يهدى الامور وشكرا لكل الى دعالى والى نسى يدعى يدعى فورا ربنا يبعد عنى وعن زوجى الشيطان
الى السيده رئيسه جمهوريه الاحلام
فيه شكوى من مواطن فى مدينه الاحلام
اولا ايه رايكم نسميها جنه الاحلام لان كلام عروس عن وصفها كان رقيق ومؤثر
تانى حاجه
ماليششششششششششششش دعووووووووووووووووه
انا كمان عاوزه منصب فى مدينه جنه الاحلام اشمعنى انا يعنى هو انا قليله يا جدعان ادونى اى حاجه مش هقول لاء حتى لو وزيره الافكار او الابتكار او الاختراعات وانا هظبطكم هههههههههههه
طبعا موافقين بالاجماع يعنى انتم هتلاقو احسن منى فين يعنى
عجبتنى اوى وزيره البيئه توته ما شاء الله قايمه بواجبها على اكمل وجه واحب اضيف انك يا توته حاولى تكلمى حماتك عادى وياريت ممكن تجبيى لها هديه بنيه تهادو تحابو ولتاءليف القلوب ومن ابر غير ابائه ابره غير ابنائه ومش عارفه ليه جالى احساس ان حماتك حاسه بالوحده يمكن عشان كده بتربى البط والستات الكبيره بيببقو حساسين شويه معلش
نائبه الرئيس ام البنات
ربنا يقدر الخير لبابكى ويجزيه على صبره
وعاوزه يا ستى اديكى شويه نونسات كتير وحتى لو الفهم على وسطى وانا طالعه من الجمرك عشان اوصلهملك هههههههههههههه واوعى تعتبريها رشوه ولا حاجه عشان تتوسطيلى عند الريسه عشان اخش الوزاره لاء دنا من بكره هدور على طربوش عشان ابقى قيمه وسيمه بس مش السيمه بتاعه عطر ههههههههه
وبجد بقى نفسى نعيش فى جنه الدنيا عشان ندخل جنه الاخره
فى جنتنا ونحلم بكل حاجه حلوه احنا عايزنها فى الجنه وربنا يحققها لنا فى الاخره
واول حاجه حسستنى بهذا الاحساس كلام عروس الى مطنشانى ههههههههههههه
لا للاكتئاب لا للزعل لا للنكد بين الازواج
كلام فعال ومؤثر وعاوزين المزيد منه عشان نطبقه كلنا

واحب كمان ارشح الاستاذه لميا لتسمك وزيره الخياطه فى مملكتنا ودا نظرا لمجهودتها البارزه فىاالتدوير واعاده الاستخدام
وماما زوزو مش عارفه ممكن تاخد منصب وزيره الشئون الاجتماعيه ولا وزيره الاحتضان ولا وزيره الخبره والاستشارات ايه رايكم
يلا سلام عشان برتب فى البيت وبخترع شويه حاجات هتعجبكم
اه منا لازم اظبط عشان الوزاره ههههههههه

السلام عليكم
ازيكم يا احلى صحبة
ايمان ربنا ييسرلك امورك ومستنيينك تطمنينا
توتة الحمد لله انالموضوع وقف لحد كدة دا بحيرة البط اللى عندك دى عليتلى الضغط بس حقيقى ما شاء الله عليكىانك قدرتى تمسكى نفسك وما زعلتيهاش ربنا يجعله فى ميزان حسناتك
زوجة مصرية قصصك رووووووعة
ميروهى دى الحياة يا بنتى حبة فوق وحبة تحت بس انتى طولى بالك ربنا يهديلك جوزك ويهديكى ليه
ام سوسو الف سلامة يا قمروعايزة منك تقوليلنا هى ايه حلوى المن والسلوى اصلهم بيشكرو فيها اوى
لميا انتى مضايقة نفسك ليه اعتقد ان امتحانات الكادر هتبقى كل سنة فى شهر 8 يعنى ممكن تدخليها بعد كدة
حبيبة وعين وكل القمرت منورين

مسااااااااااااء الخير يا حلوين
اخباركم ايييييه يا بطابيط <<<<معلش موضوع البط مسيطر على دماغي

مش عارفه اقول ايييه في كلام عروس بجد عيشتيني في حلم جمييييييييل
حلم الجنه و حسيت بكل كلمه كتبتيها و تخيلت نفسي فعلا معاكم في الجنه في مكان حلم
يارب نولها لنا و نتجمع كلنا بولادنا و ازواجنا و اهلنا جميعاااااااااا

و ان شاء الله ناكل مانجو في الجنه !!!!!!!!!
معلش يا جماعه دا تصوري و انا طفله عن الجنه !!!!!!
اصلي و انا صغيره كنت باكل فداااااااااااااان مانجو كل صيف
و بابا و ماما كانوا بيحاولوا يسيطروا عليا عشان الحجم العظيم اللي انا فيه
فكنت بفضل اعيط و اقولهم بكره لما اروووح الجنه هقول لربنا يديني مانجو
و اعيش في مانجو و انام في مانجو و اعوم في مانجو هههههههههه
و بجد الموضوع ده مسيطر عليا اوي
و اوعدكم ان شاء الله اني احاول اسيبلكم شويه مانجو من بتاعتي

ام سوسو
كمان كلامك كان ليه وقع جميييييييييييل بجد قريت المشاركتين ورا بعض
و عشت في حاله من السعاده و لراحه النفسيه
و بجد امنت على كل دعاء انت كاتباه من قلبي اوي
ربنا يظلنا في ظله ان شاء الله


بس على فكره يا جماعه احنا عندنا رئيس جمهوريه سوسه و بيفهم الكلام اللي من تحت لتحت
خدوا بالكم بقى لا تتسحب الوزاره بسبب كلمه كدااااا و لا كداااااااااا و سياده الريس يقفشها ههههههههههه


و على فكره حكايه التاجر شككتني في نفسي يا عروس لان عمي عاش نفس الموقف
بس باختلاف القصه
هو و مراته فضلوا عمرهم كله بدون اطفال و فجاه من تمن سنين كدا كان زميل عمي في الشغل
و ياحرام مات هو و مراته في حادث و كان ابنهم لسه بيبي
بس كان عنده جدته و اخدته عندها و كان عمي متابعه و بيتولاه عن بعد
و فجاه جده الطفل ماتت
و اخد الطفل عمه و كان مكملش سنه يا قلبي
بس عمه ضاق بيه عشان ظروفه مش اوي
فقرر عمي و زوجته انهم ياخدوه و فعلا عم الطفل رحب جدااااا
و اخدوا البيبي ده و كمان صادفت ان مرات اخو زوجه عمي كانت بترضع
ابنها فرضعت هذا الطفل 5 رضعات مشبعات بحيث ان مرات عمي تبقى عمته
و الولد حاليا كبر ماشاء الله و بقى في ابتدائي و طبعا هو كل حياتهم
بس دايما خايفين يحصلهم حاجه لانهم كبروا في السن
ربنا يخليهم له و يقدرهم على حسن رعايته

يا جمااااااااااااعه ازمه انفلونزا الخنازير خطيره
اللهم احفظنا و احفظ المسلمين
عايزين نفيد بعض بمعلومات حول الموضوع دا
و الرابط دا حلو اووى http://forum.hawaaworld.com/showthread.php?t=1702277