مبرووووووووووك الملف الجديد
كلكم وحشتووووونى

رجعت لاهلى واصحابى
صباح الفل على الجميع


مامازوزو وحشتينا ومفتقدينك وانا زيادة شويت بس ماحبيت ازعجك فى الاجازة العائليه وحضرتك انا بعد اذنك اخترتك المستشار السياسى لرئيسه جمهوريه الحب ولايمان

السلام عليكم ورحمة الله وبركاته

ازيكم يا بناتي الحلوين وحشتوني جدا جدا

الحمد لله بئيت احسن اكيد من دعاكم ربنا يكرمكم جميعا

ام سوسو اتهزيت اوي لما افتكرتي انك مدعتليش وبعدين دعيتي ربنا يكرمك ويفرحك ببناتك ويكونوا من حملة القرآن يارب

عروس وصفك اكتر من رائع ربنا يحققلك كل اللي بتتمنيه

منمن ربنا يفرج همكم ويوسع رزقكم يارب ويلين قلب من احوجكم اليه

ام البنات ربنا يتم لباباكي الشفا على خير ويرزقه ويرزقنا جميعا حسن الخاتمة

انوج اخبارك ايه يا مانجه واخبار يوسف ايه ورحت لدكتور ولا لسة

ماما زوزو حمد لله على السلامة

هبهوبة ام يوسف مختفيه ليه

كل البنات من غير اسامي عشان مش بحب انسى حد ربنا العالم دايما في بالي ودايما بدعي لكل الواحد باللي بتتمناه

متنسوش اروى بنت اختنا محتاجة للدعاء في دعائكم ربنا يتملها الشفا على خير ويعفو عنها

زوجه مصريه القصه دى قراتها كثير جدا ومن جمال الحب فيها كل ما اقرها كانها اول مرة
ايناس وزير الماليه عازوة ميزانيه فى حدود 1000 فبها دروس 300 ونور وميه 70 لانى المرتب الشهر اخته مش كامل عاشان -------------وخلص امبارح فاضل مبلغ عظيم مش هقول عليه علشان اخاف من الحسد:09:
ان شاء الله مزانيتك احاول اطبقها من الشهر الجاى وانا حاطه الدروس بعد نورهان ماتخلص لان الدروس الضعف انا تقريبا عايشه برضا ربنا لان الوارد ربع الخارح وربنا ييسر

عطر ومى ونانسى ورانيا سابش ورانيا تو وثرى وروشانا ورشا ومادو وميرو ورحاب وام يوسف ومنى دموع وام مريم وام شهاب وكاميرا والمحبه للرسول وكنزى ولميا وشيماء وراجيه عفو ربى وريهام وكهرمانه وتوته والرمال الناعمه ونيرفانا وحبيبه اوسو وهايا ويارب منستش حد
ايمان يابنات هى نائب رئس الجمهوريه لانها سبب التجمع الحلو دة ربنا يفك كربها
اللهم ارزقنا قبل الموت توبه وعند الموت شهادة والثبات وقبر روضه من رياض الجنه وشفاعه المطفى والورود على حوضه صلى الله عليه وسلم ولذ النظر الى وجهك الكريم

السلام عليكم ورحمة الله وبركاته
صباح الخير علي جمهورية الحب النسائيه
اولا اهلا بست الكل ماما زوزو حمدالله علي السلامه وحشتييييييييييينا
بس ايه رأيم في مجلس الوزراء بتاعنا تقريبا الشعب كله وزرا ههههههههههه ماهو لازم كلنا نحس ان لينا دور محوري ومهم
وطبعا انا برشح حضرتك رئيس الجمهوريه عشان عادتا الرئيس مشاركاته بتبقي قليله بس بنلاقيه موجود لما نحتاجه وطبعا مشغول بشئون خارجيه كتير زي حضرتك وعروس تبقي رئيس الوزرا او نائب الرئيس سبحان الله كل ما افكر في وزاره الاقي عروس هي انسب واحده تمسكها ما شاء الله عليها بتاخد بالها من كل تفاصيلنا ومش بتسيب حد الا لما بترد عليه ولو مشكله بنلاقي الحل في كلمات بسيطه منها بجد انا حاساها اوي رئيس الوزرا لأنها كده تبقي اقرب لينا كلنا

اولا ام سوسو صباح الخير يا حبيبة قلبي ايه الدعوه الجميله دي جزاكي الله خير علي الدعوه العامه والخاصه والف سلامه عليكي حاولي تاكلي حوادق يعني مخللات وكده عشان ترفع الضغط
في حاجه انا حسيت بيها مش عارفه انتي لاحظتيها ولا لأ عادتا البنات لما بيكتبولك حاجه بحس ان اسمي بيجي بعدك او معاه ........ صح الحكايه دي لها وقع في نفسي جميل اوي لأن ربنا يعلم الحب الي في قلبي ليكي سبحان الله
لما دخلت معاكم في الاول كنت بقرا مشاركتك وانا حاسه انك قريبه مني وكمان لما شوفت صورتك حسيت اني كأني اعرفك اوي
وتخيلي والله كمان لما بعتيلي صور بناتك والله حسيت كأني بشوف ولاد اختي ربنا يعلم الي جوايا من ناحيتك واتمني اني اشوفك اوي وحها لوجه .............. سبحان الله ربنا قدر يجمعنا يا حبيبتي

عروس كلامك قشعر جسمي اوي وبكاني الحلم يجنن يخليكي تحسي ان ربنا انعم علينا وميزنا بنعمه كبيره اللهم انا نسالك دوامها يارب العالمين

زوجه مصريه طبعا قصة السيده زينب مثال رائع للصبر والحب انا بقي يا ستس كنت بتخيل الجنا اني قاعده علي سرير من ريش نعام وتحتي في نهر بيلمع وشجر حوالية من كل حته فيه كل انواع الفاكهه وطيور علي الشجر تقريبا الحلم ده من اول ما بدأت اتخيل الجنه

ام البنات ربنا يعافي باباكي ويجعله كله في ميزان حسناته ويهون عليه يارب ويطمنك عليه كلامك حلو اوي عن الاستمتاع بالحياه
صحيح احنا عرفين الحياه دار اختبار والاخره هي دار البقاء بس برضو الدنيا دي بتاعتنا لازم نستمتع بيها ونعيشها بكل حاجه حلو بس طبعا بقدر الامكان في الاطار الديني بس بجد يابخت بناتك بيكي يارب يخليكي ليهم ويفرحك بيهم ويصلحهملك ويرزقك برهم اللهم امين

انوج وحشتيني اوي انا بقي أه الي بقولك انتي مطنشاني ليه بس بجد رعبتيني اوي تعرفي اني الفتره الي فاتت بقرا عن حاجات كده عن اخر الزمان يعني علامات القيامه والحرب الاخيره والحداث ألي قبلها تعرفي اني لقيت اننا بنمر بكل الاحداث الي الرسول صلي الله عليه وسلم اخبر عنها مش عارفه انا مرعوبه اوي وجوايا خوف غريب من كل حاجه ربنا يسترها معانا في الدنيا والاخره يااااااارب

رشا وحشتيني اوي مش عارفه ليه مواعيدنا مش متظبطه بس ده برضو مديني احساس مش حلو كأن الشيطان بيعطلني ويشغلني استغفر الله العظيم ربنا يهدينا جميعا

ام عبد الله حبيبتي ايوه كده خليكي معانا علي طول مش تقري وبس وانتي فاهماني طبعا ربنا يصلحلك الحال يارب

مش عارفه حاسه اني نسيت حاجات كتير علي العموم بسلم عليكم واحده واحده عشان مش انسي حد وان شاء الله النهارده الخميس ولما بنصلي علي حبيبنا سيدنا محمد صلي الله عليه وسلم بيسمعنا وبيرد علينا السلام فأكثروا من الصلاة عليه


اللهم صلي علي سيدنا محمد وعلي ال سيدنا محمد كما صليت علي سيدنا ابراهيم وعلي ال سيدنا ابراهيم وبارك علي سيدنا محمد وعلي ال سيدنا محمد كما باركت علي سيدنا ابراهيم وعلي ال سيدنا ابراهيم

السلاااااااااام عليكم
ازيكم يا بنات ايه الرغى ده كله
ام البنات ازيك يا قمر والله بقالى يومين بقرا فى 50 صفحه ربنا يزيد ويبارك اصلى لازم اقرا قبل ما اكتب اى حاجه
متتصوريش بفرح لما بلقيكى فكرانى فى كلامك اد ايه بجد انت بنت حلال مصفى وطيبه اخر حاجه على راى انجى ومى
انا امنت على دعوتك لباباكى بس يا ريت تطمنينا عليه
الملف كان جوه ظريف لحد سيره انفلونزا الخنازير مع انى بقرا الجرايد كل يوم وعارفه الوضع
بس الواحد ما بيصدق ينسى معاكم شويه
والله الواحد مش عارف يخاف من الاكل الفاسد اللى فى البلد عينى عينك يعنى انا لسه شايفه ماركه باسا بتاعه السمك بتتباع عادى جدا فى السوبر ماركت مع ان الحكومه حزرت منها
ولا يخاف من خطف العيال ولا من الامراض ولا ولا احسن حاجه الواحد يسيبها على الله وخلاص وربنا يستر
انجى
طمنينا قررت ايه بالنسبه للعمليه يا ريت تكشفى عند دكتور تانى لكن بسرعه شويه عشان تاخدى قرار سريع
وربنا يقدم اللى فيه الخير ان شاء الله
منى
ازيك يا ذووووووق ربنا يصلح حال زوجك وييسره لما فيه الخير ليه ان شاء الله
زوجه مصريه
ازيك يا قمر انت بتجيبى قصص تحفه بجد ربنا يجعلها فى ميزان حسناتك بالمناسبه
عايزين بقى وزاره ثقافه بالمرة يا ريت اللى غاوين قراءة يقولو اسامى الكتب اللى عجبتهم
اصلى بسترجع هوايتى اليومين دول بجد القراءة من كتاب متعه حقيقيه اكتر من النت بكتير معرفش ليه
سلامى لام يوسف وام سوسو على فكره يا ام سوسو ضغطك مش واطى قوى اكيد فى حاجه تانيه تعباكى وعلى فكرة كمان الاستسلام للضغط الواطى بالكسل بيوطيه زياده اصلى مجربه انا ضغطى بيوصل ل80 على 60 لكن لما بعمل مجهود بيتظبط شويه وكلى حوادق انت كنت عايزة اكله فسيخ وهى تخليكى تمام
انا مشكلتى بقى ان السكر كمان واطى يعنى لازم اكل حادق وحلو مع بعض انا قلت افضفضلك شويه عشان انشطك وتحسى انك احسن من غيرك والحمد لله
اصلى بسال جوزى عمرك شفت حد ضغطه اقل منى قالى اه والله فى واحده ضغطها كان 40 على 20
بقوله مين دى ؟قالى حمات اختى وهى بتموت ههههههههههههه شفتى الهنا اللى انا فيه وبيحكيلى بكل سذاجه
قومى بقى ومتستسلميش للتعب وربنا يديك الصحه
معلش طولت عليكم بس كلكم وحشنى جداااا يمكن ارغى معاكم النهارده شويه قبل ما اروح لبابا
عشان انا نست الكلااام
سلام للرمال ونيرفانا وايناس ومى وهايا وروشانا وميرو ولميا وحبيبه وبوتا ورانيا وكل البنات واكيد نسيت اسم حد
عروس
سيباك للاخر يا جميل وحشانى بجد ونفسى اسمع صوتك بس موبايلى قاطع نفس ربنا يهديه ويتلصلح وانا اللى هكلمك
ازيك يا ماما زوزو حمد لله على السلامه

سلام اسفه على الرغى بجد